Sony Xperia SP

評測報告

實拍照片

1. 7日以來冇LAG過，速度同4核機有得揮，播720P影片零延遲
2. 舊電真係非常襟用，一D都唔似SONY旗下其他機款，之前部GALAXY NOTE都唔夠佢襟用
3. 4.6吋MON岩岩好，319ppi肉眼都好難見到有粒粒，雖然係TFT MON但唔覺得有白霧，可視角都好好。
4. MON下面條指示燈好型。就算唔鐘意閃下閃下都可以熄左佢。
5. 有相機制，長按可以快速開機影相
6. clear audio播歌好正，sony walkman播歌質素其他品牌永遠追唔上
7. 內置APPS冇用的話可以直接UNISTALL
8. $3000 (計埋信用卡回贈) 呢部野真係抵到爛

1. 前後相機拍照質素比較差 (我只可以講話差過GALAXY NOTE)，而且好似冇連拍。
2. 當有機殼包住部手機，個實體快門鍵比較難按。
3. 冇得換電 (....不過舊電襟用得冇乜需要換電....)
4. 機套極少 (但都俾我搵到，睇下面用後感)
5. 用開SAMSUNG，唔習慣冇實體MENU制；ANDROID皇家3粒制喺個4.6吋MON裡面 (好彩睇片 + 玩某D GAMES時會暫時消失)
6. APPS冇得SAVE落SD CARD，SAVE落SD CARD只可以做備份

機殼，相信係令好多人對呢部手機卻步既原因。冇錯，銷量最好既機殼係IP5、NOTE2、S4、HTC ONE，甚至XPERIA Z。各大連鎖電器店都冇賣 / 唔會送XPERIA SP既機殼。
我搵左好耐，行哂成個旺角，終於發現星際2/F其中一間鋪有賣XPERIA SP機殼，唔知會唔會鼓勵到人買呢部機呢....

我最想讚既係STAMINA省電模式，我熄MON之後調整到只會開WHATSAPP + GMAIL，如果冇人打俾我冇人WHATSAPP冇EMAIL，平均每小時消耗少過 1%電。
以前用NOTE貪佢MON大電大，但而家用XPERIA SP先領略到朝早07:00 100%電出街3小時WHASTSAPP + 1小時上FACEBOOK + 5小時播歌，20:00番到屋企仲有50%電係幾咁爽，尿袋都唔洗帶。當然啦，我只係用3G既，4G耗電量我答唔到。

內置既試用版Mc****手機防毒APPS，唔知點解更新後無法都STAMINA省電不相容，好彩我可以剷左呢個內置既防毒APPS (其實都係得30日試用)。

相機點較都係麻麻。光源不足情況下白平衡OK，光源充足情況下有少少偏黃；HDR有開同冇開分別不大。但我整體上覺得相機功能夠用，又唔算話係差到唔見得人。我口講無憑，大家去試機就知。
另外我自己都有單反，本身對手機影相期望不大，只係用黎即時影低重要野或者方便上傳FACEBOOK，所以冇乜所謂。

價錢 - $3400 幾ok, 去某手機專門店，用某銀行白金咭仲有8% 回贈就好抵
網絡- 比較之前用緊 S2, 在用一地方，網速較快
電量- 初用，比S2 慳電，不過未試真常用LTE 會唔會到水
外觀- 七色LED 真係好用，set 好左，一睇就知係咩事，有獨立影相製，開關掣就手，唔駛再裝lock screen apps,

相機 - 由按掣到拍攝有少少dalay, 較暗環境下, 相片質素較差
配件 - 手機新, 亦非旗艦機, 手機套無得賣, 同S4 配件比，係無得比
手機軟件- Sony PC Companion 內置在手機，變相咪減少左空間

其實一開始想買xperia Z, 但$5700, 太貴，等等下，知道S4就出，又等下，點知$5900, 仲貴，又以為S4出 Z 會減，點知又無減，後尾知道SP 訂價$3400- 咁Ｏ既價錢有4G, 1280x720, 對得住個價，係影相有dalay 較失望，但整體上都滿意，平過Z & S4 $2xxx, 係Ram & Rom 較少，而家新，仲夠用，用落未知夠唔夠

平！6／2013果時買入全新$2900
有1.7Ghz雙核處理
咁既價錢有4.6寸mon
閃光帶好令，聽歌睇相會變色，打電話有未讀通知都有色，可以自己set佢變咩色，返學怕佢閃又可以off左佢
聽歌ok
快！

相機用全自動只有700萬像，半自動有800萬，白平衡偏黃色
對焦超慢，經常對錯焦（我部機問題？）
前置鏡頭得30萬像，不可用
金屬機身---重！！
wi-fi斷下斷下最不能接受

初初果時電量幾好，用內左電跌得快左好多，不過都好少跌到少過15%
相機真係唔好用，比起其他800萬像既機，質素差好多，為左想換部有800萬像既手機既人唔太建議買e部機
為左想買部又大又平又快對影相冇咩要求既人好值得去買e部機

1.平
2.mon顏色靚
3.易用
4.size岩岩好

1.自拍勁勁勁差
2.相機質素差
3.來電閃燈不能設定不閃
4.冇機殼

想試試用下sony,支持下佢, 一般功能都ok~我唔打機都夠用
但影相就差到不堪~人地三叔機500萬傢都靚過我地9條街,前置仲衰得30萬像~用黎擺咩=="

- 電量大，玩足一日冇問題
- 二千幾蚊大牌子可以買到呢個spec，算超值
- 一個字：平！

- 個display好雞，色彩同亮度都唔夠，什麽Bravia engine完全係廢話，一拍埋Samsung度完全冇得比
- Sony個display仲未用盡個機身大小（包括最新型號都係咁），display上下部分依然留有好大條邊，又唔係為左放實體鍵，即係話個display其實可以用大啲，或者機身細啲
- LED顯示燈太光，晚上有點擾人
- 155g實在太重！

小弟弟一次寫用家心得，原因係對於Sony有一點意見，不吐不快。
無疑，Sony近一年的產品on paper相當吸引，性價比算高，又有品牌，於是年多前起，我和家人的手機、Laptop、相機等都買了Sony。可是用了之後是一場噩夢。產品方面是沒有大問題的，我大概可以畀8分，但售後服務就畀0分了，因爲我有部手機在保養期内維修，居然完全唔知要整幾耐，仲老點我叫我自己去維修中心試下有冇得攞，結果冇得攞不特止仲畀服務員寸，態度極度差劣。幾番跟進、投訴都全無答復。最後過左38日先有人打電話畀我話攞得，但我已經買了新機，我問服務員可以點，佢一句寸埋嚟話我可以選擇攞或者唔攞。似乎Sony的服務員全部都訓練有素。甚至後來事件交由消委會處理，Sony態度依然強硬，不道歉不賠償，只解釋因爲零件缺貨所以才要修理38日，事件中並沒有什麽不妥。
我買Sony行貨其中一個原因，係因爲相信佢售後服務。我而家已經轉投Samsung，產品比Sony更好，售後服務未知，相信唔會有人差得過Sony吧！

1. LED燈吸引
2.有實體快門制
3.MON 色靚, SIZE FIT手型
4.硬體拍得上4核機
5.上網快

1.前後相機極差
2.不可換電
3.差電極慢
4.用電快+電量少
5.機身重得不合理
6.內置APP完全不好用

用左IPHONE4 2年完約諗住唔做機奴換平平地既機轉埋台,
本身想換HTC ONE SV, 主要因為有得換電
後來諗落SONY出名又在某SALES推薦下換了SP, 用了不夠一個月已是惡夢



1.首先就其他用家既意見, 機殼對我來講不是問題, 因為本身機已經重, 響淘「保」買到機殼結果冇用因為唔想再加重部機, 搵唔到? 又不是老人機! 機殼?你有心就有

2.STAMINA省電模式 = 垃圾
我完全唔覺得有咩用, 點解? 我要佢個ALARM 叫我起身. 熄左機又唔會有ALARM, 焗住開機訓, 好啦, 一起身就冇左20%以上30%下, 有時趕時間出門, 鬼有時間差電, 我計過要差30% 要一小時! 之後出門已經不夠70%電了, 我單是一程30MINS車, FB, 4G上網, 間中玩一陣遊戲( 我不玩神魔和P AND D), 呢30分鐘已經用左我15%電! 得番55%, 唔夠穩陣, 差30%電要1小時, 我個外置差電, 結果要不停插住部機, 好唔方便! 之後得閒又用下, 行街冇用時就要插住電, 好唔易先令到部機保留到10%多, 番到屋企又係要痴住個電制, 差左一陣又訓. 訓起身又唔夠電, 惡性循環, 只有放假才能減輕壓力, STAMINA省電模式開了等於沒有, 用3G試4G機 = 試不出真正的機能

3. 相機=唔用好過
800萬, 比IPHONE4 500萬, 我覺得真係IPHONE4仲好
SP 影相慢 不論CAPTURE OR FOCUS! 又黃和暗
FOCUS又要按幾次才得, 黃的問題好難解決, 唯有影多幾張, 出去影特別旨意SP真係好慘! 除非夠光或者有SHARP 既色, 否則多數都影唔到好相, 前置更是不能接受, 30萬, 始終用手機方便影相, 你估你在袋搵部DC快定褲袋拎電話快? 有時想即時SHARE, 唔通話番堅企先? 如果是以有DC和單反來指SP影相可接受, 只是轉移視線, 口講無憑, 你地不信我可UPLOAD相, 我絕不覺得去試一試機就可試得晒

內置APP好鬼唔好用, 好似話當PS3手制, 原來又是要俾錢買條線, 真係好低能, 本身差電唔快仲要當手制用, 想點?

仲有DROPBOX不是只有SONY送. 不是SP的優點!


如果你只是間中用用電話, 3G上網, SP都還OK, 如果你是高用量用家, 早走早著, 「***, L芝, HT思」 應該會較好 最少他們有賣點
如果你真的買, 試清楚, 諗清楚我講既缺點會不會是你CONCERN 的.

最後. 5月1日買SP的我在7月中 在「為信」以2050TRADE走SP, 即時換三叔S4,
完完全全解決了我在缺點講既野, 真係電子野就真係平野冇好野,
最少 我是用了2個月, 不是用幾天就屁股痕上來留言