LG G2

評測報告

實拍照片

1. IPS Mon靚,Zero gap技術令個mon比g pro更出色
2.聽歌勁正
3.背制設計好好
4.續航力好
5.光學防手震一流

1.前鏡差
2.容量低(相對於可播24bit功能)

用左幾日Z1,始終都係掛住Lg IPS Mon,於是出部G2玩下,個Mon靚就係人都知啦,加埋Zero Gap技術,可以話更上一層樓,對比起G pro,D野好似有少少浮出黎既感覺.
由於我本身用緊Westone 4耳機,所以24bit播放可以將個耳機發揮得好好,但始終容量得32gb 一首歌都幾十mb,容量真係一個大問題,但放普通用家係好足夠.
相機防手震一流,搭緊車影相都冇問題,唔會有失焦情況出現,夜晚光線不太充足下影都好靚,成像唔會暗.
可惜始終冇完美既,前鏡頭降燥大勁了,搞到好多雜訊出現,有時想同女友白拍效果都不太好.
我既用機歷史係ip4>ip4s>ip5>G pro>Vega a850/a860>G pro>Z1>G2
係日常用方便.電池表現好好,絕對可以由一早用到夜晚番屋企,就算同朋友突然有下場都唔洗擔心(我通常係whatsapp下.上fb,instagram)唔係常打機,有次睇左2個鐘既1080p影片先冇左25%電,電池真係好勁.
機身發熱都係通病黎架喇,G2問題唔嚴重,就算係散熱都好快
LG優化系統好好,冇lag冇死機,Setting 簡潔易用.
本人係用行貨的,普通用家電量同容量都不成問題,無謂去買水貨冇左個保障.希望我既心得幫到大家,G2絕對係一部好機,優點太多,講唔晒,交比大家去發掘下
加番D新評語,用耐左部G2,再發現D真正人性化既功能.
1. Kick On功能好實用.已經完全冇用過個lock制,可以令個制唔好咁快壞.
2.就係個相機光學防手震.今日做project要錄影,由於冇腳架,要用人手,前前後後錄左30min,舉到手都痺埋,真係feel到手震....但條片出黎完全冇震既感覺,仲比人話我手定XD

樣靚、MON靚、聲靚！拍攝正、通話正、電量正。

無得插記憶咭。建議LG以後的手機不要學SONY咁將功能制放在屏幕上，這亦是Sony手機的其中一大敗筆！sony的機除了三防外其余都不好，否則我已用了Z1。

之前用過LG G，又係無得換電同無插咭，覺得除佢電量不夠外其他很好，在肥花我寫過心得話如果改善產品我會下一部都支持LG，果然呢部電量加大了，足夠一日玩機，購買之前試過***生果等新産品，結果無出其右，碌三的假皮底真有些人家說的山寨味，也不考慮了！個人認為LG的lPSMON暫時是最好的！加上一些新功能，如連敲二下喚醒和熄MON，電源制放係後邊等，拍攝也得到改善了，所以我選擇了這部G2。但還是希望LG多出一些有得換電和插SD咭的高端手機，LG加油！
睇之前八個都係推薦嘅，我都唔例外。
補充：用了G2大半個月了，我發覺香港還是很少人用LG的手機，大陸更少得可憐，網上或雜誌很少提這個牌子，一面倒***,由於我長在強國上班，公司有些強國人叫LG叫做老公，話聽個名都憎，真是強國多奇人。

1. 5.2吋MON, 成個正面75%係MON. HTC B'S 同 G2 之中, 都係SIZE問題所以撿左G2. 細機身, 大 IPS 靓MON. 點解吾撿HTC B'S? SD slot 响電話到少用. 且HTC B'S 的
2. 基本上所有也都可以根據自己喜好調教. 連震動頻率, 強度, Home/Return/Option Key都有得教位.
3. 有無人覺得普通ANDROID機 Notification Panel要由最上往下拉, 好難做到單手完成, G2值得一讚的係加多左個 Notification Panel shortcut响底, 單手操作無問題.
4. headphone jet / USB响底係好人性化的設計, 試想想放褲袋, 個headphone jet係往咩方向?
5. double knock絕對係駕車人士的因物. 其他機要大力壓落部機到, 易走位/跌落架.
6. 相機有驚喜. 算中上
7. 4G+大MON來計, 粒電都好勁下, 一日一插一定夠用. 吾使尿袋, 申利: 之前用razr MAXX轉過來都感覺良好. 用開MAXX既朋友根本不志在換吾換電, 夠頂兩日米得囉. 用電話打8個鐘頭機的人應該好少掛.

缺點係有D雞蛋裏挑骨頭.
1. 接收無MOTO好, 屬Average. 之前部MOTO响電梯都收到非常清晰.
2. 機殼係手指紋磁石. 全裸跑硬係覺得差D. 算數啦, 男人係裸跑下先夠型. 下下拿個套出來, 成個女人甘.
3. 喇叭小小拆. 問題吾大. 聽歌就用headphone啦. 米搞到好似D阿叔開收音機聽馬甘.
4. 此機若有SD+金屬殼, 一定係13年機皇.

對LG個名一直都印象嘛嘛.
今次用後有改觀. 絕對抵讚. 比起果D6, 7千一部的Iphone/***/HTC B'S係絕對超值.

個人對電話要求 大電/大靓Mon/機身小巧/ User friendly. 滿足曬.

好多Ching講哂,吾駛重复

行貨無得換電,加吾到sd卡，32GB吾多夠用,好在支持OTB,可以將相片同歌放到外置USB,遗憾既就係地圖文件讀吾到,一定要放到機身内存，機身有24GB+外置32GB,仍是可以，只有D難睇，pet pet插住個USB

本身一直用三星，感覺好方便，好多小功能挺得意，但實際用途吾多，只係心里上多D野玩會心里舒服，S4其實已經吾錯，但見左G2真機后，馬上轉會，影相比S4更靚，MON更清晰，而且内存用剩500M,仍然無lag過機，note1、2, S4、MEGA都逃吾過lag機既厄運，用慣三星轉左G2有D吾習慣，但無后悔，LG今次真係令我對其產品改觀，有改進,而且進步吾少，水貨可以插卡換電，但我仍買行貨，費事有條天线收機佬話水貨機吾敢收，我從來手機無寫評論，但呢次破例寫一次，G2绝對係好機一部，想換機既朋友值得試用一下

5.2吋IPSMon超靚, 高解像度, Samsung和Sony無得比.
超慳電, 足夠我用1 日半唔駛帶尿袋出街.
1300萬像數鏡頭, 影相對焦反應快, 相片還原度都算O.K
MON勁幼邊, 機身大小適中, 夠簿, 好揸手.
通話清晰, 聽歌一流.
原裝韓國製造, 信心保證.

無得換電.
無得外置記憶卡.
中文手寫認字麻麻, 同埋手寫範圍好細.

之前用開Samsung S4 四個半月, 發覺部機超級食電, 用半日就無左成60%, 影相質數就麻麻, 同埋試過Hang左3, 4次機, 於是早兩個幾禮拜前把心一橫, 買部LG G2代替佢, 發覺部機出奇地好用, 粒電又襟, 簡直同S4差幾條街咁遠.

我和太太都轉了LG2, 真係好正,畫面一流, 我用過Iphone 5 , Samsung Note 1, 2 , S3, S4, HTC one , 流暢度好正, 沒有出現過LAG的問題, 影相我個人覺得OK.

無得換電!因為用行貨.

我和太太用了2星期, 畫面, 流暢度真係好正, function 都好實用, 現在好難有android 機同佢比,用過我相信好難專返其他android 機.手感好好, 當初想出NOTE 3, 現場試過真係有點.......其實一個電話為何要有一支筆呢? 當筆記用?所以買了LG2, 買了沒後悔過
以上是個人觀感.
我2個朋友都出左NOTE 3 , 試過我部LG2後, 第二天就賣了NOTE 3 換了LG2.這部機值得推薦