優點:
1 - 靚仔, 呢個真係其他廠暫時難以匹敵
2 - 實體快門鍵, 但要裸機先好撳, 一用左套就難按左D
3 - 另外買條線, 用磁充位叉電, 可以唔洗成日開個USB位, 防水機黎講, 可以安心點。
4 - 電量正常使用下剛好一天夠用, 我用左1星期, 舊電頭兩日熱左身之後, 呢兩三日都可以撐到15-18個鐘, 叫OKAY啦, 但我出街照拎尿袋, 始終唔夠安心~
缺點:
1 - 作為一部電話, 通話質素真係十分十分麻麻, 我相信係因為要防水, D聲真係差。
2 - 同樣因為防水, 個喇叭真係好細聲, 我冇Z冇得比, 我上一手係用S2用左兩年幾, 係好明顯大聲好多好多, 通話都好過Z1~
3 - DOCKING難用, 本身係好既, 但好難對中位, 裸機一樣難。
4 - 前置鏡頭好麻麻, 感覺同S2比都冇明顯好, 但同S4, N2比都有比下去既感覺~
評價:
S->S2->Z1
1 - 用***用左三年幾, S同S2個MON, 都好快就有印, 個MON係就係真係好艷, 但真係呃自己, 而家個MON D色真好多~~
2 - 相機功能其實OKAY啦, 冇廣告講得咁好, 但要SNAP其實係方便, 個auto mode, 真係影夜境唔錯~~一般情況下, 要影靚相仍然係要慢慢set野慢慢影先好效果~~iso200-400都已經好粗, 係有d不滿, 不過叫可以接受囉~~
3 - 個firmware好似未ready好就推左部機出街咁, 頭兩日用差不多完全講唔到電話, 係咁斷線又係咁有d電流聲, update左最新版(21/10/2013update)之後係有明顯改善, 但通話質素都仲係唔太好。
對得住個價囉, 其實我幾滿意~~不過如果要成日長講電話既人, 一係用handfree, 一係就唔好用呢部機了~~