- 大品牌, 市場佔有率高, 所以配件不難找(即使只係要搵一個手機套, 都大把廠同佢出, 大把你選擇)
- 不是全高清芒, 這個我寫成為好處, 原因有三點:
a. 運行3D遊戲更順, 我試過同一個Game(real racing3)係一部1.6G 日本品牌4核機安裝, 又同時裝上一部韓國品牌1.7G雙核機, 但後者竟然會行得順過前者, 原因是前者是全高清芒, 後者只是720p. 因為運行3D遊戲時隨時每一個畫面都要計算幾千個多邊形, 因為是720P, 所以計算每一個多邊的像素都比全高清(1080P)的畫面每一個多邊形的像素低, 所以計算時間已短很多, 難怪可以更暢順.
b. 同樣運行2D遊戲, 由於不用再下載高清圖保存到手機內, 所以整個遊戲所佔的空間比同一個遊戲安裝在全高清屏的機上為之少.
c. 本人之前用過兩年720P機, 後來轉用全高清機, 發覺很多遊戲只能在720P機上運作, 不能向上兼容全高清機, 所以很多遊戲就放棄了. 但相反隻Game是全高清機上玩到的, 就能向下兼容到720P的機上, 我到現在為止暫時未見過一隻Game唔得.
* 再者, 我不是帶著放大鏡去睇片/打機, 所以係唔係全高清, who care? 但係有人話唔係喎, 你睇下, 真係清好多喎, 我只能說每人要求唔同, 我唔可以話人地既要求唔合理, 只係同我唔同o者. 我就會咁諗, 相片我就聞得多啦, 戲我就唔會聞, 所以係唔係全高清, 我冇乜所謂, 但係如果是全高清, $4000以上, 而呢部只係$1239, 差咁遠, 為左全高清, 值唔值先?
** 現今外國手機商不停咁推高清切度, 例如出到2K芒(但都仍然係5吋芒). 之後就保持到自己旗艦機地位, 買貴人地幾千蚊, 2K芒可能對於其他人有用, 但對我是用不著的. 所以咁樣講, 就算將來有一部手機出到4K芒, 我只能說他的研發用錯了方向, 只懂花錢在銷費者未必受用到的地方.
- 有IPS芒, 好正, 斜D睇都睇到好彩色, 唔會變色. 果然係高性價比之作.
- 2GB Ram, 更暢順.
- 雙咭雙待, 現在絕大部份旗艦機都不出雙咭雙待, 不知是什麼原因, 難度雙咭雙待機給人一種次一等的感覺? 我不理了, 總之雙咭雙待機對我來說好有用. 但沒有4G上網怎辧? 現時香港沒有無限的4G plan, 只有無限的3G Plan, 所以我寧願用3G無限Plan好過. 所以能不能上4G, 我沒影響.
- 可以換電池 插SD咭 (現在好多旗艦機都學埋Iphone衰野, 唔比換電又唔比插咭, 都唔知想點, 本末倒置, 可知Android最初設計出來同IOS抗衡就是看到IOS的缺點加以改良, 見到IOS冇得插SD咭, 所以Android就加了這功能, 現在反而有所謂旗艦機背道而行, 不能插咭…我需要一部可以插SD咭的機.
- 很喜歡小米的銷售渠道, 這一點優點不得不提, 銷售渠道是直接官方網站訂購, 幾日後送到, 免運費, 這就令香港使用者直接享受定價直購, 而不用再經過一重香港代理在中間賺錢, 其他國內品牌不是不好用, 只是經過代理商在香港門市售買, 每部賣貴幾百, 售價二千以上, 叫人點買? 例如 zopo, 華為, 金立等品牌...
況且, 能在官網直購, 就保證是正貨了
- 本來相片拍攝不能保存在SD咭, 現在更新了系統, 問題改善了.
- 跟機有內置Apps, 但可以除便剷, 唔會好似日韓台機咁lock死剷唔到, 列如Google+, 米聊等等, 我可因應自己的需要而剷除(因為跟機Apps, 通常90%以上都是用不著的), 這樣對於只有8GB內存, 是一件好事, 可以free返D Space.
- GPS試過了, 首先是配合runtastic apps練跑, 測出成條路的長度跟以往使用日本手機的偵測長度相同.
- 在國內自駕或撘車, 紅米就最適合, 先下載百度地圖配合紅米使用, 十分精準, 我試過開到一個燈位前, 手機發出人聲 "前方五百米 紅綠燈有攝像頭, 限速60公里", 再開前少少, 立刻再通知我"前方三百米紅綠........" 由此證明紅米的GPS十分準確

- 太厚了, 太重了
- 頂! 用大電話咭, 邊度有人用呀?
- 只有8GB內置, 不足夠
- Apps不能裝到SD咭上, 但我聽過專業人士(賣手機人士)講過, 所有Android4.2以上的系統都不能裝Apps到SD咭, 所以不關部機事, 是system問題. 所以要養成一個好習慣, 冇用既Apps要即刪除, 玩完既Game都要即清. 咁真係有少少唔方便...
- 小米機用家的私穏問題近來多受香港人關注, 聽過有新聞話本機會把你的資料上載到中央. 其實, 買得大陸機, 預左, 分分鐘呢個小米企業就係中央政府資助, 部部機都係補貼先可以做到咁平, 但目的就要來監示國民, 所以米手機的銷售對像是中港澳台. 作用是和諧港澳台. 所以如果個份膽心呢一點, 就要諗諗買唔買好.
- 太易root機了, 只要使用安兔兔就可以root了. 秒root! OK! (但但但是.... 我upgrade左個系統就再root唔到了, 要等一下才可以再root返了)
- 沒有內置的倉頡輸入法, 唯有在google play內輸入 "Chinese input" 找到一個似樣一點的倉頡輸入.
- "note"呢個稱號原自某韓國品牌, 所以某韓國品牌概念令人們認為稱得個"note"既手機除左芒大之外, 仲要附有一支手寫筆可以係芒上面寫下野, 先至算係"note", 這個是某韓國品牌的一個系列的基本定義, 是正常的. 但小米公司似乎不太明白這個定義, 將部機做到5.5吋大就冠以為"note", 忽略左手寫筆, 所以難怪我比我D friend試玩紅米note時, 其中有兩個問:"吓!? 冇手寫筆既?! note手機喎!?"... 一個品牌的發展是先抄襲後學習是很正常的, 希望小米唔好好似山寨品牌咁, 除了抄襲就只有抄襲, 抄之餘都要學一下, 才有進步.
- 我入了32GB的 class4 micro SD, 好像不太兼容到, 現在更新了系統, 再試試, 如果再唔得, 要轉到class10的SD咭試下了. Class 10的SD試了兩星期咭運作很順, OK

呢部機, 我已作為我唯一的手機使用(有好多人有兩張電話咭[尤其是中港兩邊走的用家], 所以有多過一部手機, 主要手機[通常是貴機/ 旗艦機], 之後加上一部輔助機/後備機[通常是中當次機] ), 而很攪笑的, 這部機是低當次的價錢, 但同時也是高當次的性能, 所以就成為了我的唯一手機了. (我現時用開的一部日本主要手機, 一部韓國輔助手機, 可以分給我老婆同埋女女用了, 我老婆接過我部日本手機後, 可以順勢趁Iphone6未出之前賣走部Iphone5吐現; 女女終於有得升級手機轉用中當次的韓國手機了.)

紅米 $999, 性價比已稱王, 對比起同一個價錢(一千元左右)的韓系機款, 勝過幾條街, 什至令到我識得既一D Iphone擁躉, 自Iphone推出之後從來都未用過Iphone以外的手機, 也都買紅米試一下

但我總覺得紅米太細部, 多加240元, 即1239, 就可以加多1GB Ram, 4核變8核, 以及5.5吋, 所以紅米note是我的目標.

雖然那個韓系品牌出手機是鋪天蓋地, 由900元的低當手機, 千元的中低當, 上二千的基本當次, 三千至四千的中高當次, 再再上是旗艦級手機, 他們這個韓國品牌這樣做是嘗試覆蓋整個手機市場. 但都不及紅米手機/紅米note, 因為紅米可以一部頂佢幾個當次的機, 例如紅米note 1239的價錢, 安兔跑分比S4還高, 一部機夠頂晒韓國品牌的低/中低/基本/中高當次的手機, 就算那個韓國品牌再勤力, 一個月推出5至6部手機, 都唔及一部紅米note... 我睇再係咁, 韓國品牌的手機不用再賣了. 反正紅米是大陸做, 某某市場佔有率最高的韓國品牌都是大陸生產的 (另一個韓國品牌才是韓國生產的).

小米/紅米的價錢, 令人明白到, 做一部性能高的手機, 不一定要賣到好貴, 其實一些5千元以上的手機之所以一直企到個價錢咁硬, 是因為以往大陸的山寨機買唔過, 原因如下:
1. 是因為以往的大陸山寨品牌急功近利, 偷工減料, 例如即使是4核機, 但用到最差那隻四核芯, 速度還比雙核慢
2. 一係就欠缺良好的QC質量管理, 易壞,
3. 再唔係做得好少少既山寨機就賣到上2千以上, (2千元以上呢個價錢, 我走去買日韓台進口機啦, 好唔好?)
4. 什至大部份山寨廠做出來的手機外型抄足韓國品牌, (要香港人用老翻, 算吧啦!!!)
所以以往大陸機真係買唔落手. 以至台日韓進口手機才可以輕鬆賣5千幾元. 但如今終於有一間國內公司小米肯認真少少, 起碼規格做到足, 而又品質都做得唔錯, 又花一點心思做好自己獨特的外型(不會急功近利以為外型做到同人地一樣部機就會好賣D), 令我們使用者明白到, 原來手機可以做得咁平, 只係韓國品牌食水深賺錢多.

而小米公司很有生意頭腦, 只推出兩個系列, 各走極端, 推出性價比極高的紅米先食左個市場, 同時又推出小米(性能好少少, 改用全高清芒, 就可以賣貴幾百)先至真係用來賺錢, 及後更推出配件, 如充電尿袋, 這樣也賺到不少呢.

很多人話小米抄人, 所以咁平,韓國品牌有研發的, 所以會貴. 我只是覺得, 所有用Android系統的手機都是抄的, 因為Android系統不像IOS那樣封閉, Android系統靈活多變, Open coding, 任何手機製造商都有權用到, 那會有分抄還是不抄?? (不過小米那個智障的發報會抄足Iphone, 我都由心笑了出來.)

手機呢樣野, 到左呢個年代, 人人都熟悉, 所以誰是好誰是差, 大眾要分得出來是不困難的. 至於日後如何選擇手機呢? 韓國品牌幾乎每一季都推出一款新旗艦機, 但都只是處理器越推越快, 芒越做越清, 假如有一天出到8核3GHz處理器以及4K芒, 部機神級質量, 仲快過你部電腦, 以及高清過屋K部電視機, 但部手機賣成6千幾, 又會唔會咁多人飄去買呢? 比著是我我寧願選擇$1239,八核720P的紅米了. 事實勝於雄辯, 我上網訂了幾個星期的紅米note, 每星期香港小米官網都開售10000部紅米note, 星期二12點開售, 我連續兩個星期都撲過空, 因為不到5分鐘就搶完了. 直到我第三個星期才能順利登入訂購, 如果紅米note+紅米+小米的用戶每星期都按這個數字增長(每星期在香港賣出幾萬部, 無論是自用或是買來炒賣, 都顯得紅米note+紅米+小米的市場佔有率爆得好勁), 日韓台手機都真係唔洗再賣了.

如果你想用大芒, 全唔全高清都唔重要, 又唔太怕部機厚, 紅米note是你最好的選擇, 至於是網上訂(等多幾日先送到)還是在店買(最少貴多300), 咁就自己選擇了.

1. 機價便宜(當然以港行計及唔係炒價買番來啦)
2. 性價比一流，應該有既都俾到你，八核，5.5吋Mon，2G及1300萬像素，雙卡，論規格無出其由唔到你話唔抵
3. 雙卡，仲要係用大卡，對於我本人非常有用
4. 聲音唔係靚，但不論聽講都大聲清晰(可入工程模式，較大聲音)
5. 相機升級後不錯，特別係微距及色溫方面，影食物不錯
6. 內置多餘軟件不多，介面算易用，字體夠大
7. 電量足夠，我唔打機可用超過兩日，間中打機都一日有剩，出外唔駛擔心
8. 背蓋其實好易開，指甲一插就開

1. 已經係2G及八核機，但系統流暢度不足，間中有室既及反應遲緩既感覺，可能係介面程式寫得唔好(我其實已經好少野裝！)
2. 有部份廣東音字，可以寫，可以選，可以發出去，但人地收到睇得到，自己反而睇唔到！
3. 中文聯想及建議字，間中預測出來的字好奇怪，有時會出唔同及不常用的字，如轉用簡體時會比繁體好，但都唔太穩定。
4. 記憶體剛開機時會很多，但乜野都唔郁，佢都會自動減少，雖然無乜影響，但心裡總覺怪怪的！
5. 相機剛開始用時，感覺好一般，後來上代理一問，表示只有800萬像素，要升級後至有1300萬像素，我想呢個應該係插值，純粹靠軟件搞掂，但我呢一點唔太肯定！
6. 充電比較慢(但可以同自己講，慢充舊電可能會襟用得多)
7. 有點重，女性用唔係咁好。而且前黑後白，外觀也唔算好，不過多咗套後會好好多

我用港行，又是廉價3G Plan，別人講既彈Apps，Wi-fi不好，不能導航或有什麼Apps是不能裝的，我都未遇過。話佢唔好，其實又唔係真係好唔好。只係用呢部機時，間唔中會有少少延滯，就算間唔中部機有乜奇怪反應，都只係需要你多按一、兩掣而已，問題其實不大，我想係QC問題和小米UI介面寫得唔好，就好比有強勁汽車引擎，不過波箱唔配合，出現樽頸位，所以先窒吓窒吓。不過以咁既價錢，自然唔可能全用同等相符靚料，算是將貨就價吧，但仲可以去邊度搵咁平既機﹖其實有咗呢一類機，基本上已經打開了手機不再高價的局面。身邊已經越來越多人用佢。舉例去買一部5000元既機都用唔到3年，但我3年已經可以換3部機都未駛5000元，其實睇佢唔起可以唔用佢，各人有各人所需，但要知自己拎咗幾多錢出來，便不應以高價機去比較。我只係普通人，無乜嘢怕俾人地知道乜嘢，所以資料外傳，可能傳埋去既資料，人地都未必得閒睇你呢！我唔係追求極致，基本上已足夠令我呢類人好滿足了！

寫手們全寫了，不想寫。

红米note出咗咁耐，為何到現在也沒人提及小米系列全都不能使用Google導航，是不是連編輯也收了錢呀？
第一次買大陸機便中招！

失敗，點用華碩比呀！！

可換電，插卡
接聽電話同接收都ok,wifi 速度都夠快
影相對焦快，畫質可接受
電夠一日用，而且係小米官網買多舊電都係39蚊3100ma(特價)

沒有4g，個容量得8gb而且影相等..不能存sd卡
時常有卡的感覺(可接受)。

操作上同普通android有少少分別
其實常有卡的感覺，不過可接受。
用現時幾千蚊既機去比較，確實遜色，例如相質同操作既流暢度..不過以1239價錢，性價比很高!

1.都係呢句：平～ （如果你買到正價入的話）
2.反應快
3.真正高清（唔好搵5，6千蚊D機比）
4.電力真係夠（3XXX毫安，大部分機都無咁大容量，而且識調整，一般可用3－5日無夸張）
5.後蓋爛左隨意買隨意換
6.加上”米鍵“可多些少功能玩，唯一一部機有呢様特別

1.測試real racing3 有輕微lag下lag下咁 (唔留意唔覺）
2.後蓋感覺唔太結實，做工一般
3.新機firmware太久，需要自己更新
4.配件難買到正版（因有高仿機出現，亦無店鋪可買）
5.影相唔可以直接落sd 卡度（呢個問題可以用其它相機apps解決）
6.唔可以安裝software落卡

測試過紅米後唔太想要部細mon機，本來想買asus 部zenfone5,但係因為電池太細，而且cpu採用 atom處理器，兼容性有一定問題；後來見到zenfone6都係1600左右本來打算買，居然周圍都無貨（zenfone本身有進階版本同標準版本，一個1.6Gmhz,一個2Gmhz),煩到死，仲有個問題就係唔可以換電池，咁橋又周圍無貨，而紅米note又到左貨，算，用返米note；講返部機，一個字，正！對比起紅米快好多，畫面亦正好多，只係mon有輕微暖黃色，其實都唔大影響，有專家講lcd用暖黃色比藍光無咁容易傷眼，呢個我同意；
另外想回覆返下面有D人話好多問題,我一一拆解：

1.蓋好難開；小弟覺反而個蓋太容易開太鬆動，如果輕微一跌我估好容易成個蓋連電池飛出去添～蓋緊密程度做得非常好以致好多人錯覺佢難開，其實用指甲一野輕輕插落個usb位置就好容易搣開

2.相機太少setting;佢個相機本身有簡易mode同進階mode,唔知道係咪自己set左簡易mode所以無野揀呢？ 不過佢本身個進階mode功能係比較少D，大佬你用手機影相都係貪佢可以方便隨時攞出來snapshot 咋，要玩專業，點解唔買部DSLR慢慢自己棟枝腳架慢慢set呢又？
3.玩大型遊戲1G容量唔支援；應該係自己問題喇，我直接下載左real raing3呢隻game要成1.2G都玩到，點解就你唔得先？
4.用唔到google play;我買既係香港版本note,裏面有埋google play,開左account直接就down左幾個apps遊戲玩都無問題，或者其它人响大陸買水貨就梗無啦

其實呢部機真係買得過（強調多次如果係正價買既話），有D人成日話小米cheap影響身份，其實請問你用開5，6千蚊既機又幾有身份地位？大陸人買venture兩三萬蚊一部添啦，手機真係攞來用唔係比你威，所以下面有人好慘比人偷左部***都係自找既，仲有，小米本身市場就係大陸發售，有好多香港程式唔太兼容點解你又會買呢？唔怕有失身份？

最後想講，小米而家有假機，大家唔識就唔好上“X寶”或者上D細店買紅米，已知紅米同紅米note都有假機出現，上網搵好多人已經相都post埋，大家小心啦，真機同假機器分別，只要你一入軟件用下玩下，你就會知道真假，基本上山寨機（甚至假機），佢地software唔識寫，甚至完整copy落去就算，你唔用就無問題可以正常打電話，一用就死機，黑屏，跳出大把問題一一出現，所以如果話自己用紅米好多問題既人唔該搵專業人士同你check下部機係米買左高仿版本

1. 電力超強, 待機幾日間5中打下機都5使怕冇電
2. 速度不俗, 很少會疾機
3. 拎上手手感5差
4. 雙卡雙待大mon機
5. 平, 1千頭多

1. 要上網搶購, 入手困難
2. mon 色水偏黃, 暗病冇得救要習慣
3. touch screen 反應麻麻, 玩動作game 不像貴價機甘得心應手
4. 內存小, 一下子就用灑

訂回來後看到個mon偏色嚴重曾經上維修部查詢, 他們說是暗病冇得救,
因為是在7日內他們建議可退錢, 最後換了1部都是這樣, 不過將貨就價
都係留低當玩具
國產機來說小米marketing做得不錯, 吸引左很多人追捧, 暫時未試過華為其他國產機不能再作比較

價錢平
手工靚
外形正

配件貴

國產機代表

$1239, 送貨到家門, 8核, 2G ram, 雙卡雙待
1300萬像素
5.5" mon
720 解象度
IPS mon

有D重
冇4G
外殼太膠

買的是香港行貨, 在官網買. 但在香港用是roaming (可能在中國用才不是roaming)
不可裝app 入SD卡
聲唔夠響
部機好順
裝了10多個app, 包括防毒, 跑antutu 也有27660, 很滿意
mon 質素好
睇myTV極順
部機不太熱, MTK 好野

平 - 1千2百幾蚊有720P 8核 (雖然係MTK) , 2G RAM, 3000MAH 電, 雙卡雙待, 仲想點
前鏡5M 好過而家好多前鏡得2M 既電話,

後CAM 千3萬像, 但質素不過不失啦....
重 - 199g 重, 幾墜手
冇4G
聲唔夠響

之前入手當後備機, 造工又唔似D 人講到咁玩具FEEL, 講真用得膠殼都唔可能期待有金屬FEEL, 都係呢句, 將貨就價啦

但聲真係唔夠大, 睇YOUTUBE 係嘈既地方你係唔可能聽到D 聲, 仲有樣野想講就係整體操作算係快的, 例如LOAD APP 等等, 唯獨掃MON 硬係少少窒, 照計MTK6592 係比得上S600 唔可能仲會窒, 所以希望小米之後會有UPDATE 改善呢個問題

冇4G 的確係爭少少, 不過都要考慮佢價錢呢個因素, 不過比在我寧願俾多2百但係俾埋個4G 我, 因為4G 愈來愈普及, 當然呢部機對於D 用限速PLAN 既用家黎講係FIT 到漏油

D 人成日話造工差, 用MTK U, 乜乜77, 然後拎部M8, G3, GPRO2 去比, 仲要係用水貨價去比, 級數價錢保養大家完全係兩碼子的事, 點比呀? 理性少少好唔好

仲有兩個小貼士俾大家, 入去SETTING 將過場特效熄左佢, 操作會爽好多, 另外背蓋難拆呢個問題, 只要係USB 位攝少少指甲入去, 一"了" 就可以好輕易起到個蓋出黎, 希望幫到大家

價格平, 但效能不俗
Mon 色彩自然; IPS 1280x720
8核, 操作流暢, 遠勝紅米1
可换電池
做工唔錯
可加micro SD card
雙卡雙待
電池量有3200mah 但足夠1日 使用

喇叭細聲
影相質素一般
有點重
冇 4G

意見:
呢部機以1239買入, 部機規格雖然只是中階, 但操作流暢, 跑分嬴 碌2, 蛇4 ; 電池量足夠1日 使用影相拍片都可以, 性能同碌3 neo 差不多, 三叔因太多垃圾軟體使其效能大幅下降. 如果想要部低價高效的機呢部可以唸下, 以前成日怕冇面買旗艦機, 做水魚; 旗艦機一向係手機公司最賺錢的機種, 對消費者則是最搵笨的, 唔怕冇面用大6機呢部唸得過