優點:
我在7月底換G PRO2 在28/9換 G3 DUAL港版
GPRO 2對我來說已相當滿意 而G3 DUAL既中港4G通用是吸引我買它的主要原因:
中港2,3,4G共用 : SLOT 1 香港2,3,4G及大陸中移動/聯通2,3,4G都用晒 SLOT 2 2G, 在香港用無問題外, 我在大陸用既時候, Slot 1既3/4G自動切換表現理想.
我本身有一張大陸中移動咭 一張香港3既咭 過關前後簡單調轉一下就可用(有D人覺得麻煩, 但對我來講, 我覺得OK).
2K MON : 在2K MON看照片的效果同1080P差不多 但睇文字時感覺是清晰同SHARP左
手勢自拍對焦 : 呢個功能值得一讚 以往雖然自拍不多 但用其他機自拍時 雙眼又要望鏡頭 擺POST 又要拉長其中一隻手去”禁”掣 好易NG 用左手勢自拍 真係方便好多
大少適中 : 用過NOTE2 G2 GPRO 2, G3 SIZE一隻手用啱啱好, 好渣手, 另由於邊位窄, 雖然機身唔太大, 但MON既SIZE一D都唔細
可換電 : 出差既話, 有得換電點都比帶尿袋方便
鐳射對焦 : 對焦真係快, 點選要拍既位置, 好快影到
缺點:
用電量 : 始終2K MON在使用時較耗電, 比G2同G PRO2都食電, 我算是手機中度使用者, 看新聞/Forum較多, 一天一充電走唔甩, 暫時就未試過用到乾塘. 另須注意去到某些位置訊號較弱時, 用電會用的較快.
2K MON : 流暢度還好, 不過偶然用SMART COVER開機後, 第一下會感到很輕微的頓, 但之後又正常暢順番.
2K MON : 有些人會遇到偏黃MON, 我果部都算正常; 而我平時SET 光度40%自動, 感覺無之前的G PRO2 40%自動咁光.
影相選項過份簡單 : 雖然有鐳射對焦, 但其他既SETTINGS少左好多, 對影相有認識既人會問”點解乜都無都SET既?” 同埋鐳射對焦並非萬能 都會測光錯誤 但還可以.
發熱 : 都會發熱, 801既通病, 但可接受.
無雙通 : 港版無雙通, 因我大陸一張卡, 香港一張卡, 唔會同時開, 所以有無雙通對我無影響.
評價:
其實我一直都等緊一部好既中港4G通用機, 想過買同期既OPO同NUBIA, 但係這兩種手機有個共通問題, NUBIA本身定位係主打大陸市場既中價機 只係漫游時都可用香港4G 而OPO國際版就定位香港/國際4G使用, OPO大陸版就定位大陸用機, 結果出現共同問題, 就係主要SUPPORT其中一個區域, 跨區使用時就出現一些BUG. 而剛好G3就SELL晒SUPPORT中港4G, 對我呢D普通用家(非玩家)來說, 是一大福音, 唔使ROOT, 就咁用STOCK ROM就可以了. 我也考慮過早小小既E8, 在胃訊攞過部E8上手, 機身感覺麻麻, 相機平心而言是差了些, MON也不理想, 電量又細, 結果只好等出G3 DUAL港版.
用左兩個禮拜多, 我相當滿意G3 DUAL既表現, 值得推介比中港走來走去既香港人使用. 如果SLOT 1同2都係4G既話, 再加雙通, 就PERFECT