LG G4

評測報告

實拍照片

相比G3.係無優點！！不合格
現在知點解價錢跌得咁快

同G3 比、真係輸哂！
色彩重味精
細緻度：無論影相或基本網頁、遊戲畫面全輸比G3
聽歌對比過平手(G3 或高少少添)
Knock code 更死得，10次中3次！蚊瞓、真唔明？
手感G3 更大勝，本想出G4 後，放G3.但用咗幾日或G4 轉後備機，網上評測真信唔過，用過兩部後、G3 是我用手機以來，最啱自己、101分

中伏

1) 弧形好貼手, 拎上手好舒服
2) 螢幕色水好靚, 雖然我覺得之前用個部GPRO2 色水好似仲靚D, 但相差不遠
3) 2k 螢幕, 我以前都會覺得用2k 同1080p 肉眼係分唔出, 但原來用起上黎真係分到架
4 OIS 好勁, 勁暗環境 快門 0.5 秒都可以唔BLUR
5 操作冇遲緩, 作為旗艦機我覺得都理所當然既
6 通話一向不是LG 強項, GPRO2 通話質素直情可以話係差, G4 好明顯有改進, 同moto/nokia 個類牌子雖然仲未有得比, 但都唔錯架啦
7 影相冇得頂, 下面再講

1) 電池續航力唔算出色, 同S410 低階機比當然耗電D, 但我感覺同GPRO2 差唔多, 唔多打機既話, 間中whatsapp 上陣網, 上陣forum, 影下相, 一日一差根本冇問題, 老實講, 打工仔都唔容許你一日到黑機不離手吧 (就俾個即時例子你, 部機而家差滿電待機左6個半鐘, 今日忙足全日所以screen on time 只有約15分鐘主要上網同whatsapp, 影左幾幅相, 係咁多個鐘待機前提下電量跌左4個% 即係淨低96%)
2) 發熱輕微, 相機附近是熱力來源, 但可以接受唔算犀利
3) 鏡頭抗耀光表現差, 面對強光源要小心就一就個取景
4) 雷射對焦算快, 但未至於講到咁超級快, 尤其低光環境 (定係我要求太高?)

食電, 操作遲緩, 呢D 真係要睇你點做基本tuning, 將無謂既services disable 左佢, 去開發人員選項關左d 過場動畫, 耗電同順暢度都大大提升, 同埋要睇你使用習慣, 如果一日起碼打10個8個鐘機既, 請買粒後備電, 或者買部核電機

影相真係好sharp 好靚, 日頭相我相信你拎部rx100 影都未必有太大分別, d 相過落電腦睇都係好靚,同埋佢處理方法同iphone 有點相似, 會將幅相推光少少, 如果唔鍾意既, 你可以去manual mode 自己調教

講開manual mode, 我又唔明點解可以咁弱智, 第一佢係永遠固定光圈在f1.8, 在暗環境佢驚你手震所以快門最慢只會維持係1/8 左右, 變相iso 要推高, 但當你自己set 返低個iso, 佢就會停左個自動測光架啦, 要你自己計返應該要較慢幾多檔快門, 難道唔可以好似普通相機a-mode 咁用嗎?

不過點都好, 呢部機入手$4698, 聽聞細鋪而家跌到3千尾, 呢個價真係冇野好講, 抵到爛, 淨係個mon 同相機已經令我好滿意

- 靚MON,色水比G3更好
- 順
- 快
- LG內置小工具其實好實用,例如日曆,鬧鐘,QUICK MEMO
- 冇乜廢APP

- 電量不足(好彩有得換電)
- 輕微發熱
- 機身彎曲,打字時會左搖右擺
- 難買靚套
- 跌價快(但4698入手已唔錯)

接近完美的手機
有些微缺點,但大多可補救到
強烈推薦使用

G2升級G4,聲靚畫面正，續行力強（撘車時上綱、午飯打機，夠行一日，唔熱），行事曆可以改星期行頭……，有插卡擴充、換電，完全人性化，不得不提1.8大光圈，影相超靚，做到景深效果，自拍多種設定…

跌到4680仲想點？唯有講句，有買貴，無買錯！

LG一部傑作

5.5吋顯示屏, 色靚, 色溫柔和, 久望後眼睛都唔會覺得疲倦
影相超靚, 可以代替DC日常使用, 聽音樂都不錯
運行Android 5.0 , 在待機時候比較Android 4 等慳電

4G上網時電量下降比較快. 但在低用量時可以自己選擇3G網,
有些Apps 例如 FB 及 Google play服務是在"後台常註"的Apps, 根本不能卸載或者停止使用服務(除非你不安裝FB). 所以耗電的其中一個元兇係FB 及 Gxxgle Apps, 應該向他們投訴 ....
皮背蓋感覺冇咁實淨, 但加外套可以解決

可以更慳電, 但要花多些時間去摸索; 例如關掉WiFi, 關掉定位, NFC, 及停用部份不必用的內置 Apps, 而且在Google Play 服務的 Settings 設置停用"即時更新"功能, 及停用其內置的防病毒偵測(!!)等等.
下班回家時,在路上一路聽歌及上網, 收發whatsapp等等, 中低程度使用了四個多小時, 晚上的電量還有90%. 而充滿電之後一般使用可維持15至18小時. 電池的續航能力不算是太差

1.相機無論手動或自動都超班
2.續航力足夠
3.Mon十分靚
4.外放喇叭靚聲

LG原生keyboard lag

依舊LG一出行貨我就狗衝去買，今次用左一段時間摸熟部機先寫心得，小弟係買單卡版。
首先講下外型，用皮底真係各花入各眼，摸上手質感都還可以，今次相比G3屏佔低左，而且機身比較方正，手感上的確冇G3咁好。
第二當然要講下個Mon啦，今次呢個2Kmon將上一代淡色嘅問題解決左，雖然有好多測試都話偏紅，不過用落視覺效果十分好，望得耐都冇任何不適。
第三就係相機，手動當然好好，所有設定都可以自己較，至於自動模式都好好，測光好準確，對於需要快速捕捉嘅場境絕對經得起考驗，例如影下小朋友同動物等等。
最後當然就係講下系統，LG嘅系統tune得好順，係2K Mon上表現完全冇壓力，初初頭幾日會有少少lag，之後就會暢通無阻。發熱問題只會出現係玩大型遊戲時出現，但無阻使用，亦冇s810咁嚴重。續航相當好，小弟少打機，通常Facebook, Instagram, 上下網同用通訊軟件，夠晒用一日。唯一要彈就係個LG Keyboard，打字完全追唔到手指嘅速度，但用Google輸入法又冇事，希望lg可以盡快更新！
總結，雖然冇G2個陣一推出咁大驚喜，但每一項改進都好明顯，由其係屏幕同相機，呢部機絕對值得買。