優點:
- iOS流暢度數一數二(雙核又點呀?)
- 手機嚟講影相畫質一流
- apps好用過android版 (自己有samsung s2平板,未用iPhone前都係用android手機)
- 打機畫面冇得輸
- Mon靚 (唔使2K/4K)
缺點:
比其他電話性價比低
電量係差D(Plus已經好D, 用細機一日隨時捱唔到)
聽歌唔夠HTC聲靚
評價:
而家買電話真係搞笑,要睇benchmark,要睇硬件規格,幾多核心幾多RAM,個Mon又話要幾K幾K!一部電話我畀夠你6吋MON,你要2K/4K做乜呢?反而可以錄4K moive更加實際!一部電話流暢度唔係用硬件谷出嚟,係要個OS同CPU配合到先可以發揮到,所以iPhone即使行雙核心,都唔會影響到個流暢度!而家MTK出到10核添啦,照咁推論部機係咪識飛呢?至於所謂「Multitask」問題,我畀你部機有3GB RAM,你又不停係咁打機上網聽歌係咁開apps,咁你認為3GB又夠唔夠呢?唔夠?咁將來咪加到6GB囉!!
iPhone冇返回鍵?上網向右掃可返回前一頁,其他畫面向右掃可返回上一個功能!
任何apps你掃到落底,只要喺MON頂一按,就會返回到最上面!
補充:
iOS一向為人詬病既地方就係話佢封閉,唔似得android咁開放原始碼,比你班手機商係咁「客製」一番,唔同牌子機可以有自己個界面,冇咁「悶」。而且用家自由度大,你插條線落電腦度就可以將D file抄嚟抄去;壞處亦都係自由大,手機廠可以喺個android使用界面度加啲backdoor落去,將你既私穩毫無保留咁upload去某大強國既sever度,最好既例子梗係一大堆既強國手機啦!所以就算你無將部android機root機,亦都未必係最安全!反觀iOS,所有apps都要依足Apple個source去develop,apps係唔可以掂到iOS既核心source code,所以唔會畀apps整死同拖慢個iOS (jailbreak機例外啦梗係),亦都係因咁,iOS係無一個可以block垃圾推銷來電既apps,因為呢類來電攔截apps係要攞你個電話簿同電話功能既權限,呢樣野Apple係唔容許既。iOS更加唔會開放畀其他手機廠去「客製」一個自己既「iOS」出嚟啦!,所以當你抱怨用iPhone要拖住個iTunes好唔方便時,不妨諗下犠牲一些方便,換來係私穩既保障(除咗強國出售既iPhone外,你覺得Apple唔開放D野畀大陸渣手,佢會畀你喺大陸賣咩?),而且有iToos畀你選擇,其實都算補償返iOS封閉帶來既不便。