優點:
邊度買大家應該都知,唔多講。
蔗渣價錢,燒鴨味道,完勝。性價比已超班,今時今日,呢個價可以買到5.5吋螢幕,高通652,3G ram,32GB內存,全新行貨有保養(如果唔摺),基本功能已齊料(除了NFC),仲想點! 仲有,呢個價錢,當齋買硬件都抵! 部機上手感覺輕,但造工絕對唔馬虎,仲可以講係上乘,分分鐘好過一二線品牌既中下價機添! 螢幕夠靚仔,有4種模式任君選擇,當中有一種類似防藍光既模式,連防藍光貼都慳返! 同埋跟機個快充都要一百幾十啦,宜家係跟機俾埋您,抵玩過您買細牌子山寨機。仲有4K錄影,指紋解鎖(雖然唔係最快,但絕對唔會輸九條街俾一線品牌),而且有一款類似人臉識別既快速解鎖可以設定,好玩!
缺點:
-不支援NFC(即係無得android pay)
-不支援擴充記憶卡
評價:
超值,絕對足夠應付日常所須,操作不輸俾一二線品牌好遠。有些人可能會話無3.5mm插頭係缺點或唔方便,可能本人慣常用藍芽耳機,所以並唔覺得有問題,藍芽耳機已十分普及,高中低價,單邊雙邊,防汗防水,均有選擇,非常方便。至於拍攝方面,雖然無光學防手震,日光拍照問題不大,夜拍就一般,反而前置既自拍鏡頭個人認為唔差,有驚喜,而且可以選擇正常或照鏡模式。都係嗰句,蔗渣價錢,燒鴨味道,夫復何求!