優點:
對比U11
多了3.5 耳機孔
有256GB版本
有雙鏡頭
有支筆
其他規格同其他機幾差唔多, 無需多講!
缺點:
面部及瞳孔解鎖廢廢哋, 指紋解鎖又唔係反應太好!仲有 個指紋解鎖放咗去鏡頭隔離, 成日按咗個鏡頭解鎖, 當然解唔到鎖啦, 我預計個鏡頭好易花
味精大芒, 睇落幾靚, 望得耐對眼都幾攰!
雙鏡頭其中一個係 Zoom鏡, 好似冇乜用!
相機鏡頭比u11 像素一樣, 但銳利度及立體感不及u11
用電量比u11快三分一!
Ram 同u11大家都係6G B,
但Note8新開機已經 冇咗三分二!
呢部嘢我係畀我衰婆用嘅, 肯定每個月買一兩個套, 買呢部嘢買保護套成本好高!
上網登記有半年, (好似要比三百蚊 )爆芒換芒 服務(一次),依啲(咁大嘅)三星公司, 好似少家咗啲!
上網睇部機好似好多功能, 都係冇乜用嘅, 冇用都唔緊要, 問題係仲要下下要你設定, 設定都唔緊要, 最慘設定得好煩!
256G版得兩隻顏色選擇!
又話買幾可以半價選擇配件, 永遠冇貨!
個介面 設計到人唔似人,鬼唔似鬼, ios 唔似i o s, android 唔似android, 其他幾包括iphone通常用半日就上手,佢用咗三四日都唔得!
外形成排朱古力咁, 你覺得一排朱古力靚咪靚囉!
聽歌, 簡單一句, 簡直侮辱咗佢跟機的akg耳機!
評價:
我又屎忽痕不折不扣敗家仔,買部note8玩下!
老老實實七千幾蚊一部電話, 錢我會畀, 但佢同一部5000蚊的同級機差唔多, 甚至有好多地方,人哋都做得好過佢 ,除非你 用電話冇咗支筆會死, 唔係就呢部機唔算最好選擇!
可能你會問,係唔係我要求太高呀!
主要係佢買五千至六千蚊幾買256gb, 係算ok的, 但我用七千幾買256GB, 可以話行貨機最貴嗰部,就 有少少後悔囉!
最大問題係, 我隻衰婆用咗2日note8,塊面黑黑地, 可能我哋用過u11喇,唔係就note8冇乜問題嘅!
仲有少少題外話, 衛x 已經變質, 我本身係 至尊 vip, 一年冇買嘢畀佢廢咗, 我冇買嘢!廢咗我個vip唔緊要, 仲要啲價錢幾水魚, 仲要畀其他台,差不多差成八百幾九百蚊, 回收價 仲好好添( 對佢) 提提你哋而家有啲台, 都有得分期 重要平過佢, 買機請問多幾間台, 有時平出嚟嘅錢,夠你食蒲飛, 嗰間嘢仲話係香港人嘅手機專門店喎! 仲要有啲人操大陸口音話買 iphone(打咩) 仲要態度特別 好啲添! 對我哋啲操純正廣東話, 同其他 大型連鎖店 一樣問多兩句都西面,我係問過幾間,唔係一間呀!
總言之行 多幾間, 問多 幾間 可能會有著數!
我就去有個「電」 字頭 (非客戶) 買嘅!