Nokia 7 Plus

實拍照片

順暢
價抵
電量大
電耐用

wifi連接差，家用wife經常要自行手動選擇才會連接
叉電位極易鬆，有充電不能的問題<重點

優點雖多，但一個致命缺點足以不用考慮，充電位就算小心用，不插著用，兩個月就會鬆而導致不能充電，電容量有幾大都無用，你有無試過訓前插線，要每晚半夜一路睇住佢叉唔叉到電，叉左兩分鐘又叉唔到，右上角有充電標誌但畫面下方無「正在充電」字句一樣叉唔到，每晚冇覺好訓，用左四個多月，已經第二次出現以上問題，保養已經整左一次，準備要整第二次，Nokia，真係無下次！！

原生android one ，夠簡潔
相機蔡司鏡頭認証，媲美頂級旗艦機
電量持久力強勁，中用量可以3日先充電
機身設計美觀，袋落袋唔覺重，無過熱

原生android one ，即係買層樓入面得四面牆，其他手機就有傢俬爐具浴室設施送，好唔好見人見志！
要識搵應用程式下載先好用
音響質素普通，無Sony 手機咁好推力
影相越暗成像越慢，唔夠快！

中價機質素，中價機特色，無乜要求！

1 型，背部磨砂質感好，外圍銅色邊靚
2 電力好，3800mah夠用一日
3 系統簡潔

1 試過下面揚聲器出唔到聲連耳機都無用，上面聽筒都試過出唔到聲,重新開機後冇事
2 連按2次電源鍵開相機的速度不夠快

中階機，中價位，算係好機

首部用高通660的手機,在'上網睇片遊戲'速度行得快及順暢,相機方面較Nokia8好同有改善,影來的相色彩清楚分眀,唔會淨得性能好相機平平的,配備18:9 6吋大屏幕.

係遊戲方面呢部機行賽車類遊戲時有較快食電感,行其他類遊戲時又唔會有食電感.

建議大家用呢部機時盡量不玩賽車類遊戲,我覺得nokia再出機時需改善去電較快呢個問題.

螢幕清晰
有always on display
接收訊號不錯
拍照不錯
可以升級到android 9
有3.5 mm耳機孔
Type c充電快

單槽三選二

早兩日在百老匯購買， 由於手機已經推出超過一年， 現在的價錢是1798， 差不多平了一半， 我就覺得以這個價錢都算抵買

機身設計平衡
薄身厚度
Andriod One 的服務承諾

影相沒有光學防震
WiFi 接收不良

本人是Nokia老粉絲，一出即買，當時都要三千頭，金屬邊框，陶瓷背飾比較特別，到現在都屬於罕有設計，機身重量手感平均，曾意外墜地兩次都未有太大損傷，可能和附送的啫喱殼有關。
Andriod One 對現服務承諾，已更新兩代系統軟件及唯持多一年的安全更新，相對於其他非Andriod One手機來說，給用家安心的感覺，實在太好。
影相方面沒有光學防震是敗筆，可能是成本問題，影相手震朦了要再影一次。
WiFi接收不良原因不明，在公司裏發生，時好時壞，可能和舊的路由器有關。

總括來說是一部不錯的手機，會繼續留意其他Nokia手機。