1. 行Android One，保證兩年Android update同三年security update
2. 原生Android，冇客製launcher咁食RAM，又冇啲廠商內置垃圾軟件
3. S660 + 4GB RAM，一定唔會lag機，唔打大食3D Game夠用有突
4. 雙鏡+蔡司認證，日拍色域夠廣，色準亦高，自拍鏡亦有驚喜
5. 3800mAh，中度使用可以兩日一充，充一次電可達8-9hrs screen-on time
6. 支援QC3.0，個半鐘多少少就充完電
7. 有保留3.5mm插口，可以邊充電邊聽歌
8. 樣靚，黑色機身鍍銅邊框，又型又低調，不過呢啲係個人喜好
9. LCD黎講個Mon算光，以前用HTC E8陽光下完全睇唔到野

1. 太大部，好難單手操控，6寸Mon唔會細部得去邊，但邊框可以更窄
2. 2.5D Mon，搞到癡唔到玻璃貼又易爆Mon，其實我唔明有咩需要
3. 無提示燈，當然，可以開glance screen，但係LCD Mon太食電
4. 夜拍成像質素一般，無OIS防震，噪點較多，但始終唔係旗艦機，可以接受
5. Nokia寫software有待改善，launcher間中有frame drop，內置相機app夜晚影HDR非常慢，已轉用Google Camera

$3288入手，減返信用卡回贈平左$300左右，對比同級機貴少少，相機可能稍遜Zenfone 4/5同U11 Eye，但做工、流暢度同更新都值回票價。

有人覺得大陸版平好多仲要多2GB RAM，香港版開價唔抵，但留意大陸太多平價手機競爭，開低價在所難免，而且大陸版多2GB RAM係因爲啲流氓軟件例如淘寶微訊微博太食RAM，所以唔應該同香港直接比較。

見到有人插Nokia軟件寫得唔好，我係認同既，但因爲一個欠缺function就比1星，又未免太偏頗，要知道Nokia都係剛剛重新起步，比少少時間啦。

其實成部機好快，點解會有人話慢？
流暢之外，就真係好流暢
影相不得了，超勁，應該見到既細節見到，唔應該睇到既可以揀見到或者見唔到

3.5 個插超難插，硬到不得了
我用白色機，用左一日，個背就黑左，佢呢個設計雖然摸上手手感好好，但太易污JO喇
無提示燈，好似同世界失聯咁

用心既電話商真係得NOKIA，
由808果時已經好愛好愛，但係個系統真係令人想掉爛部電話
之後Lumia 1020 直程係完美展示NOKIA既性格，果個手機殼咪就係誠意，不過唔知點解係都要windows phone, 世界上最大既錯誤
到而家7 plus就真係似樣，玲上手既感覺係真係好NOKIA，你會完美咁體會到咩叫用心去做事，而唔係只係單單為左賺錢

期待下一部會更好

部機最好是行Android One不用被一些不合自己的軟件佔了空間，親生仔始終更新快好多。
筆者是懶人不用專業模式，見所拍的相片真的十分滿意，色水鮮豔合心意，日間拍攝當然好，夜間在昏黃街燈下拍照色溫ok，室內白光管下影人像色溫亦十分準。
電方面一如好多師兄講，真的夠長命，當然部機新電新亦是原因之一。
外形方面，筆者用白色，所以十分滿意，部機大細算合適。

成也Android敗也Android，中文輸入法方面的支援差dd，我想用速成呀。
樓下有師兄話晚上影相曝光，確是有小小曝，但在下認為是ok屬可以接受。
唔明為何影相要加個專業mode，要影“專業”用單反啦，而且個專mode又唔見得好多野可以set。

Nokia對筆友而言是一個回憶，呢部機有多年前的nokia鈴聲，真的童年現在一般可愛。價錢是吸引的，3千左右值回票價。個相機無令筆者失望。

-電非常耐用，本人經常行山露營開住gps tracking兩日一充絕對冇問題
-信號接收力強，行山去到蚺蛇灣我都收到但其他機冇咗信號(用smartone & csl)
-相機質素同價位中突出，同s9 p20pro唔會有得比，但白平衡基本上準確相機起動快。見到下面啲留言話相機慢嘅人其實係咪用家？ 日光表現卓越夜晚影像清晰，同樣唔明有人話油畫化？
-機身造工紮實，金屬機但有層coating摸上手冇咁凍冰冰
-屏幕亮度範圍高，大太陽唔會睇唔到，漆黑時唔會太刺眼
-nfc查八達通同android pay反應快

-只有雙卡槽，64gb都驚唔夠用
-冇防水認證
-跟機冇套要自己買

部機賣3288，同級機嚟講屏幕、相機、電池、做工真係冇其他牌子機好過佢，真心抵買。
係個Android one 有啲雙面刃，無錯更新快而且冇垃圾軟件同埋慳電，但學樓下有師兄話齋虛擬鍵冇得縮小同調位，我用開三星一開始都有啲唔慣。但其實android一直都係back鍵係左邊，習慣就冇所謂。
不過個pro cam就有改善空間，自動hdr時會有明顯卡頓，但熄咗就即拍即有，相信呢啲小問題應該好快有改善。
總括嚟講部機都算有誠意，使用上有問題都係google嘅問題因為佢係android one。調返轉加太多自己嘢落去令到部機窒反而係本末倒置。所以想部機有咩軟件feature倒不如直接去信google叫佢加仲可能更有快有feedback。

外型靚仔

下面你就知

我在香港買了Nokia 7plus行貨（國際版）。
什麼都沒有
最介意就是
1.不能隱藏下方導覽列
2.不能調整「返回鍵」「home鍵」「任務鍵」的位置，LG那種
我會一直在所有媒體留言， 直到Nokia釋出相關設定的更新 ，否則永久blacklist Nokia所有產品，以及極力阻止所有親友購買，甚至到各大小零售商勸阻要買的人。

(以下是分享別人的)
整理一下台灣版/國際版(4G/64GB/android one)的差異處：

　　　　　　　　　　　　　台灣版
1. 開啟臉部解鎖　　　　　　　X
2. 隱藏下方導覽列　　　　　　X
3. 活用感應指紋　　　　　　　O
4. 調整 App畫面比例　　　　　X
5-1. 更改圖示　　　　　　　　 X　　　　　
5-2. 調整首頁佈局　　　　　　 X
6. 專業相機與變焦　　　　　 內建
7. 安裝 Google HDR+ 相機　　 內建
8.自訂快捷開關　　　　　　　 O
9.多重選取圖示　　　　　　　 X
10.安裝 Google Play　　　　　內建

1.續航力超強(3800mAh)
2.配合S660 CPU，一般可用2至4天以上(中低用量)
3.原生系統Android One，二年升級保證，同時系統乾淨流暢
4.蔡司認證雙主鏡頭，影相質素良好，反應快(1秒啟動,拍照1秒以內)
5.16MP前置鏡適合自拍或直播等使用
6.指紋解鎖快而準，臉部解鎖仲未用
7.支援SD卡
8.支援3.5mm耳機插孔
9.主流18:9　6寸大螢幕

1.不設6GB版本，與國內版有差別待遇
2.只有單喇叭
3.沒有提示燈,要靠聲音提示
4.內置相機晚上有過曝情況，需改用Google HDR+相機APP改善
5.白色版要等1個月先有
6.沒有日本語介面選擇...

用左5年的Sony Xperia SP退役，
正好Nokia 7 Plus推出，第一日便買，今日剛好一個月
Nokia8令人失望，幸好Nokia願意聆聽意見，不少改良出現在7 Plus上面

筆者選購7 Plus的原因有四：
第一是大電，一日只用25%左右電，可用4日(Whatapps同影相，中低用量)

第二是原生系統，想到舊果部SP只去到4.3，感覺被SONY遺棄...
7 Plus用唔夠一星期已經推出4月份安全更新，之後每個月都會收到更新
不需要睇廠商「心情」

第三是相機，雖然無得同IPhone，Note8等旗艦級比，
但反應同質素打贏眾多中階機，甚至用左7年的單反...
亦期望Nokia同蔡司將來改善個影相APP，令照片質素更上一層樓

第四是支持SD卡同3.5mm耳機插孔，舊機資料同耳筒可以繼續用，
連埋雲端備份，轉機完全無壓力

雖然同旗艦機有距離，
但大電同原生系統升級令手機耐用，
時間耐左，便會看到這手機的真正價值

首部用高通660的手機,在'上網睇片遊戲'速度行得快及順暢,相機方面較Nokia8好同有改善,影來的相色彩清楚分眀,唔會淨得性能好相機平平的,配備18:9 6吋大屏幕.

係遊戲方面呢部機行賽車類遊戲時有較快食電感,行其他類遊戲時又唔會有食電感.

建議大家用呢部機時盡量不玩賽車類遊戲,我覺得nokia再出機時需改善去電較快呢個問題.

說實話暫沒太突出之處.
有關機身硬度唔知是否係優點.出機後不足十二小時直線跌咗落地後個角凹了一點,如同情況好多機或已爆mon,不過又比不上htc機硬淨因跌極都唔爛.

機背比預計較吸手油,想買既見意都係白色可能無咁覺眼.個跟機耳筒最敗筆竟然插不晒入去好易甩返出嚟.

比較上我覺得就算係米米都比佢好(價性比).我係想要有部nokia手機而買但未必有下次.

電量可以 基本上用到日半 ,外型不錯 android one 慳位

相機起動慢 時滯較耐 色温古怪 auto WB 不準確，相片效果沒有傳說中的好，室內影相十張有七張模糊之外，最慘是回歸多年前的油畫相咁，display 用自動控制光暗，可能太過敏感時光時暗睇到頭暈，聽電話時很多事候時大時細聲，某些功能開始反應遲緩呢個價錢中階機真係好多選擇(樓上有人質疑負評的是否用家，反觀 讚不絕口又是否打手？) 別人只是寫出對使用該手機後的感想，每人對事物總會有不同要求，覺得他快 影相靚或者未見過什叫正常，也許和多年前的iphone5比對，gps 準？我在家用call 車apps call 車經常去了附近的街道反之三叔 LG 等一定係指返屋企位置，個NFC 的確係強比三叔 LG 要快，但打手兄我真的是用家，但我只須要$2988 就買到了！！！

暫不會推介這手機，對7✙ 對影相很失望，唔好貪雙鏡頭，如果唔係貪佢雙鏡頭，唔係比人吹到上天，應該我會買HTC EYES , 但呢部手機隨了影相外，在其他方面都算是不錯，但有一點是用了兩星期左右開始有些不太穩定了，亦終於明白當年NOKIA 點解會落得如此田地，原以為真係用番心去做手機點知，根本就是靠傳媒吹上去，靠消費者對nokia 的情意結！！

一般手機功能有整

1,使用易脫色和易花外殻和SONY一樣
2,相機起動比預期慢,無預期靚，買部二手mate9或10好過
3.這個價可以考慮聲寶s2高配版,大家都係660,人地6G RAM,128G內存

Nokia 出機，一次比一次失望。