3月13日大埔海濱公園之奇景 - 第二十一屆聯合攝影大活動

唔知以為有咩大明星, 知道又真係會比人笑死

一個"聲稱"攪左21年既攝影比賽居然落得如此下場

明明講好左2點鐘開始, 點知2點半先到, 仲要等MODEL化妝, 好啦3點鐘開始影相......唔係呀, 1個MODEL對2X影師?

帶位果個仲好似係第一次去海濱公園咁, 咩景點都唔知道, 求其企係路中心樹蔭下就開波, 大佬係想影個"不準淺踏"牌呀, 定想影MODEL後面果兩個箱?

一個"自稱"老牌既影會竟然連一塊反光板都無, 圖中果塊正是小弟之反光板, 算數, 拎出黎公家用, 個帶位好似完全唔識用板咁....直打, 睇唔過眼, 算~我去拎板.......因為你根本無辦法專心構圖, D人多到呢.....你想轉位?NO WAY啦, 想用WIDE D?咪傻啦,全部都係人

影左10幾張, 等多過影, 10分鐘唔對路, 真係一肚氣咁收野走人, 我走果時順便收番個場唯一的一塊板, 果時真係有人鼓譟GA......