心想左去公園探訪白胸，來到公園遇到2位師兄正在等候白胸，待我放好腳架相機，有位師兄突然叫「有蛇」，係邊度，係邊度，心裡怕怕，但係又好奇、又想影，順著師兄指點的方向望去，原來遠處有條蛇在水中伸個頭出黎暢泳，於是我戰戰兢兢地「咔咔」按下快門，生怕錯過了拍攝機會。

突然見到條蛇頭轉了方向，直向我D企個位子的岸邊草叢游來，怕怕！嚇得我掉下相機，驚叫走避，哈哈！站在高處的石柱上仲打晒冷震，嘩！條蛇好快速度上了岸，草叢中其他四腳爬爬，嘻嘻！仲驚過我，都爭相走避四散，2位師兄在旁笑著安慰我，阿慧水蛇無毒唔使驚呀！我一向怕蛇，見到蛇點會唔驚呀！不過係有驚冇險一場。

今早放蛇，睇落條蛇毛骨悚然，希望冇嚇親大家！