上星期去了嘉道理農場影太陽B鳥，
可惜知道已是尾聲了，園內已經花落鳥稀少，
太陽鳥同相思仔一樣咁細隻，
佢羽衣顏色極為豔麗奪目，很漂亮！
喜歡在樹底陰暗位於花間覓食，
動作快速跳得快，無時停充滿活力，
果日我在園內企足五個鐘，隻太陽仔只肯出來見一次面，
在花間停留不到一分鐘，即時舉機高速快拍，
實行有殺錯無放過，哈哈！都好彩影到，
雖說影唔到佢飛，都能影到佢東張西望一瞬的俊樣。