蒼鷺（學名：Ardea cinerea），係濕地裏面最常見嘅水鳥，為鷺科鷺屬。

生境 蒼鷺係一種生性孤僻嘅水鳥，但時時同小白鷺、大白鷺等一齊喺淺水地方捕食。佢哋無論覓食、休息始終都保持不慌不忙。嚴冬時節喺沼澤邊常可以見到獨立寒風中嘅蒼鷺。

分布地域 非洲、歐亞大陸、中國全境（包括台灣同香港）、朝鮮、日本至菲律賓及巽他群島。喺西伯利亞、中國北方、日本北海道同韓國一啲海外離島長年居住並繁殖後代。少數全年滯留喺台灣嘅台北關渡。目前經由繫放得知嘅蒼鷺年齡係18.49年。

特徵 身長102cm，白、灰及黑色鷺。成鳥：過眼紋同冠羽黑色，飛羽、翼角同兩道胸斑黑色，頭、頸、胸同背白色，頸具黑色縱紋，其餘灰色。幼鳥嘅頭同頸灰色較重，但無黑色。虹膜黃色；咀黃綠色；腳偏黑。飛嗰陣會發出深沉嘅喉音呱呱聲kroak同似鵝嘅叫聲honk。

食物 蒼鷺係機會主義者，主要捉魚同青蛙嚟食。但喺英國，就有攝影師影到佢哋捉野兔同老鼠嚟食。

繁殖 集體喺近濕地或湖嘅樹上築巢，亦會喺蘆葦叢上築巢。香港濕地公園常見嘅鳥種。