今天是一個不幸的日子，也許對很多人來講是一件小事，

但是對我來講是一件大事..............................



在今天3:45下午時份，我因為要去藍田集訓(跆拳道)，所以

乘坐MTR，我由佐敦出發去到旺角站轉車，眼見門外有兩位美

少女在等待入車廂，我不想身體上有接觸(因為男女受受不親

，亞媽教落)，所以我便想由中左面方向出，出車廂時有一些

小混亂，但我也小心了........可能是我太過小心，一看到靚

女就害羞的性格類事(沒有女朋友的原因)，便引致以下的事...

...................



出車廂後我被一個男人大力用肩頭狀我的肩頭，之後便急急腳

走，佢仲拖住佢女朋友添，咁我都冇理佢la，因為我趕時間去

集訓。

咁我入左另一個車廂後，便企係最後一格到，我心諗頭

先個男仔做咩要踫我，心感莫名其妙........



之後個位"型男"(我稱佢為\"型男")拖住佢女友過黎。



"型男"道:[你頭先做過o的咩野黎，你頭先做咩high落我女朋友到，你咁做叫非禮呀!!]



我說，我無奈的說:[我冇做過...]



"型男"道:[你冇做過，咁頭先做我狀你，你做咩唔叫停我呀，你心虛呀??]



我又係無奈的道:[ha....我冇呀!]



"型男"道:[咁上警局呀]



我話好呀



"型男"道:[你係咪同我玩呀，出旺角警局呀la。]



我話:[大佬冤枉lo，我都冇做過]



(我在大庭廣眾之下俾人咁屈，我就流下眼淚來，一個大男人

---我居然會流馬尿，喂大佬，我咁大個仔可以講句，我俾人

打死我都唔會落半丁兒眼淚，但是俾人屈，實在難受，感觸之

下流下人生中第一次俾人屈的淚水)



之後個女仔都幾好，講話[下次小心點la，係地鐵好易踫到咦o的事]

(我估佢都知道應該係一場誤會)



"型男"道:[咁你係咪應該同我女朋友say句sorry呀]

(其實我唔應該咁做，自己都冇做過)



到左太子站佢地落車，佢友居然話我自己有冇做問下良心，haha你貪型呀

叫我問下良心。我真係頂唔住la，我走出車同佢講



[我真係冇做過，喂，我真係冇做過....]



"型男"大大聲道:[冇做過就走la，想同我落旺角玩呀????]



咁我都冇追落下，因為佢地入到另一廂車返旺角(我估)



之後我一個人坐係太子地鐵站到忍忍作哭，我感到十分冤枉同無奈

，估唔到係日本漫畫出的劇情會發生係一個16歲的我身出。

雖然我樣樣哀哀咁，但係都唔會做o的咁狗架事來的



只有一個字可形容我的心情----------[灰]



之後我由太子站去到旺角，係步行去，我真係想同佢地講會清清楚楚，

因為實在太冤枉...我一路流，一路聽住陶吉吉的歌真係觸景傷情。





後記:

我發覺自己太soft，唔救強~~~~~~真係廢!!!!佢人咁講兩句就哭

了起來。我今日就是想尋求真理，所以想同佢地講我真係冇做過

。

事後想番疑點多多:

1.如果我真係想非禮女仔，點解我唔簡o的單獨o既女仔下手。

2.當時我有留意佢地，佢地-女的企左邊入邊，男的企左邊外邊

，我企係中間，個兩位美女企係外邊右側，照計係踫都係踫到

位型男先係，都唔知點解會踫到佢條女。

3.佢如果有咩事投訴都應該立刻拉住我講清楚，但反己，用肩頭

狀我。

4.係一個咁多人o既地方係咪女仔都有責任保護自己la，係咪女

仔就一定係俾人非禮個o個，男仔就係非禮人個o個呢??



如果個倆位男女朋友有幸看到我的留言，請你同我say返句sorry。唔該!

我只不過求一口氣。你來找我也只不過求一口氣吧??

你為你的女朋友出面出這一口氣，俾我有女朋友都會咁做。

我欣賞你係一個好男朋友，但是你對別人的態度卻是十分

那個......衝動、愛面子(當你知道我是無辜，你卻叫我問問自己的

良心，你根本來說一些說話來作你的下台階，好像是我錯晒一樣，是

罪人的一般，但你卻令我不能下台)



我同你的女朋友說了對不起，她的氣消了，但是卻令一個

無辜的男人受到如此打擊，令他受了一口難下的氣。

我希望你能理解這點。

-------------------------------------------------------------------------------------

經一事，長一智。

我日後會在這一個問題多多的社會上小心行事，

希望大家都係。

我也會尋求真正的真理!

不幸的日子05年4月2日

一個好男人上