見好多人討論 我自己都係當食花生 下面講嘅信就信 唔信都冇問題😎

1) 勞拉結構問題

坦白講佢宣傳圖，其實望下都知道個結構做到的話，一係就神廠真係有技術，一係就9up當秘笈。個線徑要做到同圖一樣結構的話，大家諗下線芯需要做到條線幾粗。真係做到類似的話，洗唔洗係張圖講唔係100%對照實際結構，直接講比例唔同未得。結構一樣，線徑比例唔同，人地都抄唔到啦，除非拆線逐條度。

事件發酵原因在於大陸代理狗急跳牆，不停話人用復刻線去誣蔑原版勞拉，但代理又唔剪線基證明原版勞拉賣真技術，變咗口同鼻拗。真係有技術，未剪開俾人睇，一係就完全保密材料，而唔係俾人指控貨不對版都仲唔好好解釋。

2) 代理話拆線個人做開復刻

- 勞拉巿面復刻只得三家賣，有兩家係唔同線基，自行研發，剩低一家，係拎其中一家嘅尾貨線去當自己尾貨線賣。三家香港大陸都有貨流通，大家自行判斷。復刻勞拉有啲直情同其他人賣緊嘅銅線一樣，不過外表一樣，唔代表裏面一樣，魚目混珠嘅道理，大家自行參透，只可以話俾得你睇線基，有實圖嘅，或者你又接受個聲，未代表買得過。

- 勞拉亂吹結構導致另一個問題，就係而家話流出尾貨線基或者參考線基，究竟係參考緊啲咩呢? 點解可以做到咁平呢? 大家拆開下就知道，會唔會係真原版勞拉就係咁嘅結構呢😆

- 原版勞拉被拆開之後，被人發現連個同軸結構都做唔好，高仿至少都有能力做好個同軸結構同屏蔽層啦，大陸代理完全冇回應過而方面問題

- 其實賣復刻線果啲只需要當全新線賣，質素係
完全冇問題，因為結構同原版甚至其他線都完全唔同。係唔知點解要打住抄勞拉個名號，特別係大陸同本地有啲話係參考正版勞拉幾多層銅結構，人哋原版都講明得三種不同線徑線芯，講出嚟唔怕人笑? 有線芯有圖未知道實情如何，一係就聽聲論價，你覺得值得未去買，唔值得未算

3) 代理話剪線果個剪得幾厘米，話正版多徑對絞線芯係要拆開成條先見到

- 好基本線材知識，多種不同直徑線芯係橫跨成條線，唔會一條線芯頭10厘米係0.1cm，後10厘米係0.2cm，會影響傳輸速度，或者真係學代理咁講佢地有黑科技啦，所以代表橫切面見到嘅，未就係佢有嘅線芯

- 大陸代理就冇解釋過而點，淨係話佢係讀材料學，所以就要信

4) 由頭到尾都冇解釋過點解線芯冇對絞

- 代理解釋話拆線果個人拆開外皮，搞到線芯爆開，之後再誣蔑正版勞拉無對絞，聲稱橫切圖唔會見到

- 但d圖其實好明顯見到，對絞過嘅線唔會可以拉直得翻好似拆線果個人嘅相，除非扭絞角度好細，大家可以自行判斷。三種粗細upocc拆開五厘米連少少絞合都見唔到，我諗大家都好好奇啲線絞咗去邊

其實大家都係玩下耳機同耳機線，材料成本就係咁多，但同一條線靠焊錫都可以調到幾十種音出嚟。買嘅唔單止係結構，更多係調音技術。聽聲論價從來都係正確，你覺得值得未買，問題係而間廠咁消極去處理成件事，結構圖同實際線芯差咁遠都只係不停話人哋做復刻，搵條老翻搞佢哋，其實間廠直接剪一條未知道結果，點解咁耐都唔剪，未大家領略下點解😆

歡迎大家一齊討論下
究竟係有人請打手搞大廠，定係大廠真係就咁嘅水平呢，定係淨係而條線俾人大踢爆呢🤭