小弟早兩天post 左支Canon 28-300L 鏡頭放$10500。當晩即時有位師兄pm, 他先後三次pm話:「price ok, please call me xxxx」,翌日隨即相約灣仔交收。該師兄非常年青(好似成個學生) 第一眼看見他就覺得佢唔似會買咁貴既鏡(恕我直言及有偏見)。跟著就開始驗屍程序,最奇怪係我問:你有無帶機試鏡,他竟然説沒有!吓,成萬蚊支二手鏡,你試都吾洗試(買新鏡都會試,何況二手!)
結果當然佢就用「扮專業」口吻去挑剔個鏡身,我隨即説:支鏡用了5年多,你想好似新的一樣!?況且我有寫明,你認為ok才pm約交收,如果咁介意有花,為何不pm問過清楚?為何我一post 出之後僅僅6分鐘,就爽快到即刻話ok?你pm的爽快同你的行為完全不乎囉!然後佢就試我價,我問佢你想幾錢?佢唔講,跟著扮傻話其實我唔係好知出面咩價⋯⋯我心諗:成萬蚊支鏡,我一post 你就pm我三次,咁firm, 又無問任何野,到現場才話自己唔知價,吾好當人傻先得㗎!
Post 出去當晚,其實還有另一位師兄pm要買,個post 寫;「$10500 ok, call xxxxx」。正常賣家心態,梗係即刻call 佢(反正支鏡帶左出來), 於是同日傍晚這位師兄仲特登入去火炭與我交收。又一次「驗屍工程」隨即展開,這次比早上的一次更仔細,講完鏡身花,遮光罩花,又話光圈環吾順𣈱,跟住我即時扭幾扭跟本無吾順,佢就講好多形容詞,形容佢要嘅「順𣈱」要求係點.. 跟著佢又指住甩漆地方話,這個凹位點點點⋯⋯吓,這何來是凹痕?!明明只是甩漆,佢就想像力豐富地話其實「𥚃面」都應該凹左。吓,大師,唔通你有透視眼!
好啦,既然你咁不滿,又話接受吾到,咁算啦,我話吾買無所謂,執野想走。跟著呢位大師就來一句:「$7000啦」我同你要左佢!!我當堂嚇一跳,然後得啖笑。我話師兄吾好嘥大家時間啦!
原先也不以為意,但諗諗下覺得唔妥,然後再翻查番pm紀錄,發現最奇怪係:兩位仁兄,先後pm只相隔一小時,而他們在pm上都好firm咁話「price ok」又從沒問任何野,再在非常短時間內立即相約交收,而第一位會員在此網站雖然已登記超過一年,但紀錄上從沒有交易過的紀錄(懷疑他只是作先鋒去打擊賣家信心)。另一位會員, 懷疑才是真正的買家。從兩人的pm上風格,驗屍方式,說話口吻,再加上時間上的吻合,我絕對有理由相信這兩人是伙伴,專門利用這方法鋤價。尤其那位扮傻既「學生哥」連機都吾帶去買支成萬蚊二手鏡,足已露出破綻。
交易不成其實絕非什麼出奇事,但若然要耍手段去達到鋤價目的,手法及行為就極其低劣!
望各位師兄小心或有所戒心。