今年仲未諗去邊旅行？不如參考Airbnb 2017年最常搜尋5大旅遊城市！
文：小旅孩
2017年已過一半，手上既旅行 Checklist 仲有幾多未去呢？定係已經計劃緊 2018 年，佈署請假攻略？未有頭緒既，不如參考 Airbnb 同 Pinterest 合作做既調查，了解下其他用戶係2017年最常搜尋既旅遊城市。相比頭 5 名，第 6-10 名結果不太驚喜，分別是京都、大溪地波拉波拉島、美國紐約、希臘聖托里尼和西班牙巴塞隆納，即睇頭 5 位結果啦！
第 5 名：冰島雷克雅維克（Reykjavik, Iceland）
近年港人大熱的旅遊地點，只因係欣賞極光的最佳地點之一，因而成為好多人一生中必去的國家。當然冰島唔止自然景色非常吸引，街道城市都充滿藝術氛圍，連吸啖空氣都特別清新。
圖片來源：The Telegraph
第 4 名：蘇格蘭高地（Scottish Highlands）
這個地方看似陌生，但如果同你講係《魔戒》和《冰與火之歌》取景地，你可能仲有些少印象。綿延不絕的山河美景，幻想自己站在高低不平的坡地欣賞海天一色，何其壯觀。
圖片來源：Pinterest
第 3 名：法國谷雪維爾（Courchevel, France）
著名的滑雪天堂，站在山巔上可以將壯麗的風景盡收眼底。諗起可以係白雪陡坡上滑下，眼睛離不開一望無際的皚皚白雪，感受真正的自由。滑完雪之後，仲可以去餐廳、酒吧，品嚐米其林美食，盡情讓自己放鬆一下。
圖片來源：lppalais.com
第 2 名：西班牙特內里費島（Tenerife, Canary Islands）
特內里費島位在摩洛哥外海，因為擁有四季如春既天氣而被稱為夢幻島嶼。長期美麗既海灘、蔚藍既天空，難怪成為歐洲人的度假首選。而當地仲有座活火山泰德峰，不過最出名都是旁邊既天體海灘，還有著「全世界最性感十大海灘」稱號。
圖片來源：Vagobond
第 1 名：埃及沙姆沙伊赫（Sharm El Sheikh, Egypt）
可以成為搜尋排行榜第一名，同地方格外清澈大海有關之外，仲因為海底世界有著豐富既珊瑚礁生態，同時有沙漠、地中東風格既建築，夠哂多元化。如果想去冷門地方，似乎係不錯既選擇！
圖片來源：Dive Compare
相關閱讀
