一個人出走歐遊52天 ~ 7 Jul 2015 ~ Day 3 里昂 Lyon ~ 公園漫遊、尋找壁畫

http://travelwilson.blogspot.hk/2015/09/52-7-jul-2015-day-3-lyon.html

7月7日 出發已經十時多，先去買一日交通票，坐C1 巴士去金頭公園(Parc de Tête d’Or)，用ter巴士app就可以找到坐那架巴士，但你要知道目的地的法文名稱。由火車站到公園大約十幾分鐘，入口有公園地圖，公園內有花園、湖，仲大到有免費動物園。沿湖邊走走，見到一大市遍草地，有幾個法國仔仔仲好悠閒咁赤裸上身訓係草地曬太陽、聽音樂，我也有衝動這樣，但我被潔癖戰性左。再走下去，見到人地跑步，我都腳癢癢，但係背著背包怎樣跑呢？越見人跑就越想跑，痴鬼線!漫步於樹林中，呼吸下大自然的氣息。不久，發現一個的銀色洗手間，熱死人的天氣(大約37/38度)，緊係要入去洗個臉降降溫。Oh !按製開門的，好先進喎!竟然唔駛錢有冷氣，真係上帝保佑，冰水洗洗臉，爽！ 再走走，去動物園地圖睇睇，又熊又獅子又李光洙，入去睇睇先，嘩黑臉白毛猴子，好樣衰lor! sorry !想睇下獅子，點知佢地怕曬，影都冇，熊呢？維修中-_- 又走走，終於見到四隻腳的動物，鹿、斑馬，向前走，見到塘鵝、丹頂鶴，2字頸，like 爆! 好啦，說好的光洙呢？Oh WoW 見到了，仲要四隻，有大有細，我估係一家，樣衰衰仲要伸脷嗰隻一定係光洙！哈哈！走啦，又見到斑點鹿!就係咁係大到有動物園的公衆公園漫遊左兩個鐘，有時候生活就應該這樣，放慢腳步，漫遊於大自然中 !

 

 

漫遊完公園，就去尋找壁畫。網上資料顯示里昂有五十多幅壁畫，仲有專門的walking tour。沒有時間就睇最大最出名的，坐38號巴士去Henon 睇里昂最大的壁畫，到醫院站Hospital Croix Rousse 落行一陣就見到，真係幾可亂真，有幾層高，仲有樓梯、植物，最底那個女孩還被人劃花了，點解要咁殘忍呢？壁畫已經係第三版，亦係畫面最豐富的!

坐metro 去返昨天到過的hotel ville 市政廳，再去附近的噴泉廣場食lunch 。高溫下外國人都係喜歡坐露天地方，我就入鄉隨俗體驗一下吧! 雖然有太陽傘和噴水氣機，但一點也不涼快，不過總比坐在沒空調的室內好。坐下就用英文問女侍應拿menu，佢好奇怪咁問我you speak English，我可以答咩呢? 她應該係summer job ，好彩有她，因為menu係冇英文的...我問她有什麼可以食，她竟然說冇lunch，連沙律都冇，外國人唔駛食野的嗎?依乎他們真的只需要啤酒...稍後她說有plate with meat and cheese，ok 試下啦，原來meat係好咸的ham，食了一塊已經唔想再食，七歐的價錢，唯有食多點麵包…

食完就去對面有小羅浮宮之稱的美術館，兜左成個圈，點解冇入口？上網check ，今日休館...昨天打算今天去的...又賺了經驗，下次記住check 清楚休館時間了！ 立即上trip advisor 睇睇仲有乜館開啦，有個新開的展覽館(Musee des Confluences)係海邊的，就去睇睇啦，順便去睇下個火車站Perrache ，都係依個站坐tram 去展覽館，行左陣就上tram ，點知搭錯方向又返Perrache ，今次搭對方向，但是係車上的站圖找不到我要去的站，幸好有充滿愛心的法國姐姐講我知係我背面的圖，。好不容易到了Musee ，check 完袋，睇下category 好似唔係好抵，出返去經過一個小水池，小朋友在玩水，大人就坐在池邊，吹吹風，係炎熱的天氣下比起展覽館更吸引，或許這就是館外的一遍小樂土！ 逗留了一會，再往海邊看看，發現了昨天於白蘋果廣場找不到的 ONLY LYON 地標，真是幸運，猛烈的陽光下也要自拍一張才離開！ 回程去了著名的amigo 步行街，聲稱是歐洲最長的，也不過是SHOPPING的地方吧! 再坐metro 返part dieu ，晚餐去左好耐冇食的M記，竟然有大型自選螢幕落單，還可以唔要薯條轉沙律菜，原來法國都幾先進!

明天就出發到南法的阿維農(Avignon)了!

P.S. 返到酒店發現身上已曬成一件白色內衣的印了!!!

更多里昂旅遊攝影資訊

更多金頭公園旅遊攝影資訊