台中嘉賓平價鐵板燒，6餸$100飽到嘔

點解無啦啦整篇完全”唔la間”既台中飲食出lai ge?? 阿鋒你攪邊科呀??
是咁的，事緣小弟plan緊今個暑假一班佬友去台灣旅行，突然醒起2015年時同一班backpacker既台中之旅stay behind時，食過呢間好味之餘性價比高到嚇死妳既鐵板燒，到而家我諗起都流哂口水呀! 正到我唔可以扮無去過埋沒左佢!
見兩年後既今日仍然無香港blogger講過，好啦，就係主菜伊朗遊記中間來個飯後小點轉轉口味吧~

間店開宗明義叫「嘉賓平價鐵板燒」，睇個名就知佢主打係平啦~
不過大家都知啦，名呢家野可以含水量好高，菠蘿包可以無菠蘿、大xx唔見得會食得開心快活、吉野家又無野………….呀呢樣曾經有過
Anyway當年我search台中平價鐵板燒時其實仲出現左幾個名，「高林」、「大埔」等等，但前者話都貴貴地，後者似大xx，唯有呢間嘉賓係一致好評兼順路去機場，好難唔揀妳ga wor~
交通方面好簡單，由台中火車站出發，有巴士9、61、82、101、108等等，只要去到「下水楠」站就no problem了，落車後行向街口左轉就見到了~
但大家都知台中d交通有幾恐怖，可以的話我都係建議坐的士……..

間店晚市開17:00，我17:05去到-------wei唔使咁full House ar!!!??????
雖然話間店唔大只坐到10零個人，但呢間位處偏僻門口又upup dum dum既小店，岩岩開市就已經坐滿本地人兼絡繹不絕排大隊! 似乎真係好有料到wor!

好彩一支公食飯有著數! 岩岩有個單丁空位，如果唔係分分鐘等到上機都未有得食!
望下四周，店內裝修簡陋，木+不銹鋼+大鏡，如果唔係中央有塊大鐵板bar抬，真係以為去左元朗d跌打館呀!
當然如果跌打館有咁濃郁既香味既話我去多d又唔驅ar~

上方牆身嵌有餐牌，套餐價錢由台幣120至180不等，又真係唔貴wor!
套餐就係main course + 椰菜 + 芽菜 + 湯 + 飯 + drinks，多數人都係一個套餐再加單點

點左餸就坐定定睇師傅表演啦~
講真，鐵板燒說穿了咪即係煎野食，屋企都做到ga，但就係要睇阿師傅係妳面前雙刀戰火雞ja ma~(當然火力控制都好重要)
睇住佢地功架十足咁渣住兩個鐵鏟，呢邊批舊牛油，果邊”畢”pat蒜蓉，一炒一翻，一大盤椰菜芽菜for前菜就咁攪掂!
香氣撲鼻，爽脆唔會過熟，連我呢d唔多食菜既人都覺得正!

主菜lai la~
首先係特製羊小排，即係椒鹽蒜蓉爆羊扒~
味道香濃且辣味適中~羊扒羊味差咁d，但仍嫩滑可口!
可惜只有一件

奶油蝦仁~
wei彈牙有蝦味ge????竟然唔係用大排檔炒飯果d無味雪蝦??
仲要牛油味非常香，加埋蔥花真係估唔到咁好食!

蔥蛋~
煎蛋係最考師傅既火喉控制功力的(好似係)，但我無想試佢既意思，純粹我係蛋控所以想食~基本上佢唔係過熟我已經覺得好食~
而呢個蔥蛋卷---------好好味ar!!!!!

荷包蛋~
台灣blogger強烈推薦要食的，開頭我就唔明有咩咁巴閉，之不過都因為我係蛋控，個蔥蛋卷又太好味，毒癮發作下都係叫左個煎荷包蛋
10蚊台幣 g ma! 香港打個邊爐隻蛋都收你5蚊啦! 仲要自己煮自己發，而家$2.5港紙有人好心機慢慢煎埋比你仲想點~
睇住師傅利落地將成隻微焦的荷包蛋直接放上我碗白飯，隻蛋岩岩好就係個碗咁大，好技術wor!
加少少豉油，用筷子中間破開，澄黃的蛋黃緩緩傾瀉而下，剩係個outlook都治癒到不得了!
撈均後將濃綢的蛋黃白飯一箸夾起，再一啖放入口………..果種滋味….果種幸福…….真係咩山珍海味魚翅浪口都比唔上!!
隻蛋真係煎得好完美呀!!!!!!!完全明白點解d台灣blogger話係必食item啦!!!
不過記得要同師傅講要”半熟”呀!

如果唔夠飽，後面既湯同冷紅茶係無限re fill的~

至於我，真係飽到嘔泡呀!!!!!!
我總共食左6個餸+一大碗白飯+湯呀!!好驚超重上唔到機law!
但應該首要擔心夠唔夠錢比……………………..
咩話????????????????
330台幣??? 即係約$82.5港紙??????????????
學桂神話齋真係蔗渣既價錢燒鵝既味道!! 會唔會抵得太過份ar??
香港食鐵板燒既話齋坐剩飲雙計都唔止呢個價啦! 重要好食+師傅面前功力演出wor!
所以，lai台中，呢間店真係誠意推薦!!

《嘉賓平價鐵板燒》
地址 : 台中市北屯區大連路一段12號
電話 : +886 4 2295 6890
營業時間 : 11:00 - 14:00, 17:00 - 21:30 (週二公休)

https://www.facebook.com/pages/%E5%98%89%E8%B3%93%E5%B9%B3%E5%83%B9%E9%90%B5%E6%9D%BF%E7%87%92/159634320754712

p.s. 1 : 點同一樣的食物但放係”套餐”同”單點”價格會唔同的! 等於魚柳飽餐+豬柳漢堡係會貴過豬柳漢堡餐+魚柳飽的! 落order前記得計清楚!

p.s. 2 : 此文內的價格為2015年7月，落筆時check過現已加價10蚊台幣 each，即係$2.5……..學我咁食都仲未過$100 ar~仍然係超抵!!

p.s. 3 : 可按自己喜好而直接向師傅要求改乜加乜，例如見到旁邊的老饕就要「煎雞扒走汁」同「蟹肉用蒜蓉炒就好了」。當然你要求太多的話就要有被飛刀既心理準備啦~睇過亂馬1/2就知唔可以得罪鐵板燒師傅的!

p.s. 4 : 無錢未買
………………………………………………………………
鋒加西亞你真係好無聊呀…………………………………………

==================================

Email : funggarcia@gmail.com

Instagram : https://www.instagram.com/fung_garcia/

My Facebook Page : www.facebook.com/Garcia.in.Germany

始終都係整唔到Facebook Plugin Page，唯有用photolink頂任先!
另外文章同時刊於UBlog、 DC Fever Travel、 Blogspot 及遊牧爆谷
請各位繼續多多支持呀!!!!!!!!!!!!!!!