Canon EOS 5D Mark II

評測報告

實拍照片

- 超高PQ: 開頭都有諗過好唔好放手上既 1D MK2, 但試過兩部機影張相出黎一比, 就算1系操控幾好都冇用, 因為 5D2 出黎真係好細緻
- 高 ISO 表現: 暫時巳係 EOS 中最好, ISO6400 都仲可用, 800 或1600 根本同一般機既低ISO 一樣
- HD DV: 又係嬴 QUAILTY....自己拍D 片仲清過某D 買既DVD FILM.... 拍低家人片段感覺好完美, 因為晝面真係太靚!

- 9 點對焦唔係太問題, 問題係 9 點O係哂中間, CANON 都幾小家
- 對身拎上手感覺同1 仔相差太遠
- 價格我覺得都算合埋, 但粒電就貴得唔太合理

優點同缺點詳細下面有提, 簡單講的話, 影STATIC 野要最好PQ 的話真係唔會失望, 無論影相或拍片都十分高質, 配埋兩支定焦 35L同 135L, 影像帶黎既視感受真係唔易形容!

當然, 機身BUILD, 對焦系統, 連拍等係TRADE OFF

致於對焦SPEED 同準確度, 我覺得其實唔差,唔會同我隻 1D2 相差太遠, 操控亦不過不失

Full frame
3 吋大靚芒, 睇到有冇走焦
高ISO- 6400都冇問題
對焦準確
功能表易用
Liveview 有得選對焦

9點對焦, 冇進步, 太小氣喇
重!! 冇計..鬼叫你用大機....
VF極易入塵,
CMOS又係極易入塵
貴.
無朋友(因為咁貴既機, 你唔捨得借比朋友用的)

之前用D80, 再考慮過升上D700, 經友人大力推薦下...上5D II
的確..轉會後, 無後悔..無論色彩,功能,同相片質素各方面都好啱我心水...
唯一令我唔滿意係所謂防塵係一D都唔防..
我第一日出外影, VF已經入塵, CMOS用O左唔夠一個月又入, 仲要吹極都吹唔走...
我影景用細光圈, F11 已經大大粒, 旅行影相真係嬲爆...但我仍然很喜歡用,
雖然好重(我用24-70L), 習慣咗就唔覺, 跟手拿朋友的450D, 輕飄飄好似玩具咁..

1. FF CMOS
2. 機身防塵防水滴設計
3. 3吋92萬色mon，超靚
4. 個mon自動感應環境光暗、調節光亮度
5. 2100萬像素，影像細緻
6. ISO可擴展至25600，ISO6400喺黑暗環境好好用
7. 更淺既景深令散景更靚
8. DIGI 4處理器，運算速度好快

1. 連拍少
2. 對焦點只得9點
3. 不設中文說明書
4. 原廠電超貴

我自己本身用緊400D，之前一直都未儲夠錢買5D2，後來身邊朋友亦升級至Nikon D700，終於係時候到我升級喇~用400D果時，本身用緊支35 f/2，覺得已經好好，之後同人交換左支50.4，喺400D都用左一排，e家用喺5D2，發覺FF真係同APSC係2回事~無論係顏色、銳利度、景深，APSC都係完全冇得同佢比~暫時只係得50.4用住先，想買果d鏡頭暫時都未有貨......無奈~e家用50.4都影到咁好既相，相信用L鏡影出來一定超乎相象! Liveview對焦如果可以快d就好喇~ISO真係好正，之前用400D，成日都唔敢用iso 1600，因為noise好勁，但係e家部機noise control好好，所以e家我成日都用1600以上既ISO，唔用外閃都得! 5D2係世上第一部拍到全高清影片既相機，所以呢部機真係好值得買!!!
好後悔點解自己唔早d買 xd

之前係用40D, 所以多數野都係同40D比
1. 個MON 真係唔錯
2. 有三種RAW 相選擇
3. 可對鏡頭作微調( 雖我未試過, 即使用24-70 都唔覺走焦)
4. 個外觀越看越順眼, 開頭唔係咁鍾意, 但唔知點解越看越順眼同鍾意了佢的外觀.
5. 可以拍MOVIE, 雖然少用.
7. FF 真係好正, 可能因為咁用D 鏡感覺都特別SHARP
8. 個直倒設計比40D 順眼好多.
9. 有電量查詢, 用直倒的話可以看到每舊電的電量, 40D 就冇
10. 個MON 有自動光度調節, 但要適應了看5D2 的MON 先好選, 唔係就好易中蕉!
11. 高ISO 同低 ISO(50) 真係正

1. 有支10-22用唔到( 如果好似NIKON 咁可以用就唔錯, 就算像素得番半都好)
2. 真係好多塵, 40D 唔夠佢多同易入塵
3. 個快制同40D 唔同, 按下去唔似40D 咁, 如果唔係有快門聲都唔知佢影左
4. 個MON太靚, 看到的野同在PC上看的不太同.
5. 得9點對焦真係少了些, 雖然我多數都係用中間點對, 但成2皮野的機得9點對
焦真係有點說不過去.
6. 唔夠光時對焦都係差少少. 但已40D好.

之前用40D, 覺得真係有點美中不足, 而且總覺無法發揮D鏡的功力, 入了5D2後,
D鏡的實力終於可以發揮. 雖然無內閃係好唔方便, 但我也很少用, 因為用內閃一定
唔好用HOOD, 唔係就會出事. 個MON真係唔錯, MOVIE 功能就好少用,因為FILE 真係
幾大. 如果話部機有不足的地方, 就真係個對焦點太少同容易入塵, 其它方面都幾滿意.

芒靚
相片質素高
高ISO表現好

貴左D
同5D之間既差別無咁明顯
VIEWFINDER同埋CMOS入塵問題嚴重!

用左都有一段時間(我買既係第一批貨),同我之前部30D比
VIEWFINDER 望落去好明顥舒服左
但係發覺VIEWFINDER既入塵問題遠比30D嚴重,可能反光板大左既關係
成像係提升左,都算明顯,但係如果比較價錢既差價同埋成象之間既分別就會發覺,其實吾係咁抵
ANYWAY~我都算好滿意部機

相片質素好正,
ISO4000 可用, 6400都可以收貨,
介面比5D 好, 人性化左. 好多功能可以好快去到...
有修正暗角 (24-105 好有用),
鏡頭微調 (當你支鏡有少少走焦你就知佢幾有用),
live view (可以放大十倍, Manual Focus 時超好用, 中焦時清到無論, 唔使對到標眼水),
像素大 (需要crop相時好方便, 有D ching 嫌像素太大, 太大咪set 細d size 影lor, 起碼有得揀!)
個MON大左靚左, 陽光下都睇得清楚...
有除塵, 防水滴...
拍片好正....

對焦點少,
太暗冇反差會對唔到焦....
連拍唔夠快...
冇內閃...(有時都想SNAPSHOT 下....唔係下下都要好認真影架麻!!!)
CF蓋有少少虛位, 渣上手有時會"E E" 聲...(D聲係聽唔到既, 不過係隻手FEEL到)...
拍片,Live View 好晒電....
原廠電好貴...前兩日成成賣580...

我係由5d 升上5d ii,
對我來講, 相片質素係有一定既提升, 當然唔係超幾班咁升法啦....
如果AB比拼, 係可以分得出來架...
其實我覺得mark ii 已經改進左好多野....
當中拍MOVIE真係好正.... 我自己都有部SONY HD DV,
無疑DV係操作上係方便好多, function 多好多, 但係論畫質景深, 5D ii 贏晒啦, 最重要係
夜晚拍片, 只要有返少少燈光, 5Dii 都可以拍得好靚.....DV 就唔得啦...(因為DV ISO set 唔到咁高, 光圈又唔夠大, DV 既night mode 係廢架!!)
有時有D情況, 係要拍MOVIE先有FEEL架....
都係果句, 有得揀點都好過冇得揀!!!!
我都明白5dii 既對焦連拍係弱左D,
但係如果5dii 對焦勁正, 連拍勁多...咁仲搵鬼人去買1DM3咩!!!!
所以在於我來講, 收貨架啦....
Canon 5d 出左成3年先再出 mark ii,
周期咁300d, 350d, 400d ,10d, 20d, 30d 咁快....
估計部機機玩多3,4年都唔OUT!!!!!