優點:
對我用開sony dc機來講, 呢部機真超正, 加上香檳金色外型好特別, 有防震,人面對焦,28mm wide, 機輕,反應快, 價錢都唔洗三千, 讚!
缺點:
如之前用家講過, 轉盤較容易到由"P"轉左去"AUTO".
評價:
第1部dc係sony機, 舊電勁唔掂, 影唔夠半粒鐘就好熱, 之後叉電部份sony仲要回收返去整, 事隔幾年買第2部dc時, 本來已唔想買sony, 但又比佢靚仔外型吸引, 終於又係衰咗, d電一樣好唔得, 去旅行帶多舊電都影唔到1日, 所以我同自己講以後一定唔會再用sony dc機, 直至上個月, 第2部dc突然有問題(又係sony出問題既其中一log貨), 拎去維修期間問阿妹借咗部IXUS 860用咗一排, 發覺功能同相片效果都唔錯, 所以終於出手買新機,剛好係canon網頁見到出了IXUS 870, 所以當日就去咗百記買, 原來部機全港都係第一日到貨, 真好彩!
用咗就快1個月, 完全好滿意, 尤其舊電池, 去旅行影足一日仲有一半電留低(約影二百幾張相). d相片質數都好好, 以前用sony機影演唱會同夜晚都係影到好暗, 但依家就影得好清楚. 加上佢有潛水mode同housing, 對我呢d去潛水既人就仲啱添.