優點:
1.如果sd14個白平衡我俾佢60分,sd15就有80分(都係拎唔到滿分)
2.之前sd14 save相,部機就唔駛郁啦,sd15好就好在,你有你save我有我影,最多影到21張(不過save相果陣,唔可以睇返d相)
3.快..真係快..基本上我而家出去接job我都唔怕漏招..
4.新機多人討論左,市面多返好多sa mount鏡頭,新鏡亦多左,唔駛好似sd14咁,一鏡難求
5.雖然同sd14外型幾乎一樣,不過一個字講曬..型
缺點:
1.久違三年,以為佢會變得更完美,點知只係變好左,外型變少少,個mon好左少少,個白平衡好左少少,速度好左少少,但係值唔值得用3000放sd14再用8000蚊買sd15,就見人見智啦,其實要補5000加強少少,個性價比趺曬,我覺得e個都係缺點黎ga,
2.個mon有三吋46萬色,不過d畫質就好似d6萬5千色ga手機畫面咁,好差,gf1都係46萬色,不過人地靚佢幾條街囉
3.無得用liveview,有時候構圖真係好唔方便,不過我係鴨記買左個直角觀景器,都叫做解決左dd問題
4.cf卡轉左sd卡,雖然方面左,不過先入為主心態,總係覺得大機係要用大卡先夠型^^
5,sigma資訊太少人討論,.好多時候要用自己d金錢去換經驗
評價:
優缺點都講左好多,我本身係由dp2->sd14->sd15,鏡頭有18-50f2.8(已放),10-20 f3.5 helios 58mm f/2(m42) carl zeiss zs 1.4/50(m42) 70-200 f2.8,用sigma本身d鏡頭,你會發現佢同dp2出黎ga畫質無咩分別,都係又利又靚色水,不過如果你用m42老鏡,佢就會帶你主入另一個世界,d相真係好有菲林味,尤其係俄仔鏡,本身支鏡特色係個散景同大光圈,雖然用係sigma 1,7度會扣左分,不過因為支鏡色未算濃,所以加上sd15度,真係fit曬,真係勁有菲林味,反而蔡頭配sd15,除左果陣恐怖ga立體感優點外,顏色實在太濃,搞到成日都要淡化佢d顏色先得,仲有就係唔好以為sigma野就一定係夾曬,我有支ef500閃燈,裝上sd15度,竟然連燈尾都食唔到,上網查左好耐資料,都要搵到canon版先搵到類似答案,就係支燈要升級先夾到新機,所以又要走上cs度整,不過又有樣野好,就係雖然我支燈係過期行貨,不過係收費度都仲平過水貨,都算係有所安慰啦,打打下發現其他都幾多野想講~希望d師兄唔會話我煩啦,講開佢iso,其實50同100..基本上係無分別,反而我覺得有d多餘,開iso50..仲要拖慢左快門,我其實幾中意影夜晚(白天返工邊有得影)之前sd14,就算用到2光圈係條街度影都好辛苦,noise又重(200都唔可用),今次sd15,我iso推到400,光圈收到4,快門用50(我用蔡司50 1.4)係黑夜ga尖咀,d相仲係可以接受,我諗e個都係我用5000蚊升級ga目的所在,當然啦,如果要同canon550d果d高iso比,就真係無得比啦,但係今次sd15 iso ga進步,真係好比由單車升到電單車,但係只可以講,canon係跑車囉..哈哈..真係希望,sigma可以係香港組織一個官方fans club之類啦,其實sigma係好野,亦有進步,輸就輸在佢地遲起步同香港太多傻仔剩係識得c同n兩個牌子啦..最好最好想同d想買機ga新朋友仔講,用8000蚊買部sd15之前,不如上肥花二手區搵返部sd14 or dp2之流玩下先,睇下自己接唔接受到佢ga速度,又或者自問自己係畫質先決定係品牌先決先?畫質先決就加入sigma啦,品牌先決就byebye啦^^