優點:
1. 價錢平
2. 輕功 / 細部
3. 鏡頭銳利
缺點:
1. 對焦慢
2. Noise 比較重
3. 無影片拍攝
評價:
曾經幫朋友買過D60, 跟住旅行同佢一齊用, 一直都想買, 過左咁耐D60已經冇出, 後繼機便是這部D3000, 功能好似差不多, 鏡頭是一樣, 就是對焦模組加強了. 小弟玩過唔少單鏡機, 不過都係公司機, 呢部係自己第一部DSLR, 很多玩開攝影既人, 都唔建議買呢部機, 不過我就好鍾意, 兩大主因係價錢平, 同埋細部, 我平時好怕拎野, 不過旅行時拎住佢, 一直掛上頸, 一d都唔覺累, 一部輕巧的相機, 可以令你有更多捕足晝面既機會. 一直冇買單鏡機就係因為怕佢太重, 覺得好煩, 一些比較高階既相機, 影相係靚, 不過佢既重量已經降低我影相的意欲了, 我寧可買一部畫面質素差一點, 功能少一點, 但輕巧的機種. 有人可能說, 輕巧? 倒不如買部Prosumer DC? 其實一部Prosumer DC也不會比它輕多少, 而且這部Nikon的Kit鏡, 我是非常滿意且有驚喜, 很容易做到景深效果, 鏡頭銳利, 顏色鮮艷豐富都是我喜愛Nikon的原因. $4180包8GB card, 代用電, 相機袋, 清潔套裝, 腳架, 非常吸引!