Nikon D3s

實拍照片

快.靚.正

重

$35800買番黎 唔知有冇買貴左呢

ISO　彈性寬闊　品質無得頂　

When price is no object. No complain, When health is a problem, it feels real heavy.

自從開始啟用這相機後　每分每次都感覺醒悟其能力　拍鳥必備　拍花細緻　週邊師兄師姐妹至前輩師父分別添加購這機器　因為他們覺得我的成果祇因我轉用D3S後才被發揮出來　但我承認　如經濟能力許可　投資後你會發現多了一寵物及增添了多一些友人師兄弟姐妹　比投資匯豐銀行更好　增益的是spiritual. 一生無悔

對焦怏, 很, 準
ISO 勁, 真係好鬼勁!
多按鈕, 十分方便!
WB 比 D700好好多!
連拍勁!
SHUTTER　聲好聽！
一體化機身，係直倒不能代替的! (當時用D700+mb-d10)
100% VF
講真，唔多唔少都有少少虛榮心！

觀景器沒有格線, 如要請另行講買(可能係專業機, D高手不用這東西)
直拍時對焦的轉盤不就手!
跟機得一電, 但义機又有兩個位, 雖然話佢可以影到過千張, 但多一粒好似好D (可能原裝電太貴!副電都唔平!)
冇咭跟!
movie 唔係全高清, 而且時間好短, 但對我沒有影響, 因為好少拍!
螢光幕冇保護屏!

由D300己經想轉D3S, 但經朋友叫我三思, 話D700已經夠用, 所以出了D700, 但心思思用了大半年後, 最終入了它...D3S
一個字, 勁!
D700係好機, 但後悔當初為何不一步到位! 浪費金錢!
入D3S 雖然價錢比較肉痛, 但買回來後睇番D相....呢個價錢, 少少痛都值!

1.iso勁得令人不敢相信，iso6400可以常用!!
2.9張連拍影動態野完全勝任。
3.51點對焦點好好用!!

1.對焦竟唔夠d2x快
2.影出來影像偏黃，當然可以後期執
3.千多萬像素賣35000元，比較貴!!

小弟之前用緊朋友的二手d2x，因為iso400以上實在唔得，把心換d3s。其實玩落覺得d3s iso真係好勁，d2x絕冇得比，其餘除了是ff、連拍快、51點對焦點外，其實其他同d2x分別不大。當然d3s絕對係一部好機!!

我相信係DSLR現時黎講係最強,其他優點好多師兄都講晒出黎,我上黎都係打返個用後感

講真果句,我真係唔覺有.真係一部靚機

相機既評分,我唔係專登比晒全部高分,部相機我買左一段時間,用過一排,我先出用後報告,我事先聲明,本人唔係咩NIKON人忠實FANS,市面上相機牌子有好多,我都用過C記同S記,我明白每個牌子既FANS感受,講返D3s先,佢係我用過幾部相機以黎,佢係最穩定,可靠,準確,任何時候都唔會令我失望既相機,這是佢既價值,高ISO表現之下令我唔敢相信科技既厲害,操控方面係我最滿意既部份,常用既操作鍵已經好清晰有次序排列好,令人更得心應手,部相機對焦既速度,再次証明佢既身價,令我每次影相都唔會咁易miss左個moment,作為旗艦級既相機,已經交足晒功課,本人曾經擁有過Nikon D300,D3,S記a850,C記7D,以上既機種都不是泛泛之輩,但我都沒有出過一次既報告,我有嘗試感受過S記同C記既誠意,但佢地真係比唔到我想要既野比我,我不是想得罪C記同S記FANS,就算NIKON D300都一樣有佢既缺點,完美係唔會有,我只想分享我用相機感受,不喜勿插

高iso表現超乎想像,很意外地,開啟NR(H)後,細節位竟然和不開啟時差不多,但雜訊又能明顯減少,details位並沒有因NR而過份流失,這一點我高度評價!
快門組件相當可靠,反光鏡震動之少及快門時滯之短接近完美,在低光環境可進一步減少手震情況
解像力優秀,經本人測試過,相同環境及條件與及setting,出來嘅相details多過D700,哩樣應該唔關像素事,應該係機內的cpu and software設定和D700有分別,除了D3X,我相信D3S係現役nikon機內最高解像度的DSLR
手感良好,一體化機身的手感,非加直度可以比擬,再者連同底mon下的三個按鈕,所有setting按鍵都非常清楚地獨立分隔開,真正一按即達

講真,其實真係無乜,世界係無完美嘅,要雞蛋裹挑骨頭一定有的,但那些所謂不足or缺點我覺得可以接受
如....
電池用量,官方稱可以拍攝約4200張相,我用了此機兩個月,約叉了三次電,但每次都大概只能拍攝1000-1200左右,小弟用的並不是防震鏡頭,機內設定亦不是耗電那些(如mon不是較最光..不是開/關機時都開啟除塵功能..蜂嗚對焦聲不是最大聲..etc.....),就是不明白點解會有咁大出入????
拍片不是1080,不過相信對大部人來講都唔係咩大問題吧
無內閃,任你高iso點強,都總有需要閃光燈的時候
無對焦燈,如果你唔加外閃,全黑環境下對唔到焦(D700/300...etc...係可以)

小小用後感...小弟一直係canon用家,由ixus到eos大概都用左六七年,小弟並沒有品牌觀念,只要影到靚相,操作就手就ok,甚麼牌子根本不重要,每個品牌都會有它的長處,都會有它的優點
點解轉會?在D3S前,小弟用緊7D加5D2,兩部各有優點,7D反應敏捷,反光板震動極少,對焦系統出色再加上連拍8張/秒,100%viewfinder,白平衡極準確....很多很多的優點,就是不是全片幅......到5D2,畫質相信無人會否定,但除了畫質,小弟覺得有兩個致命傷,當你和7D去比較底下,更加表露無遺,第一樣,反光板震動出乎意料的大,手持拍攝往往都要比安全快門高一級或以上的快門才能有信心拍攝清晰的影像,它回彈的一下震動真的大得驚人..第二,對焦系統,九點單十字....kid me...?同入門的450D/500D一樣的對焦系統,一部兩萬蚊嘅相機同一部$6000嘅入門機用同一組對焦系統?50D都九點全十字,我諗唔明有咩理由5D2係用九點單十字......
總括,7D操作及硬件接近完美,但畫質及noisecontrol尚有提昇空間,5D2 PQ接近完美,但操作及其硬件.....
真係好想一部過去乎合兩部機的優點,如繼續用conon,只有1DS3可以選擇,但奈何1DS3已經出左三年,1DS4就算出,價錢相信亦不是講笑,市面上唯一合乎經濟原則又不是款尾兼擁有7D+5D2優點嘅相機,似乎只有D3S,用後真的沒有令我失望,性能有增無減,唯一的就是像素不及以上兩機,以及拍片不是full hd,但對本人來講,這兩點影嚮並不大,相反,優點卻對本人拍攝時影嚮極深,如51點對焦,點與點之間並沒有空位,對好仔細嘅對焦極有幫助,如開極大光因圈拍攝時,只需要專心構圖再選定對焦點就ok,少了因對焦點不足而需要對焦後再移動相機令大光圈照片因而移焦的情況!操作的反應極佳,無論開機.關機.對焦.快門.連拍時並沒有一點遲滯的情況!快門時滯短及反光鏡震動極少,輕鬆拍到清晰銳利的相片!高iso表現更加不可思異,5D2已控制得非常好,D3S比5D2更加好,另外出奇地,NR就算設定為H最高,並沒有因NR而過份流失細節,非常可用(因canon開到最高時相片會比無開時明顯模糊),D-lighting效果明顯,尤其拍攝風景或著重細節還原時極佳
D3S是一部平衡度好高的相機,任何時候它都一定不會令你失望