優點:
- 靚, 薄, 輕, 多色揀, 色又sharp,
- 24mm 夠廣
- 4x zoom 都算唔錯了
- 有二防(對我來說) , 防水, 防跌.
- 沉過水ok, 下雨用ok .. 未試過浮潛用
- 試過1.5 米咁啱跌落腳面, 再"綫" 出地板.. 花左.. 但冇壞. 當然啦.. 都唔係直落地板.
- 一拍全景幾有趣
- 對於唔識影想既人來說.. 影夜景的確係幾強
- 自動場景mode 都算係咁, 選mode 都幾準
- 就算你關了個閃燈.. 部機都識得就你推高iso 而不會手震.. 係餐廳不開閃沒問題. 但當然畫質下降..
- 開機反應幾快,, 一推開個蓋0.5-1 秒就影得... 因為潛望鏡關係...
- 對焦好快... 0.2-0.7 秒左右就 "嘟嘟2聲" 表示對焦成功
缺點:
- 24-27mm 廣角變形嚇死人.. 影一班人食飯合照.. 邊/角的人變晒做"異形".. 慘過見鬼..簡直不能接受.
- 易花.. 唔小心放貼住枱面拉左一下.. 個"扲立立好靚仔"的機面立刻出現一條花痕; 我跌過落腳再"綫"落地果下 LCD DISPLAY 的外框花晒了...
- 防水呢個功能.. 設計上有點不知所謂.. 滑蓋內是索水物料.. 浸左水後一蓋都係水.. 要放一個夜晚先致乾.. 假如你唔小心跌落沙灘上.. 濕左既滑蓋肯定會"痴" 左d 沙.. 如果你唔清理乾淨而開關滑蓋.. 肯定會"括"花機面.. 又唔知會唔會影響防水工能..
- 個touch screen 不太靈敏. 小小頓.. 但可以接受.
- 日頭影想色淡, 晚上好d.
- 閃光輸出好唔準.. 通常都係太光.
- 自動場景mode選mode係幾準, 但個每個mode 本身設計就不太好用. 因為佢要就唔識影想既人.. 所以佢有點不顧一切務求要你影到塊面夠光..
例如日頭影背光人像, 佢會就你塊面.. 調高曝光... 令到背影太白.. 背後的風景都失去了..
影維港人像都係咁.. if 你唔開閃.. 塊面正常.. 背景太光.... (但冇手震.. 好嘢).. if 你開閃.. 塊面爆光.. 背景又偏暗..
- 電量.. 差.. 又冇副廠... 局比 $180 加左一粒原廠.
評價:
我用過 Canon Ixus 860, 遺留左係飛機.. 之後買左部fuji FD100(if 冇記錯).
當年用 IXUS 860 真係冇乍形... LCD MON 靚.. 相又靚... 操作好好..
之後用 FUJI .. 因為人地話夜景王所以買.. 用左一陣.. 相片都ok (但覺得不及IXUS860)....而且操作其差.. 好慢.. MENU 調較好唔 USER FRIENDLY... 無耐比左妹妹開工用...
其間我一直有用DSLR D80.. 所以有冇DC仔都冇所謂..
到最近.. 我想買番一部DC仔比女友.. 係一般日子放係手袋隨時攞出來用.. 而且去旅行比佢SNAP SHOT..
因為我地成日玩水上活動.. 又想要部輕身d 既機仔.. 上網見到d人評語話呢部機唔錯..又借過朋友的TX5 試過下.. 覺得可以接受到d quality .. 於是就買來玩..
用左一個月.. 係有點失望.. 尤其是女友..
畫質 - 係日頭影佢d pq差過我女友3年前買的panasonic FX7(?).
係晚上影又輸比canon s90 (借過朋友的玩過) .. (大家價錢差不多).
我咁比較係唔啱.. 大家定位不同.
所以我總結係:
1) 追求畫質者 - foul
2) 追求真正三防者 - foul
3) 追求夜景者 - foul
請大家明白.. 我買此機的目的是
要一部好輕,好靚仔,影相交到中規中矩質素, 食飯唔怕打捨杯水滴到菜汁.. 出街唔怕落雨,久唔久去沙灘水上樂園"鄧" 下腳既 dc 仔..
佢係我生活的一部份.. 而唔係我攝影的"架餐".
雖然佢比我想像中差了一點(也比別人所說的review 差了一點)..
但我還是好鐘意佢.. 因為夠靚仔又唔怕雨水 又落得水.. 世上只些一家!
咁你明白你為乜要揀佢未 ?