ISO1600都ok既，ISO1600 + 大光圈 = 夜間手持模式。

機細，接上一d長焦距或較大光圈既鏡頭，就會頭重尾輕，握手唔o岩我手型(我隻手大)，所以拎機時大多都係托住支鏡

玩開手動鏡，好多鏡頭加接環都用得番。

可以用來呃人,話用可以換鏡頭拍VIDEO,收客人天價,奇實影兩影,亮下相,跟著用番正常機影.

今日其實晤係講nex5,而是想講NEX VG10,因為我在1-9-2010已經買左呢部機,但在發表心得見晤到呢部VIDEO,所以才在NEX-5這裡發表,再講呢部NEX VG10,真係垃圾機,認該快D死,晤好獻世,手帶設計奇差,位置太低太後,頭重尾輕,拿不穩,要用兩隻手機,對焦奇慢,要半秒,又不準確,同埋對焦不一定對中間,佢鍾意對邊度就邊度,晤係你話事,有好多時迷焦要按(PHOTO制來對焦,對就一定由蒙去到清,如果在錄影中迷焦就仆街,NEX-5好過佢,在VIDEO來說,20倍變焦十分平常,佢用相機鏡頭,得11倍,仲有,VIDEO鏡頭1.4-1.7光圈十分平常,就算2.8光圈其實晤夠用,佢最大都是3.5光圈,你話邊有相機鏡頭可以做到20倍變焦又有恆定2.8光圈,室內直情黑麻麻,要推高GAIN,我地影VIDEO最怕就是推高GAIN,起晒沙,好似HOME VIDEO,一D都晤似專業攝影,呢D係先天性問題,其實用相機鏡頭影VIDEO,係晤得的,用來影幾個室外淺景深做特別效果就幾好(要用24MM 1.4光圈效果最好,50MM 1.4都晤得,因為50MM變了75MM要行遠D影會手震,如果用來做主力影VIDEO,包你交晤到貨,如果加燈在手柄,就晤可以手持,個MON得180度,不能番去前面,ZOOM遠ZOMM近,相機鏡頭太硬,一ZOOM成部機會轉,咪太近鏡頭,ZOOM的時候會錄到(行行聲),影相時滯好誇張,有成半秒,仲有又影VIDEO轉影相或影相轉VIDEO,要用MODE制轉換,認真白癡,就算NEX-5都可以影相時立刻按REC制來錄影,

其實SONY十分霸道,見人地3/4成功,就出NEX來打人,一D創意都無,呢D晤係消費者的福氣,如果其它廠一有新野出來,就比SONY出更強的機,邊會有人出新野,用來用去都後呢D,NEX-5賣到差不多,又改少少就出機,

冇買, 冇意見!

冇買, 冇意見!

估唔到一部相機, 評價可以上下相差咁大.
有人俾一分? 難以置信! 睇過朋友d相, 都唔係咁差.
有人俾滿分? 更加難以置信! 有人甚至踩其他牌子黎贊NEX5:
“GF1可以掉得”<====GF1減左價都要賣六千幾!
“PEN系列可以全線摺埋”<====你PQ好過人先講啦!
“NEX5地上最強…….有單反咁好”<====係當Leica死ka? 真係咁的話NEX5起碼應該賣兩萬蚊. 賣到咁平點對得住班股東?

S記素以全方位宣傳攻勢而聞名天下, 估唔到現在連網上都有人做野, 真不愧為大財團!

勸告各位在這裡找資料的人, “有彈冇贊”的無需理會; “有贊冇彈”嗰d更加要小心!!!!!!

相質: APS-C size, iso6400仍然是可用範圍, 真正單反級數畫質的細機版, 真正做得番單反機的景深和雜訊處理, 夜間拍攝能力
手感: 機身+兩支鏡身都係全鋁質, 唔似一般低階的膠質機咁玩具feel, 加上那個grip位恰到好處, 影相時可以好好渣手, 拇指抓住grip位又能輕鬆自拍
功能: 全高清拍片, 3D一掃全景, 合六一夜間手持防震, 反mon, raw+jpg
LCD: 3吋92萬像不反光LCD, 強光下仍然非常清晰, 絕對唔需要再花錢買EVF
操控: 比較似DC, 好易上手, 一般常用的光圈, 快門, EV, 閃燈都唔使入menu, 可惜wb, 對焦模式果d不常用既就要入menu
兼容性: 鏡後距為全evil機中最短, 即係可以兼容最多的舊鏡或其他廠的鏡, 市面上已有大量副廠轉接環轉接其他鏡, 加上APS-C size crop factor只係1.5
價錢: 性價比好高, 5k單鏡, 6k兩鏡, 加多900蚊有埋支魚眼, 其他evil機本身已經貴, 仲要mon唔靚又要迫住入個EVF, 到入第二支鏡時已經要諗諗值唔值了

電量: 一粒電好唔夠, 主要係個靚MON太食電, 請準備兩至三粒
摩打: 無機身摩打, 好彩支kit鏡有鏡身摩打, 唔驚手震
鏡頭: 只係出左兩個月, 暫時只得兩支kit鏡, 9月會有18-200天涯鏡
拍攝秘訣: 隨機附帶拍攝秘訣, 不過對我冇乜用, 可能DC升級用家用得著
轉接環: 使用轉接環用alpha鏡暫時沒有自動對焦, 但sony工程人員正努力解決問題, 預計將來可從firmware更新自動對焦

簡單黎講:
如果你本身係DC用家, 諗住升級, 呢部NEX可以話係地上最強
如果你本身係單反用家, 想搵部隨身機/副機, 或者玩下舊鏡, 呢部NEX係選擇之一, 強烈推薦
如果你本身係專業攝影師, 對每一張相都好高要求, 由光圈, 快門, 對焦到ISO, WB, 對比都唔相信自動, 每次影相都要搞過晒先按快門鍵, 返到屋企要張張相都放大100%睇, NEX唔o岩你, 千期唔好買

以現時既科技, 我相信DC用家對DC仔日間拍攝都無乜投訴, 但一到夜晚/室內, d手震, noise, 對焦問題出晒黎, 原因不外乎唔夠光, 導致要慢快門吸光, 又因為sensor細, 千萬像素迫晒在一粒細sensor上, noise就出晒黎, NEX完美地解決夜晚拍攝問題, 對焦快唔再講, iso6400都係可用範圍, 自然快門可以快好多級, 又因為sensor有真正aps-c單反size, 夜晚拍攝有單反能力, 加上本身有夜晚手持拍攝功能, 連續拍6張相再合而為一滅取手震, 另外, 憑藉其大sensor可以做到aps-c單反所做到既人像前清後朦效果, 比起dc最多只係搵d小品拍下前清後朦差好遠

全身都係鋁金屬, 質感好好, 就連兩支平價KIT鏡都係鋁金屬, 唔似一般D膠機咁玩具感, 仲有個grip位, 單反用家可以另返單反手感, DC用家有個grip位自拍時可以虎爪抓緊部機, NEX5賣貴NEX3係有d道理

個LCD mon勁靚, 傳統攝影師會覺得用LCD睇解像力差, 強光下乜都睇唔到, 但NEX冇呢個問題, 而且個LCD仲可以反mon, 諗下女仔想影D花草, 貓狗, 烏底身影, 唔方便架嘛, 嗲D媽咪影BB, 唔想成日上面影落黎影到個地板, 有個反mon可以從BB既水平視線角度影靚好多

好多人彈部機操控差, 成日要入menu, 但我覺得大家要明白呢部機既定位, 佢目標顧客係DC升級用家或DSLR用家加添隨身機, 一般DC用家對攝影知識未必咁高, 好多都係諗住去旅行, 平時周圍影相, 唔想成日都成身器材但又希望用auto就可以出靚相, 更加唔好講d專業攝影技術, 部機iAuto對焦快, wb幾準, 相出黎既相有單反質數, 仲有拍攝秘訣俾初學者, 絕對滿足呢班人的要求. 至於DSLR用家買隨身機, 為既都係平時出街, 唔想幾kg咁帶, 希望搵部隨身, 拎起手就拍, 把迅間景物變成永恆, 這種情況應該相信部機, 用p mode專心構圖, 務求最短時間按下快門鍵, 如果在snap環境下仍然覺得光圈, 快門, iso, wb要樣樣set才按快門鍵的話, 可能7d, D3s也不夠快....

重點是, NEX樣樣都可以搞, 只係不常用的setting要入menu, 光圈, 快門等等常用的都有快捷鍵, snap時仍然可以搞常用既setting

方便好玩
可以用全部鏡

電量不足
接環無自動對焦

非常好用，千六iso無問題
輕，用過轉接口，好好用，用十四倍再七倍，對焦好用
最好快出一些大光圈，景深先精彩

APSC size感光元件: 畫質不下(其實好過)其他纖體body 如EP1,2, EPL-1, GF,G系;
Body 質感: 鋁質超舒; super 纖體呀!!! 握手位正!!
操控: 乜都入Menu 揾，但個d shortcut keys 又確唔曳;
Flash: 外置但至少冇額外科水,又Kwaii;
Zoom Kit Lens: 仲有冇正D, 又鋁質, 又防振，唔用愛黎供奉都好
MF Asist: 用老鏡X7 或 X14 比用開Pentax 有合焦提示一樣方便
$: Value for money la! 5K 幾，抵！
其他…………

機同人一樣缺点梗有，我覺得佢:
科技始終未刻服到光學限制，加上老鏡adaptor 時(我用 M42 > Nex 及Canon FD> Nex)，果舊adpator 大到…
條機帶(neck strap) cheap 到冇朋友 (好彩有條陳年Minolta!!)
Zoom Kit 仲cheap 到冇body cap 同 Lens cap，值乜錢吖!

V V good

- 平
- 比 DSLR 輕
- Full HD

- 拍片出 mp4 只得 4:3 冇 16:9
- 食電
- 機身好快熱
- AWB 唔係咁準

買了18-55Kit 同左幾日, 都非常滿意.
- iAuto 同 DeFocus 易用, 太太都識用
- ISO 1600 完全冇問題
- 一掃全境好用
- 微笑快門影BB好好用
- 好多人唔鍾意個操控, 但係我覺得ok 喎, 主要睇下你當佢係乜 la. 我只係當佢係介乎 DC 同 prosumer 之間的一件產品.


呢部係第三部 DC, 之前用 Fujifilm FinePix 4700z & S9500.

自問只係影生活照, 又不會參加比賽同出影展. 所以唔會追求頂尖的畫質. 而且一直對於 DSLR 有抗拒, 因為重 同埋買鏡好貴. prosumer 機對我已都相當夠用. 咁o岩 BB 出世 同埋 S9500 壞左個轉盤, 所以考慮買部新的.

心目中的要求會係:
- 大sensor
比一般DC 好D
- 高ISO
因為影BB 唔可以用閃光燈, 同埋多數影室內
- 連拍快
BB 唔會企定比你影, 同埋大D 機會影到 precious moment
- 平
冇人唔想平 XD
- size 細/輕
部S9500 我有時都覺的大左D.
- 易用
成家人都識用, 唔會只得我做攝影師.
D 機太多掣會嚇怕太太同父母唔敢用
- 最好冇(無)得換鏡
唔洗心思思買鏡


呢部NEX5 除了最後一項之外, 其他都合乎我的要求.

對焦快,狠,準,黑暗環境對焦無問題
直係平到呢~~~~6280,機加多2支鏡
支16mm f2.8加個野可玩魚眼
3d一掃全影(依個一定要玩,好得)
加接環好多鏡玩,玩手動老爺鏡,平靚正
個1080全高清拍片有自動追焦,依樣好過canon
其它好多師兄講晒唔講咁多一樣ga野
iso去到1600都無問題~~~勁!!!

無野送,card又無,袋又無,唉
部機太細,(原本係佢優點)但我覺得係缺點
閃燈唔夠力,無得加外閃,只可以飛燈
操作好煩呀!轉mode要成日入menu,好唔方便

本身係7d用家,因有時去好多party,地方問題,理得你部機同d鏡幾勁,都不夠人地一部dc仔方便,但玩開dslr人仕又會覺dc仔成像唔山色,邊唔夠利,直到有gf1,epl-1,nex3/5等出現,我發覺可以買多部方便一下自已,因我將全套7d包晒所有鏡連外閃腳架有時去飲杯野好多人都會話你係唔係傻嫁,出來飲下野relax下都要好似做地盤佬咁,所以我依3個月都睇左好多細機做左d分析,epl-1同gf1係同系4/3機,所以真係唔可以同dslr比較,因個感光元件大小都唔一樣,4/3機個感光比較細,所以無論你支鏡光圈有幾大淺景深個效果唔算太理想,同埋光學原理小,所以epl-1同gf-1都唔係我杯茶,但epl-1個控制同個場景mode真係抵讚,到nex3/5,我上左去sony到試,本身到唔係抱太大希望依部機會有乜好成像,一試之下不得了,樓下好多人話佢D景深唔得,係因為佢D鏡配合唔到,因我試過加nikno接環用係依部機到,D景深波波圈咁出,仲可以去鴨記買另外一D接環,玩埋D老爺鏡,真係好得,仲有當依部機用上魚眼鏡或wide鏡咁用,唔只有效果有質數,仲同你錢包節省好多錢,正宗...canon有窮人3寶,依部機就係第4寶,依部機適合3類人,第一係女仔用家,第2係dc升級用家,第三就係有dslr但無魚眼鏡同wide鏡用家.....除操作有D唔慣外...一定要入返部

low noise under dim light
easy and comfortable hand grip
3D panorama is fun to use
HD movie
use thumb to blow up pics for manual focus very useful
can use many adapter mount, I've used the M42 to NEX, very good results

battery power cannot last long, 3 - 4 hrs max ( must have to charge up battery every night in hotel during touring trip)
camera body temperature gets high after long hours of use in sunny day
no anti shake
jog dial to select menu and other functions less user friendly

a handy camera for trips
panorama function is fun and quite accurate
nice shutter sound

- 輕
- 細
- 畫質算好 (細機而言)
- 方便
- 影Video有AF
- 價錢OK

- Alpha Adapter no AF
- 鏡群細 (小了些買玩具的機會)
- 可以用笨來型容的操控, 太DC化. 但對用開DC or Second相機 (去旅行帶兩部DSLR有D重)

操控上有D似DC仔, 所以操控上比較麻煩, 但作為DC代用品 or SNAP SHOT機仔問題不大. 畫質方面以5-6千蚊機仔可以算是合格. 日光下一定無問題. 但不要和5D等大機相比. 如果放大個人比較起歡A350 D相, 但由於未買Adapter (因為冇AF) 所以不能用同一鏡頭對比. 但用朋友的A550 + 小菜頭的成像好像差不多(可能A350是用定焦). 但我依然覺得係鏡頭問題多D. 總結 - NEX5 不失為一部好機. 但如果Adapter有AF一定能重新燃起對買SONY鏡頭的慾望.