1800萬像素高，相片效果質量不俗，一按拍片功能方便易用。
外型仍有專業機水準，扭mon方便圍影時作高抄。
機身雖輕，手感好，不冼手。

LIVEVIEW對焦慢，時間長往往會有走焦出現。
價格尚有下調空間，不及同門600d性價比。

買60D作升級之用，第一感覺是輕，且手柄位有軟膠手感好同舒適，第二是一按拍片的功能十分方便，有目標出現很快地攝取; 最後是Liveview功能進步，不用記下繁複步驟。

部機有1080p movie ( 不過多數用720p/60fps )，有反芒（resolution亦好高），輕巧，支援ef-s，可飛燈

1) 慢，5.3fps唔夠快
2) 廢，9點af之間距離太大
3) 膠，真係好x膠
4) 細，機頂mon又細info又唔齊，不知所
謂，低能！
5) 傻，模式轉盤個拍片mode距離p, tv, av, m成光年咁遠，轉過去要五十年

早知比多小小上7D，近陣賣左支18-135做1785usm，好好多，再買埋10-22, 50.8, ssw, di866 mk ii，想入7D，不過已冇money xd，不過其實如果有50D比我揀，我都會放左60D揀50D，淨低D money買多個飛燈器xd，邊個ching有興趣同我換請pm xd我部機好新淨架xd

1‧反mon設計超好,雖然小用反mon,
但放袋時張個mon反向機身又可以防止撞到個mon
2‧八方向鍵好用
3‧性價比好高,雖然性價不及600d高
4‧手感極佳,完全fit曬我手型
5‧mon色比起其他機為好
6‧有創意濾鏡
7‧1800萬素(對俾n記同級機為高)
8‧轉盤有粒制鎖實(我好小轉mode,所以我覺得係優點)
9‧雙轉輪
10‧D制習中響右邊(我中意咁,因為我用左手禁野好唔慣-_-)
11‧機身流線型設計令仔

1‧唔係鋁金屬機身,而係聚碳酸醋樹脂物料...
2‧聚碳酸醋樹脂物料較易花...
3‧只有防滴防塵
4‧轉盤多左d咩風景,人像,(有小小多餘...)
但我好小會用m mode以外既mode....所以不大影響
5‧到左今時今日仲係得九點對焦.....
6‧好多野習中曬響個【Q】制度,有d唔方便...

我本來諗住買600d,因為自己仲係一個新手+中學生,
但因為手感同雙轉輪而選擇番60D
我覺得重量適中,我加埋直倒都唔覺重
用落就覺得自己冇買錯,
又有得響部機入面轉檔,
有d師兄話1年多d就出部新,要追body
但我又好唔同意,
第時出部70d,其實諗下,係咪下下都要追部新既先,
功能上又唔係有咩滿足唔到。
60d既聚碳酸醋樹脂物料,指甲hi一hi都有條白痕,
不過抹得甩 =]
整體上我覺得呢部機有超過90分

輕,電耐用,就手方便,有扭MON
ISO 實力強勁
手感好

扭來扭去好麻煩,應該加個拍片制

去旅行你就會發現佢可愛之處
出門之外充滿電,另加一粒1800電
日日狂爆RAW+L
影左2,3千張相,回香港時仍仲有約30%電
實在太不可思義
電池長氣,輕巧實力強橫,用佢來旅行實在首選

係台灣影天燈一流
ISO 唔使推好高就已經追到景同焦,對焦極快

1) DIGI4帶來高清攝錄，為單一的攝影興趣擴展到另一個媒體

2) 高ISO表現合理，性價比高

3) iFCL 63 區測光準確，無需因主體顏色變化作比太多+-EV值，拍攝時考慮時間更少更直接，但需要時間適應

4) 輕量化的聚碳酸醋樹脂物料設計令拍攝過程更輕鬆

5) 雖然同樣是9點十字型對焦，但暗位對焦明顯比40D快

6) DIGI4加上支援快片，長時門曝光寫入及降噪時間短 (40D差不多要用快門時間的一倍，60D長曝25秒寫入加上降噪只要5秒左右)

7) 內置無線閃燈功能方便，出街攞少對飛燈器

8) 反MON設計街拍方便，不用舉機向人，驚動對方

1) 多餘的功能比較多，創意濾鏡又不能用LIVE VIEW實時預見效果 (D7000可以做到，給比下去)

2) 轉盤上的高清短片模式排在最後，由一般拍攝 (AV, TV, P, M MODE)要轉到MOVIE MODE中間夾雜著一堆無用功能模式(甚麼人像/運動/夜景...等)，切換費時。如果可以的話麻煩CANON在XXD及以上系列都除去所有簡易模式

3) 高清短片的自動對焦慢，有點失望，不過單反拍片可以手動對焦補救

4) 機身的聚碳酸醋樹脂物料比較易花，不過金屬機身都會花

5) 閃燈下啡色色溫偏紅，要手動白平衡修正

6) 比40/50D去除了PC端子，不過用的機會不多，影響不大

攝影年齡3年，終於由40D轉用60D，比較上XXD系現在的確入門級化了。但輕量化的設計，多樣化的功能，卻令我重新評估自己的攝影方向。輕量化設計令拍攝過程更輕鬆，新加的功能例如機內RAW轉換的確會在某些情況下帶來方便。

但最令人不理解的是60D何以與600D的定位距離如此接近？功能上已經有接近80%相同 (高清短片、無線閃燈等)，分別基本上只剩下機身的操作、按鈕位置等，甚至價值錢也只相差千元，令人不禁在選擇兩機之間有疑惑。由於價錢關係，我不認為上7D是一個化算的選擇，所以最後還是選擇XXD系。

可轉mon
電量好耐用 (Over 1000張絕冇問題)
十字型自動對焦系統,對焦 快,準
Q制, 雙滑輪Control.方便
自動白平衡, 準
快門聲好聽(但有很多較喜歡N記的機械快門聲)
手感好，結實又不重 ,機身輕得來平衡感好好
創意濾鏡,特效及風格設定好玩又好用
支援兩組無線離閃
可拍Raw file 在相機執相

lv對焦慢
只有九點對焦
無自動對焦微調功能
不全面防滴防塵

很多人話這部60D是怪胎,又不是中階又不是入門. 但我認為這機正好是我的需要. 因為作為我們這些入門了一段時間而技術又未到半專業級的人,好希望想將自己部入門機升呢但又因Burget問題而打消念頭. 須知道現在其他中階機(Canon 7D, Nikon D7000, D300S 等)淨Body都要過萬...60D相比7D差$3000大元可幫補入支小小白Non IS...而60D這性價可以話抵用(7D有的優點而60D冇確實唔多,而個人認為唔需要多花$3000去買自己不需要的優點:金屬機身,全防塵防水,8fp/s,19點對焦)另外扭mon...需要用的時候(高舉相機過頭高抄or超低抄)真是十分好用,其他中階機真要考慮這優點.
我認為購買中階機主要考慮性價,功能是否滿足自己需要,Key setting + 手感,快門聲....每部中階機都有自己的定位,最好在買機前考慮這定位上可否滿足自己.不應盲目將每部機之規格數據來比拼
無後悔過購入這機,反而提升了對攝影的樂趣,現在常常去考慮改善自己的技巧....這正是我要升呢的原因.

1. 「平」：60D的性價比十分高，同級的無論是N記（D7000）、O記（E-5）或P記（K-5），部部都過萬，畫質亦與7D媲美，難分高下。結果我就把省下來的錢添了一支Sigma 20mm 1.8/f。

2.「靚」：
a. 相片畫質有保證：1800萬素+63區雙層測光+高光色調優先+自動亮度優化+周邊亮度較正+電子水平儀+ live view對焦（精確對焦時用）+後製RAW影像處理+良好的高ISO表現（連同最高ISO設定及消除雜訊功能）及自動白平衡表現
b. 激發攝影創意：不同相片長寬比+四款濾鏡+無線飛燈+扭mon+正負5級曝光補償+相片風格+創意區域（根據氣氛效果來拍攝）+5.3張連拍
c.上述性能，其他相機或多或少都有，但能全部集於一身者，在Canon相機系列中，唯60D而己！
d.實際上，60D的畫質很討人歡喜，這是本人衷心讚賞的。

3. 「正」：
a.機身輕！重量剛剛好，很舒適，亦可單手操作。本人很在意這一點，因為以前用過菲林機Eos 3連直倒，不用一天己手軟！可謂好看不好用，所以對60D的輕盈機身，卻又不失手感，實在喜出望外！
b.扭mon靚。它比7D的好看，亦比家中的電腦mon好看。
c.操作容易上手。每一夥按紐只對應一個項目，曾覺得有點可惜，但當配合簡化了的顯示屏的時侯，操作時極感清晣，很快就體會到簡單便捷的好處，用過後就改觀了。
d.敏捷及準確的對焦系統。除了9點十字型對焦外，還有能對應2.8大光圈的中央雙十字對焦及沿自7D的AI SERVO II自動對焦演算法，所以雖然對焦點沒有有在數量上「進步」，但敏捷程度及準確性應只遜於7D而略優於50D。
e.高清拍片的畫質及收音都很好，令人滿意！（無論太太、朋友及同事都話靚）
f.最後就是「後製RAW影像處理」。因工作上己經常對着電腦，所以我不太想用電腦執相，這功能方便我在旅途回程時執幾張相玩玩，確實省時、簡單，也更添60D的趣味。
g.電池續航力真的強勁，傳聞非虛！

簡化按紐雖有好處，但亦令60D的操控性打折扣，不够直接，尤其是拍短片，扭來扭去。惟有善用、盡用及牢記相機的個人設定：
C：設定影快相
set：「相片風格」
Info：「電子水平儀」
Q：停留在「自動亮度優化」的位置上
Menu中「我的選單設定」設定為首頁：選擇常用功能順序為「高光色調優先」、「白平衡」、「長寬比」、「曝光補償/AEB」、「ISO自動」、「畫質」

1.10多年前，曾玩過菲林機，但後來工作不穩定，於是就沒有鑽研了，近年只用DC仔影一些家庭照自娛。今年工作終於穩定下來，不用做合約工，所以決定買部單反來獎勵自己。除了60D外，其實我最喜歡7D，不但儲了錢，還「刨」了四本講7D的專書（因想一步到位，以後不用多想），哪知在尖沙咀的showroom，用了個多小時試機後，最終改變初衷！（當時仿如儍仔般在60D及7D兩張枱來回奔走多次，幸好是閒日二時左右，很少人）我發覺我更喜歡60D的手感-----輕身、易用、高質、有趣！加上自覺主要影的是家庭、風景及小品照等，對打雀、賽車、跑馬、微距的花花及蟲蟲均無興趣，忽然明白買7D不過想滿足自己的虛榮心而己！當想到買相機所為何事的時侯，就毅然放棄7D了！

個人認為今天香港己不如過往般好景，掙的都是辛苦錢，所以應做一個理智的消費者，無論50D、60D抑或7D，其實都是好機，適合不同追求的人，各取所需。是次經驗令我明白買機前除了參考網上輿論外，最要緊的是弄清楚自己的拍攝需要並一定要到showroom走一趟，詳細測試，真實的手感及操作體驗絕對有助大家作明智的選擇！

2. 有人用「怪胎」來形容60D，作為用家，我也認同60D的光芒遠遠不及7D的，但平心而論，60D可說是目前繼承了最多7D功能的一部相機（而其中部份性能或許比7D還優秀，如AWB及高ISO表現），而且亦加了一些新功能（如「濾鏡」和扭mon，若能善用而非濫用，的確有助發揮創意！），所欠缺者惟機身不夠中階或「pro」而己（因扭mon、膠機身等）。所以，若講求相機性能（如連拍、追焦、100%觀影器、調焦功能等）或更專業要求的話60D才不能滿足要求，但若覺得專業機身不是首選需要，反而求講求畫質與便捷的操控性的話，作為「民用機」，60D其實是相當稱職的！如果有影友是入門用家的話，用60D更加不會後悔！
（正因為受網上批評的聲音所影響，我還以為60D會很易買，那知我在6月中買機，才發覺60D買斷市！很多鋪頭都說7月初才有貨，而7D及600D就不缺，幸好最後都買到，不過己是該鋪頭的最後一部了）

3. 最後我會用「實而不華」4字來形容60D。純論畫質，它真的不會比市面上任何一部中階機甚至高階機差！而且整部機各方面的表現都十分平均、可靠。值得推薦！

new model , not too heavy, colour sheap lcd, 1.8m , so good enought for me la, 3 years no need to change DSRL, shuter sound good , like a gum

no now , but still finding

100% fight down my 500d, cos i got it then i sel 500d at next day, af so fast anf big vf, easy to focus, good blance for me not too heavy, no need add bg, but 500d need,
even use my old mf lens still focus so fast..........just ,,,,,,,,,,,,,,song.......song......ar.............

比較我上一部機50D
1. 有反芒, 可以CUP埋個芒, 好PROTECTION
2. 有拍片
3. 選LIVE VIEW個制好方便
4. ISO 控制得好好, 甚至比7D更好, 50D, 7D 既可接受ISO係1250, 60D可接受ISO去到3200, GOOD ~~~
5. 有飛燈, 唔使買ST-E2
6. 有電子水平儀, 可以响LIVE VIEW對水平, 影建築物夜景唔使對到眼都突
7. AWB 比50D 準好多

1. 得九點對焦, 不思進取
2. LIVE VIEW 對焦慢到無倫
3. 無左個JOYSTICK控制桿(相比50D), 好唔方便
4. FUNCTION轉盤多左個保險鎖, 正宗多舊魚之作
5. 膠機身
6. 場景選擇嗰啲運動呀, 人像呀, 夜景呀, 可以SKIP得, 基本上唔用架嘞, 唔好再浪費轉盤位置啦
7. 如果我由TV / AV / M MODE 轉去拍片就慘囉, 要逆時針轉成個圈先去到拍片MODE, 仲要禁係個保險制先轉到, 好麻煩, 點解唔好似7D咁一拍制就轉到呢??

早前因為我想同老婆旅行有得拍片, 啱啱放左50d, 問朋友借過7d, 60d黎上手試過, 最後我都係買左60d

7D, 60D二選一, 我考慮呢幾個因素

7d有19點雙十字焦, 機身又有制即時選擇對焦點, 區域對焦點, 或 點對焦/ 區域對焦, 又有制拍去拍片/ 影相MODE
而且7d對焦比60d對焦快少少, 不過影雀先會發覺到兩者間既距離, 而且我用70-300 L 肥白, 呢支鏡本身反應快, 用60D影雀都OK

除左對焦比60D快準狠外(其實唔相差太遠), 講真, 有好多FUNCTION 7D有, 60D都有, 有啲情況60D表現仲好過7D添

我鐘意影建築物, 影夜景時可以落腳架開LIVE VIEW對構圖, 7D有格線, 60D都有格線, 7D有電子水平儀, 60D都有電子水平儀

有時晚上影老婆, 7D可以內置FLY燈補光, 60D都得,兩部機都唔使買ST-E2

ISO表現, 60D比7D好(我個人覺得), 之前用50D, 可接受ISO係1250, 7D可接受ISO都係1250, 但60D可接受ISO可以去到3200.

AWB方面, 60D比 50D, 7D, 5D MK II都準少少(我個人覺得), 上星期响M記影白色枱上既一支汽水, 餐廳燈光係白光, 結果50D, 7D, 5D MK II用同一支鏡同一個位置去影, 出黎既效果都偏黃(LENS: 15-85. 1/80 S, F.5.6, AWB, ISO 3200), 而60D影出黎既顏色就最近似肉眼所見

加上7D比60D貴成5000蚊, 所以最後我都揀左60D

1. 18 MP，什麼場合都實用
2. 快門聲很清脆，好聽
3. 有方向盤又有轉盤，控制方便
4. 反MON實用，刁鑽拍攝無難度(有人說反MON太像入門機，見人見智啦)
5. ISO 去到 1600 都控制雜訊很好
6. RAW Processing 功能讓我很快就能出好的JPG File，對用LINUX電腦的我是一大方便 (開RAW起碼用半分鐘)
7. 連拍速度快 5.3張，續航能力好
8. LCD Mon 真的好漂亮，1.04百萬點就是不同，顏色跟印出來的差不大
9. 電池很強，好像影極都用不完(我有一次拍了>160 張都只是用了<10%電)
10. 對焦準快(可能是我以前用 Powershot 的關係吧)
11. 測光挺準 (我以前使用400D的時候會偏暗)
12. 手感舒服 (這點對我來說很重要)
13. 轉盤鎖，不怕不小心轉了不同模式，浪費機會
14. 就算是好可能WB測得不準的鎢絲燈場面，AUTO WB 都OK準，值得一讚

1. 方向制如果可以調整，用來調較 Picture Style等就好咯，不用浪費
2. 挺有「膠」感 (不過比1100D 的好多咯)
3. Live View 如果不用 Quick Focus 就很慢，起碼要用5秒對焦
4. 價錢便宜一點就好，Kit Lens Set價最好$10000左右 (600D的水平跟它差不遠)
5. 重，+Lens 就過一公斤，一大負荷(沒法，我沒有其他機，也可能我先前使用Powershot 的原因)
6. 高了點，閃光燈彈起的時候會震了震
7. 不防水(防水但下雨不建議使用 = 沒防水)，50D都防水啦，降了格
8. Art Filter 效果如果可以微調(五個Level)就好
9. Art Filter 最好能在Liveview 那裡觀看效果
10. 加個joystick 來觀看照片就一流啦...

我以前用Powershot A710四年，對它已經很不滿啦。剛好我跌爛了這部機，我才把心一橫買D-SLR。
本來想買C記 600D，但60D大減價，加多千多塊就能減個零，明知60D是有點不上不下的怪胎，但本著一分錢一分貨的心態，決定買了。
起初很後悔，以為買貴了，但是用了幾天，就覺得我沒有做錯決定。
手感好極，照片很好，Sharp 清，Kit lens 對焦又快(我不滿意 18-55 那支慢，加上我覺得那鏡頭有點玩具鏡)，家人都喜歡用，又方便。
如果我能在選一次，我都會選60D。