Olympus XZ-1

評測報告

實拍照片

影人色水好好, 細緻度應該係細機中最高0既一部, 非LX5, S95等可以作比較, 相機影相靚係最重要一環, 其他野算啦

質地似玩具, AF慢, SAVE相慢

大機自己用開CANON 5DMK2, 鏡就只用2.8L鏡, 奈何超重, 唔係成日帶得出街; 細機用開LX5, 不過真係好唔滿意, 相片好灰, 影人死得, 但係細機黎講已經係最好0個部; 其實幾本部部細機都會買黎試下, 呢部機有好多缺點, 但唯一一個最大優點係D 相拍得住MIRRORLESS D 機, 色水幾好, 所以即時賤賣部LX5, 細機黎講應該暫時係最好0個部

機身再靚,個芒更高像,光圈再大,出D咁嘅相,算唔算係優點？

晚上或室內都像水彩畫,快門時滯超慢,張張要等,影動物或小朋友會覺更慢更慢,無AE/AF Lock,高ISO表現差, 防震能力低,冇充電器要插機,自動白平衝唔準,自動對焦慢追焦慢。

買咗唔夠一日即棄,一路减價到有人要,最終無咗幾舊水才甩難。開始就係俾個大光圈呃到,以為點都有D表現,點知影室內乜光圈iso連腳架出埋都係一張油畫相,一舊雲咁,真係用唔用燈都死實,真係要等好天帶太陽鏡至可出外影嘅一部好機,仲有唔好用來拍片,畫質係30年前電視劇,剛出測試報告都有講,不停自動來回變焦,頭暈,以後唔會再亂試Olympus。

都係哥D

都係哥D

1.LCD解像度高 , 但有很多問題 , 偏紅, 顯示暗位時雜訊好大 , 會有好多紅綠斑點 , 最慘係無法調整 , 不過還好, 當把照片在電腦檢視時 , 就發現照片本身無問題 , 係LCD有問題.

2.白天拍的照片很不錯 , 但晚上或室內就差 , 就算把ISO定在100 都有水彩畫現象.

3.最值得讚的地方係動態範圍吾錯 , 光位吾會像其他DC仔容易反白.

1. 光圈大
2. 有內置濾鏡
3. 超微距, 效果很好

1. 快門時滯超慢
2. 想用內置閃光燈時, 次次都要手動推出
3. 鏡頸蓋超易甩出來.
4. LCD方面, 白天下, 光度推至最高, 都比較暗, 要走去暗位先看清.

我本身有部 40D + 天涯鏡, 以前主要拿來行山同狗仔及家人行山, 但加起都快 4 磅重, 帶埋其他物品, 想死.

為方便, 後來分別買了其他 DC 仔代用, 對上一部係 SX200, 但得 F3.4-5.3, 在家中推到 iso1600 , 已 1/15s-1/6s, 都要好手定, 同埋我家狗地定定, 先可以影到一兩張較清的, 而且快門時滯慢, 唔可以比得上單反. 見XZ-1 有 F1.8-2.5, 即是可以適合在室內同狗仔影啦, 於是我上星期三買後, 在家及星期六日行山一試.

我未設定任何色彩, 用 natural 及光圈先決來影, 色彩好怪, 好深, 偏紅. 在郊外, 影山及樹木, 都偏紅, 或者要自己要內調飽和度及降低紅色吧, 另外, 也要調高曝光 0.3, 先唔會太暗.

仲有, 本來是想用來影狗仔, 但快門時滯比我以前的DC 機更慢, 一按下快門制, 已經唔係你想像的畫面. 影人像及風景都OK, 如果想影小朋友及寵物, 就要諗清想.

1) 大光圈 W1.8 -T2.5
2) 6 種 Art Filter包括戲劇性色調效果、針孔相機、強化色調、柔焦、黑白粗粒子及模型效果
3) 有全景拍攝
4) 16+2 自選場景(人像, 美肌, 風景, 夜景, 夜景人物, 運動, 室內, 自拍, 夕陽, 海灘/雪地, 水中, 動物......) (全景拍攝, 多重曝光)
5) 可加外接閃光燈
6) 內置閃光燈可獨立控制 3 組閃光燈
7) 可加電子觀景器(不過太貴$2XXX)
8) 有i-Auto,智慧場景功能, 適合初學者
9) 自設模式設定
10) 可RAW記錄
11) 鏡頭有控制環(方便設定光圈或其他功能)
12)ND減光
13) 一般DC功能XZ-1都有
14) 對焦快,準,可自選單一對焦點, 或使用11點,
15) 色彩自然,用過O記一定不覺有問題.
16) 曝光準確
17) 多重曝光拍攝時, 拍完第一張後, 會顯示半透明影像,方便和第二張構圖.
18) 3 吋 61 萬點 OLED 螢幕 好靚色水,沒有光暗問題

1) 沒有AE/AF Lock
2) 沒有ISO建直接設定
3) 微距設定要按多一次
4) ISO 1600 不可用(多雜訊)
5)拍影片只有AVI模式
6)拍片,收音是單聲道
7)拍片約7分鐘
8)全景拍攝最多拍3張,也要等待5至8秒將相片連接
9)手持相機要適應一下才能習慣

等了多年,O記才出回1.8DC機,我第一時間買回家,($3690旺角),用了之後無論對焦速度,色彩,白平均,操作都十分滿意,只是ISO比起網上一些測試差少少,ISO 800已有少許雜訊.但1,8-2.5大光圈真的佷有用,1)室內可以不用閃燈加防手震(ISO400),已可以影到滿意的相片.2)暗環境連拍多張相可不用閃燈提高連拍速度.3)可比擬入門單鏡機APS-C Kit lens 3.5-5.6的景深散景.XZ-1 的鏡頭光學質素也是很不錯,不察覺有紫邊.雖然沒有24mm,但我不追求這少許4mm的分別,28mm已經足夠一般日常使用.另外一提,XZ-1有很多手動專業設定,無論甚麼環境都難不到她.閃燈也可自定閃出量,晚上如果太黑又有輔助燈幫助對焦.最另我想不到有ND(減光)功能,在日光下都可以用慢快門或大光圈,影河流可不用單鏡機+ND濾鏡.我覺得,假如你不想經常換鏡頭,ZX-1可代替入門級APS-C Kit lens相機.DC仔來說O記已經交足功課,

- 大光圈
- 1cm 超微距
- Art Filter
- 外形及質感不俗
- 菜單格式跟E-PL1/2相近似, 用開Pen系列的很易上手.
- LCD 畫質不錯

- 高ISO表現比較差, 防震能力不算很強.
- 手大的話, 比較難hold穩部機
- 鏡頭蓋和閃光燈感覺很兒戲, 很玩具feel
- 欠外置充電器
- 拍片質素一般, file size 大

可能期望太高, 對畫質有dd失望,尤其是ISO400以上, 完全唔覺得係而家呢一兩年推出的大CCD(1/1.6")應該有的表現. ISO800勉強可用, 800以上都只係理論上可用, 實際上唔會用果隻.

XZ-1 色彩係靚, 但就算用"natural" color mode 亦有點un-natural地過濃, 或者可能我用開DSLR吧.....我本身亦有E-PL1, 都有呢個問題, 我仲以為係Pen系列既特色, 原來連DC 機仔都係咁, 似乎係O記風格如此. 不過值得一讚係color mode仲可以入去微調, 只要我將saturation略減就比較OK了.

我覺此機F1.8大光圈的優勢非在於散景(DC 講散景, 算了吧..) 而是在於暗的環境下不用閃光燈拍攝, 真的頗強, 過往用過的DC, 於室內如果zoom了又不用閃燈的話, 基本上就算有防震都好難避免鬆郁朦. 但XZ-1 真的算叫做可以做到了. (另一部有此能耐的是Canon S95, 因為她的防震的確比較強)

部機質感唔錯, 但渣上手感覺唔係好穩陣, 同埋我手大, 真係比較易會甩手, 打算去買條手繩(原裝只得掛頸繩及鏡頭蓋繩, 其實以機仔黎講最好梗係用手繩, 大舊麻甩如我用頸繩掛部XZ-1響心口? 唔好玩啦....@@ 送多條wrist strap 成本會貴幾多ar? 咁咪男女user都照顧晒囉, 唉)

LCD display畫質唔錯, 但太光! 我就算響機身set左display光度 -1, 影出黎d 相返到屋企用電腦睇時, 都比用XZ1睇暗左起碼半級. 呢種光度咁強既LCD 我真係未用過, 要好好適應. (E-PL1都唔會有呢個問題, 唔知E-PL2有無?)

因為我有E-PL1, 對其菜單基本操作上尚算熟悉, 不過鏡頭上的操控環感覺有點鬆, 不夠紮實, 如果緊一點感覺會更好, 高級一點. 鏡頭蓋也有點太兒戲, 如果不用鏡頭蓋繩, 我可以保證個蓋9成9會用用下跌左. 一定要用鏡頭蓋繩.

微距模式無一按即用, 有點不方便, 但超級微距(1cm S-Macro) 真係幾強, 鏡頭差唔多貼住被攝物都對到焦, 但要留意, 用S-Macro 時鏡頭只可以用28mm, 唔zoom得的. 用正常Macro mode先可以, 但正常macro又唔算對到好近既野. 如果要影下遠又影下近, 都幾多掣要按的.

閃光燈係另一弱項, 火力不足, 其造工也太低級(很玩具feel..)以三千幾的相機來說, 理論上應該可以好一點的. 但有hot shoe可加外置閃燈也算挽回一點分數.

AF 對焦速度算快, 但準確度就未算很高, 尤其是如果用多點對焦拍微距. 拍到汗都滴埋都可能未對到想對的位, 所以我通常都會係用自選對焦點. 變焦速度只算一般 , 4倍變焦的高階DC來說應該可以更快一點. 拍片時也可以zoom, 但拍片的質素非常普通, file size也很大, 如果追求拍片功能的朋友不要考慮XZ-1了.

Art Filter 一貫地幾好玩, 比E-PL1 還多了一個dramatic filter(其實兩者Art Filter 同樣係6個, 但E-PL1的懷舊Sepia Filter轉了去XZ-1可作微調的Monotone mode上), 但用filter的話, 拍攝及處理的速度依然較慢. 場景mode 還有一個"雙重曝光", 喜歡創作攝影風格的話, 幾好玩的.

用了數天, 整體上都尚算滿意, 以這價位來說, 絕對是不錯的選擇.