大部份用家已後詳盡

為什麼 movie放上電腦後會窒窒吓?

輕, 易操作

好機一部, 一直玩開單反,想有部機仔防下身,估唔到而家d DC已經可以做得咁好

輕便: 可以放係褸袋, 牛仔褲袋
實用: 功能易上手,我用開Canon,都係飲餐茶既時間已經摸熟部機,其實剩係P Mode都已經可以影到好好既相
畫質唔錯,以DC黎講,日景夜景我已經收曬貨,ISO800都可以出相,顆粒感唔多,雖然整體details唔強,但用DC影既相唔係要去100%聞相,要就玩單反算咯 (仲要係玩全片幅)
大光圈: 散景都做到d,比普通DC已經好好多,不過我like既係大光圈俾到fast lens我,單單係夜景多一級快門已經可以減少手震,可以做到夜景手持絕對係優勢
防震: 本身個防震都唔錯,加埋個大光圈係夜晚影相仲好,Zoom盡未見朦
焦段實用: 相對35mm菲林,等效焦距為24mm - 100mm到,夠廣又夠tele,其實一般影下相,飯檯影食物,影人像,自拍都係廣角為主,單反crop機17mm都未夠佢廣
鏡頭變型: 呢樣少人講喇,我留意過佢廣角好少變型,唔使下下影人要眼平
機身設計: 幾user friendly,都幾實正,防滑手設計幾好
色準: 白平衡要讚一讚,比同級機準(不想刻意點名),好surprise,呢樣野其實幾緊要...
濾鏡都有,不過我少用,玩效果我慣左photoshop,想點調就點調,但那起手想食快餐都幫到手o既
攝錄制就手,一按就黎,呢樣唔係部部機都有(S100而家先有),全高清錄影靚好多,又可以影快鏡,又可以影慢鏡,自動追焦,又可以光學變焦,已經好全面下 註: 29mins短片用4GB左右
價廉: 縱觀C記O記,都無一部平得過佢,其他如果功能好好多另計,但互有輸贏我就揀P300喇,$2300唔使,基本野都有送,本來我係C記fans都轉左去n記

官方標示電量可影230張,都OK,真係做到,但問題係叉一舊電好鬼耐,無三個鐘唔使諗,好多人亦彈佢無外置叉座跟埋,下下用機叉,其實有好有弊啦,去旅行就帶少舊野喇...

最PK係舊電一係就滿, 一跌一格其實即係得番10%電度,真係玩野, 所以副電一定要跟身....好彩餅電都唔算太短命,可以影幾百張

一定要用原裝USB叉電器, 如果可以共用Iphone果個就好喇

無ND濾鏡,一般攝影用唔著,但人地C記有我就緊係想佢都有埋啦,多樣野玩, 有就多添囉, 無都算啦

無RAW,幸好佢白平衡出色,唔使執,另外諗住影RAW攪大製作,不如用單反,所以不如用少d memory多幾百張相影下好過

除左叉電既問題之外, 我真係無咩投訴

唔拎單反出街,以前得部陳年cheap cheap DC,影影下都係唔滿意,相都影少左, 本來想玩無反,Nex5風評不錯,之但係總覺得都仲係大舊,做唔到隨意抓拍,加上焦段唔夠DC仔揮,除非玩定焦,要天涯又大碌又唔平,失左意義, 放不到在衫袋褲袋

普通外拍一向7D+直倒+1750F2.8+閃,或者十零公斤野拉車仔, 雖然唔係話潺仔拎唔掂,但唔想下下都咁大陣仗,之前返工放工出下街都改帶500D kit.相比之下輕了不少, 其實重量已經唔係問題, 但嫌拎出黎影相都仲係唔夠快靚正, 都仲係覺得佢大舊, 係好多場合亦覺唔係太適合, 例如係超市影女友推車仔,影下生果,下下都單反俾人見到以為我痴線...而家用P300最多當我係格價專員 XD

去旅行單反可以做主力機, P300做snapshot, 單手影相時用,好方便,畫質又滿意, 價錢又平唔肉赤

Light can be put in pocket
Price is good among this kinds of camera, eg lx5, s95,....

For a beginner like me, i dont know yet.

Bought last minutes from broadway BOC card special price
$2296, minus $200 cos new boc credit card,
I asked for second battery and screen protecter instead of 8gb card

First time use prosumer, i feel picture quality is good. Easy to make photos good even in dim condition
Some say nikon color is cold, not as colorful as canon. But that is what i want, i want color to be realistic.

大光圈:D
雙轉盤=]
都算廣角:)
user-friendly 一日立刻上手 (都是nikon嘛=.=)
雜訊控制良好

電.....-___-"
奇差......
要篤住部機差......
有後備電=無....
舊電都頗熱......

本身用開單反
但系平日出街又無理由帶咁大部野嘛
於是尋找一部質素好d ge dc做副機
不過dc仔ge缺點就系高iso表現差....
大光圈dc就可以降低iso
提高照片質素=]
於是就系s95同p300之間比較
最後揀p300主要系因為我系nikon粉xp(其實系因為p300平 又差唔多料)

24mm影境一流,影出來的相同入門單反比都唔差大遠!
方便,輕身.
f/1.8正
mon夠光,陽光下看相都ok.
白平衡叫幾準.暫時係試過一次在身燈下影相偏黃.
iso noise控制得唔錯.800都可以接受.

電量..真係想爆粗,唔係粒電雞,我覺得粒電的電量係可以接受,大約影勉強影到1日,但無理由電量顯示有3/4 full.影多張相就話電量不足.好彩有後備電,唔係實比佢玩死.
差電勁耐.無3-4小時你都唔洗旨意粒電會差滿.(我係用差電座,無用相機真接差.所以唔知係唔係個人問題)
24mm在室內影大合照時發覺四周的成像比較散.但日間室外影境時就唔太覺.可能係iso問題la.
用背光mode影的相感覺比較假.
個相機mon 看相同實際有出入,在相機看的時候相片比較鮮.
特別效果唔多,基本上可用可無,如果係相機內置特別效果就唔好咁少.好似比人人有我有的感覺

真係好用,輕,影相ok!去遊行前諗左好耐s95定p300好.因為想買一部機仔做後備機,有咩事的時侯都仲有得影.好在C記話出部S100,即刻唔洗諗S95.買部平平地GE P300算.有齊A,S,M,P MODE,作為單反備用機一流.本人年紀漸大下下同部單反去十幾日旅行,真係怕返來要看醫生.....同時下下影野都用單反都怕嚇親人.

而P300另一個用途就係SNAPSHOT.單反就影境.不過24MM影境都好正.結果最後我去完遊行發覺P300同單反影目比例為7:3.影出來的相質素唔錯.想買部輕輕地又可以自己SET野GE機真係誠意推介P300.起碼叫唔貴,性價比高.我買都係2,3XX.

IQ幾好

外型較普通

我要買部靚dc俾阿爸影佢的孫仔孫女(即係我d仔女), 本來諗住P300同s95二選一, 點知百記中銀card做promotion, P300竟然$2300有找! 話哂新過s95又平咁多, 二話不說即買!
用左一陣, 覺得好易用, 唔使睇說明書都得! 阿爸有新機用當然開心啦!

F1.8 大光圈
VR 唔錯
室內手持SNAP SHOT BB 好好用.
同我之前用開的CANON G10相比, ISO800噪點都算滑啦. 唔好同單反比
要記住呢部係POCKET PC O者.

手感一般, 機大細同輕
女仔用又嫌佢唔夠COLORFUL

超值的.
雖然Made in China, 但造工尚可
以現時唔使2500蚊的情況下, 真係抵玩

總括O黎講, 要平平地影下野, 要大光圈, 的確OK.

金屬機身扎實輕便，1.8大光圈近拍可做出淺景深。
3寸92.1萬點 LCD芒即時睇相真係好正，氹女一流！
HD 1080p 可zoom住錄影，加埋係立體聲收音，正！
標清720p 60s慢鏡好玩！
一掃全景easy，接駁快靚正！
白平衡做得出色，陰暗環境zoom盡也可影出色彩自然照片。
價錢平，功能全面，VR光學鏡片移動防手震勁！
需要時才手動彈出閃燈，唔用時一按收回。我覺得這是優點，因為有時一些場合唔可用閃燈，但有時真係會忘記咗而誤閃。
上轉輪=快門，機背轉輪=光圈，超方便！

半按快門冇preview! 失敗！
睇相時個電量顯視唔走，失敗！
USB叉電位個膠蓋設計唔係咁好！
冇叉座跟，充電唔方便。
ISO 160 起，d相冇咁滑！
細CMOS.

越用越like！P300雖然佢係中國製造，1/2.3 吋細cmos，但今天以不到$2300的價錢（行機），能買到1.8大光圈+24mm廣角，Full HD1920 x 1080p，HDR 逆光拍攝，一掃全景，高速連拍120 fps及慢鏡重播錄影，VR光學鏡片移動防手震，3.0英寸; 92.1萬點靚芒，又有 8GB咭 + 芒貼送+原廠相機袋，重想點！
部機點解用1/2.3 吋細cmos，我諗因為大佬P7100用1/1.7 吋同時間唔可以爭市場o掛!
相信唔使好耐會有後繼機出現。
p.s.由於P300相片微粒不及xz-1，所以不推薦愛放大聞相高要求的用家。

相片質數OK
出街十分方便
易用

效ISO時, 一定要按MENU, 不太方便

買了P300後, 十分細+輕, 日日帶出街都得, 最後賣走了D7000 + 16-85MM VR!

機身輕巧, 易用, 開機&對焦快, 白平準, 光圈夠大...

其他的用家其實已列出所有優點, 不再詳述...

最唔好嘅大部份都有關電池方面:

1) 快冇電, 差足約夠影around 300張相, 話冇電就冇電

2) 差電要連相機一齊差, 差電時就冇得用

3) 不連外置差電器, 非常不便

用開Canon嘅dc仔ixus 850(睇返先知, 原來已經係5年前嘅model), 相對於時下新機來講, 開機慢&像數得7百萬, 尤其係室內or晚間時候, 影出來嘅相已經唔係好得, 所以都諗住買過部新嘅... 上來睇完其他用家心得之後, 心旭旭走去唔同的街舖, 分幾日試咗幾次, 問咗幾次, (當然亦有試Canon, 樂聲&其他機啦), 不過最終都係買咗P300... 玩咗2日, 真係好好玩, 值得推薦比大家...

我最後係去咗百記買, 搵返相熟sales, $3,080係比其他舖貴少少(原價$3,280, 已經比之前平咗2舊水), 不過我做埋分期, 用匯豐卡比又有15x獎賞錢, 個人覺得ok喎!

另跟機有好多嘢o架, 代用電x1, 保護貼, 8gb卡, 小腳架, 原裝套, Nikon杯, addidas禮品等等啦... 買果時咁啱Nikon杯送晒, 咁轉咗做杯墊, 都ok啦, 因為屋企大把杯都用唔晒... 另外又同個sales講, 唔要個小腳架, 佢又轉送多一舊代用電比我, total 3舊電, 咁就唔怕影影吓冇電啦!!