Sigma DP2 Merrill

看後感

看後感

喜歡聞相的朋友，一定要試下，因為你找不到一部機有甘強既解像力。
要當菲林機玩，買菲林用開iso 100,200,同400, 你就唔好唸1200, 6400....
iso高過800請用黑白，會有意想不到既效果。
晚間可用，不過請帶腳架
有甘既畫質，又輕又細，只有sigma做到。畫質至上
對焦可接受， save相比較慢，不過如果你唔review住，可以連拍七張先睇
外表夠型夠pro, 唔係扮復古， 係真正古老味
操作很容易上手，很直覺。
電量都係當菲林，兩同菲林等於一粒電。你影四同菲林就帶兩粒。
依部機只適合攝影師， 唔適合記者，只適合用心拍攝人士，唔適合係又影唔係又影既人士。只適合用靚mon慢慢觀賞相片每一吋地方， 不適合上facebook快手過片。
只放上facebook的，只會浪費了它，浪費了相片。

非常好,在相片質素上,交足功課.

我未有功力談缺點.

我用過的相機,最大把的,用了當時平賣的Contax菲林機連鏡($3800).她給我的印像是"嘩晒出來的相原來可以好Sharp,好靚. 之後用了幾部Panasonic DC,只給我好多Function不用費心.但出來的相只感到一般不大驚喜. 今天有機會到Sigma陳列室詢問試用(只在陳列室室內,環境可想以知).當我將啲RAW DATA拿回家裹及Download SPP 5. 她可以說是第二部給我驚喜的相機. 質素就如以上Ching所講立體感強,好有力度的色彩. -- 我只是家用者.

日頭畫質無敵

黑暗地方唔用好過

開機快左
對焦快左
無左伸出鏡頭非常好，
唔使驚會未開蓋按錯開機制會整到鏡頭
機身大左重左型左
機背畫面影時唔靚，翻睇相好靚，電腦睇更靚
RAW先係皇道
介面靚左好多，自訂模式好好用，以前set野好唔方便
畫質好到顛，睇到轉左Jpeg相片時好令人興奮
用全片幅單反都無呢種震撼感覺
所有難用不便都唔重要
同一理想光線環境下，
全世界無相機可以影得靚過DP2M

其他師兄講左....

WB唔準,影出來的相好多時偏黃,偏綠
沒有色溫WB
用raw影人超恐怖! 皮膚好多黑點,用jpeg好點,但又有WB問題..

後悔花了七千多元..

機身做工紮實, 大部左
成象sharp 到更可怕
鏡頭做左IF (內對焦) 可直接係鏡身上加49mm filter
快門旁轉盆 好用, 可快速轉光圈
機背上下左右鍵 同時可即轉快門 +-ev
控制方面比起上幾代有幾何級跳!
dp2m 今次影jpg 好多都可直出 相片質素令我幾滿意
影相方面可影完等1秒左右影第2張 total 有7張raw buffer 唔洗擔心miss 好多重要時刻(前個幾部要等佢save張相入卡先可影第2張)
個display 高清左,重可睇下中唔中焦...

機身大左 不過手感都紮實左 唔算係咩缺點...
係電方面 我都明白細電 唔可影得多 不過影得個70張一個電就= ="
(我都明白 x3 cmos 食電+個display) 不過跟機送2粒電 都唔錯 另外粒電一早大把其他廠用緊樂聲 samsung 都用緊 上網睇下好易咁到代電 我都有4粒
冇左內閃:@ 唉..之前有都好d..家下用d 閃 鬼咁大支
出支細細支又可整個角度打燈可唔可以呀?
個hood 差d唔記得左... 個hood 另買唔緊要,但點解唔可用返原裝個49mm 個cap
攪到我睇色影無忌 好多ching diy左個hood
不過玩得呢部機都要接受下佢個缺點..
其實缺點少左... 開心先係^^

新機一出 四圍搵貨...最终都買到
aps-c cmos 比起dp1/dp2 時大左 影出來景深都明顯更多
但都因為象素3級跳 (400m x3) vs (1540m x3) 安全快門明顯比之前要高
另外, 象素高左 印a3+ canon 新個部打印機都可 full size 直出..唔洗好似dp1咁 要插值
控制比起之前好多好多 可話user friendly
機身做工好左 手感實在左
色水方面都係x3 風格... sharp,實!
整體上都好滿意

如果買呢部機的朋友 要留意:
如果想影raw+jpg 2個加埋有成60mb
記得買最快SD卡...
我用緊sandisk ex pro 95mb/s save raw+jpg

※Sigma獨有，全球第一及唯一的全色影像採集系統，​Foveon X3 全色彩影像感測體。
※日本CAPA雜誌評測，SIGMA以這塊APS-C篇幅的​新Foveon X3在解像力評測中擊敗NIKON傳奇35mm全篇幅旗​艦機D3X…自此Foveon X3成為新的傳說!所有NIKON死忠都感到失落了...
※9年前，適馬Foveon X3與柯達CCD，富士Super CCD抗衡。時至今日柯達以及富士CCD已死，邪惡的索​尼CMOS獨大，連尼康，賓得，奧林巴斯(OMD E-M5)都已經屈服邪惡​索尼的淫威之下唯有向索尼買CMOS用，做索尼的跟班小​弟。事隔十年，第二代新型適馬APS-C Foveon X3面世，並且在解像力上一舉擊敗邪惡索尼為尼康小弟所​特制的尼康旗艦機D3X的35mm全篇幅FF CMOS​。適馬Foveon X3以APS-C擊敗FF，以小勝大成為傳說!

※高Iso九流、膠殼機身、食電一粒電池打得一百張、開機影幾張相冇幾耐機身溫度就會上升變熱、依然冇防手震機構、儲存相存得慢、機身體積比上一代大同重左、相機直出JPG處理比不上其他廠要靚一定要RAW、拍短片功能未能追上時代、沒有內置閃光燈、鏡頭焦距明明同上代唔同左但並沒有再設計一個全新焦距的外置OVF只係叫人買番上代個個來用、遮光罩要另外比錢購買、價錢七千六百比上一代貴左。
※不過新一代Foveon X3畫質至上！Foveon X3畫質靚到本人認為其他一切缺點都值得忍受！

※第一水DP2 Merrill行貨在8月2日正式在港賣街，本人第一時間立即購入爽YY！KAKAKA
※新一代Foveon X3在解像力及色彩相當驚人！畫質係頂級！
※新一代Foveon X3面積大左，由乘1.7變乘1.5，可以更淺景深!
※鏡頭對焦時不會因伸縮增加鏡頭總長度！比上一代對焦時鏡頭總長度就會變長的設計進步左好多！而且新設計更可安裝49mm保護鏡比以前更安心!
※對焦系統進步左！
※白平衡準左有進步!
※機身造工比上一代有進步!
※終於進化成九十幾萬像素LCD芒追上時代!
※總括而言，今次這台新世代DP2進化係非常明顯，值得肯定，然而可以改良的地方還有很多，但本人會看成適馬的可進步空間亦係比其他各廠多好多，可發展的潛力巨大，繼續支持Foveon X3相機!