以前D發燒友成日搵5D3同D800E比較。而我就入過D800E,D810。
我多玩nikon小玩canon,我2015年先買入5D3。入後我見5D3係自動對焦點模式選擇方面幾有心思,選擇性仲仍然多過今年先出嘅D810(nikon依樣真係差…死未)。同埋係連拍對焦模式嘅選擇又幾多花臣(分工分得好细微講究吓)!
對焦速度方面整體5D3仍然快過D810 DDD…,因為D810要出到四點聯對焦點先追得貼5D3(有得撼)。
我開頭聽落5D3快門聲係機械聲,但用落又覺得似係配音(假)。
AWB兩家都係咁上吓。
係自己嚟講用完D810用5D3簡直如釋重負,因D810有3600萬像,手持要比較小心認真,快門亦要比安全快門高D。經過一輪苦練用3600萬像似揹上一嚿鉛上身打拳,E加用5D3似除咗嚿鉛Lu。而我此终覺得有2000萬像已經足夠。所以6D已經足夠一般用家玩樂,5D3比我係滿足歷程&我已用過6D……。
我睇廣告canon好吹捧拍片,雖然5D3已出咗幾年,當我係i-square canon show room聽sale話5D3拍片要逐吓㯲,最好要手動,手動我ok㗎,但我唔想係2015年仲用MF拍片(可能我要求過高),無得用人面識別追焦拍片,只係7Dll&76OD先有,當堂想退後兩步,(我一廂情願以為有……)因今年出嘅D810&D4,D4s有(E樣對我嚟講幾好玩,單反拍片幾正吓)。&如5D3似nikon FF機有apsc格式X1.3 , X1.5就very good!
自覺Canon嘅介面&機身操控方法方面,Nikon真係好D。
兩家廠其實都有各搵笨七嘅地方,邊部好D其實意思唔大,我唔講啦,等咁多位C兄唸吓啦!
但係到2015年中為止nikon出咗一系列近攝鏡定焦確實幾好,希望canon可出返D近攝定焦L鏡就好啦!好多時買機係買佢功能,顏色&工學同時亦要有鏡頭多樣性配合夾埋嘅…。
後記:我亦玩過400D , 650D ,5D1 ,睇返D相似傳聞中係室内對焦有向前或後移焦出現,而6D(都用過)&5D3就無出現咁嘅情況,可能真係對焦系統有關。
後記:用咗一個月放咗!部5D3的確幾好!如買canon ff真係6D,5D3或以上好。而總算領略到canon nikon ff顏色特㸃。canon鏡款多,期待開發更多。
論 5D3 & 6D 畫質我此終覺得分唔到!照商業角度5D3應該好D,因好D要比多D$。當我放咗5D3可以客觀返。甚至對比後直覺6D顏色討好過5D3,層次感亦強過5D3!當然功能&對焦6D無得同5D3比啦!