優點:
品牌: 虛榮感贏成條街, 二手算有價.
畫質: 乾淨, 相片中心至邊緣位都好銳利, 立體感強, 發色飽實而不失真, 寛容度高.
反應: 對焦爽快準確, Save相亦快.
操作: 按鍵設計合理, 所有基本設定 (WB, ISO, FOCUS, EV, FLASH, AF/MF, TIMER) 都係一鍵即入!
做工: 十分精美
電量: 拍四百幾張相仲有一格電, 仲要好多長時間曝光夜景相, 強!
缺點:
無得拍片
無微距, 對焦最近成尺遠, 暗位間中會失焦.
機身個芒好渣
防手震只係快拍2張幫你揀1張, 十分自欺欺人.
評價:
未買覺得貴, 買咗覺得值!
用X2機頂2隻轉盤, 去掌控光圈快門, 實為攝影的賞心樂事, 每一張照片的構圖, 光圏, 快門都係由自己決定, 而唔係電腦, 返屋企睇相發現, 拍出來的相片比以往人性化得多了.
當然時間唔許可的話, 將2隻轉盤轉去AUTO, 交由X2處理, 出來的效果亦唔會令你失望.