-f/2.0大光圈
-內置wifi
-疊焦功能
-1cm微距

-多配件需另購(雖然不貴)
-因為機身體積所限, 操作不算太方便

隨著科技進步, 攝影逐漸普及, 很多人已養成無時無刻都想拍攝的習慣.
當然, 就算玩水時亦會想拍攝, 但housing並不是一般人有能力或需要買的.
我也不例外, 為了玩水時能繼續拍攝, 選擇了TG-3這部四防DC.
四防穩固, 暫時沒有什麼問題及發生, 相信粗用亦不成問題.
影像質素我只能說比同級防水機好, 當然不要跟高級機種比較了.
內置wifi算是頗實用的功能, 可以立刻傳相.
而新增的疊焦功能亦實用, 走焦情況的確少了很多.
配件方面, 可謂豐儉由人吧. 但當然最好的是全包啦(價錢不知要上調多少了)
TG-3整體感覺不錯, 應該會是玩水及行山等等情況的好伴侶.

1. 2.0大光圈
市場上只有它和Pentax (Ricoh)的WG-X才有。大光圈不但方便在水底下使用，但大大提升其泛用性

2. 內置WiFi
不單可以用來過相，而且更可以用智能手機做遙控(Preview及影相)

3. 配件充足
防水殼(PT-056)，Tele鏡(TCON-T01)，魚眼鏡(FCON-T01)，Filter接環(CLA-T01)，LED導光罩(LG-1)，矽膠套(CSCH-122)通通都有，可以慢慢擴充

4. PhotoStory相框功能
原本買此機來行山，再加一支魚眼就可以一張相同時拍下山路和行山標柱。但使用PhotoStory功能，可以張相分三次影：左半是山路，右上是標柱上的號碼，右下是其他東西(如發現的生物，植物)。而且還有超過10款相框設置比你揀

5. 多款微距功能
TG-3直情有個完整的微距設計，裏面還有幾款模式比你揀，而且最大可以放大11.6倍，以DC仔來說，算是十分強勁，如果再加LG-1導光罩就更好玩

1. Zoom掣要用食指控制
控掣改放在Shutter掣隔離，即食指同時兼顧變焦和Shutter。加上這個Zoom比較實，食指長的朋友會較難Zoom。而且用力推拉Zoom掣，顯得好唔自然

2. Shortcut掣唔夠
礙於空間有限，Shortcut掣亦有限，及能包含所有經常要調校的功能，包括ISO，White Balance和比例，用者也不能自行設定這些Shortcut掣，因此唯有遷就和習慣一下，又或者用其Custom Mode Setup，將設定好的模式，儲存在轉盤中的"C"選擇內

3. 無自動關機
老實講，個On/Off比較實，有時或會熄唔到機，到下次影時才發現未熄機，而它也無自動關機設計，因此每次用完最好睇清楚熄左機未，以免電力白白流走

4. 有時會郁到個轉盤
用轉盤轉Mode確實比扲掣方便，但有時都會唔小心郁到佢而轉左Mode，唯有盡量唔到hi到佢或者每次轉前都望一望佢(都驚住會越用越鬆而惡化)

5. 非連續無限拍片
參考說明書，即使張SD卡有幾大容量，每個影片檔案都不能大於4GB，即是用1080全高清拍片，最多20分鐘，而720高清亦只得38分鐘，不是拍到張卡爆為止。唯有分開幾次拍(好在我好少拍片)

首先，不應從畫質上將它與單反及無反相比。TG-3採用1/2.3" CCD，輸出相片的畫質比前兩者差就肯定的。選購時清楚確要一部襟撞，落雨都可以用的相機(毋需潛水)。畫質不是不是最大考慮，但天陰及光線不足情況下，影出來的相也不要太差。本著這個原則，兩年前已鎖定TG-1，但當時TG-1未支援A Mode，而半年後推出的TG-2即使加入了A Mode，但又未有無線功能。現在連無線都有，就再無唔買的借口了。用了個多星期，都好滿意，上述四項缺點都可以用時間來適應，不算大問題。不過個人會覺得Pentax WG-3的硬膠外殼會比TG-3更襟撞，但它沒有WiFi功能是關鍵，結果還是選擇TG-3。

另外，這部機上還有不少特別的功能(e.g. RC Flash，SLV Flash，Wind Noise Setting，Playback Editing，Power On Playback，Tap Control，LED Illuminator)，假若細心閱讀說明書，或者會發現意外驚喜！

-四防
-疊焦功能
-超微距
-性價比高
-內置wifi

-不能反mon

四防穩固, 可以放心地使用.
新增的疊焦功能可防止走焦, 實用程度比想像高.
至於超微距就沒有試太多, 不過細節保留得不錯.
以四防機計, 這價錢算是性價比高了.

-三防
-電池耐用
-1cm超微距
-成像好

-光圈唔算好大, 但潛水機唔可以奢求太多架啦.

之前並沒有研究潛水機, 只係見個個都有一部傍身, 我都唔輸蝕, 買返部今年夏天玩下.
上網睇過各位師兄既意見, 最後決定係TG-3.
果然, 無令我失望!
三防係呢部機最基本的賣點, 在此唔多講.
電池的確比想像中耐用, 用成日都無問題.
1cm超微距其實係香港用處唔算好大, 但如果拎出國玩, 就可以影下水底下既生物同植物.
價錢唔算好平, 但亦唔可以話貴. 算係性價比幾高.

三防
廣角
超微距功能有助影水中物體
內置wifi

如果玩水/潛水不想用housing, 可能TG-3會是最好的選擇.
本身影像質素不差, 就算亂拍也偶有佳作.
防水功能經實測後, 證實非常安全, 而且水中拍出的影像也不太受到影響.
電量也頗持久, wifi亦很方便.
作為一部防水DC, 性價比很高.

算WIDE，光圈算大，做工實淨，有WIFI(不可或缺)，相片質數幾好，機能爽快速度高，電好得喎! ZOOM唔會凸鏡頭(應該部部都係)，揀佢主要係樣子討好我。

傻瓜機級別選擇寥寥可數，所以冇咩缺點。

先前用防水膠套笠冇反，廢時失事，浪費心幾。
貝澳實測，防水冇問題，電出奇得，又影又拍過千相，相片質數幾好，D FRIEND哇哇聲，雜訊處理OK，內置功能幾好玩，wifi過相幫到手呀，3K可以接受。
好耐冇買傻瓜幾，所以感覺進步，應有盡有。

-防水防撞耐寒
-最wide時有f/2大光圈
-1cm超微距
-wifi流暢

-光圈不是恆定

因為想買一部可於夏天玩水時用的DC, 物色大部份機種後, 最後選擇了TG-3.
首先, 3防是重點, 不只潛水時用, 更可用作其他較差環境用.
大光圈亦是另一亮點, 而且其他機能及質素亦比得上高階DC.
內置wifi可即時過相上載, 很適合旅行時用.
實用性一流, 價錢不算貴!

1. 防水okay!
2. 電量勁(估唔到可用一天)
3. WIFI過相比想像中快

考慮買Ricoh WG5GPS, Pentax Optio WG-3 GPS, Olympus TG850 及 Olympus TG3之間，最後選了TG3，因為考慮最新，大光圈及電量問題。

1)第一天買即刻試水底拍照。因之前用大机從末試過水底攝影。嗶，真係估唔到咁清。
2)魔術濾鏡好好玩，玩了一整天 :)