Nikon D810

評測報告

實拍照片

-對焦快而準
-WB好準
-Mon色靚和準
-機身手工一流
-操作反應快
……其他用家已詳述

暫想不到

之前用D4，想感受頂機身的快感，之後轉了D810, 整體操作反應也快了，WB比D4準，LCD細緻了，畫質提升就最明顯，ISO去到6400也ok, 但最重要是比D4輕了許多，帶出街的比率高許多(D4是一部好機，build quality很好，對焦快(可惜畫質一般)，機身夠堅固，粗用也不成問題，記者用就最適合不過，但我不是專業用家，我只追求畫質所以D4其實不適合我)，D810應該夠玩4-5年了。

1)頂級畫質：現今135片幅中最頂級的畫質之一

2)日光下大光圈：低iso64（甚至iso32），再加上1/8000快門，就算日光下用F1.2大光圈都無問題。

3)旗艦機身：雖然不是D5或D4，但機身質感極佳，旗艦機的操作方式，絕不是D750或D610可以媲美。

4)內置閃燈：雖是旗艦機身，但仍設有內置閃燈，旅行時非常重要。

5)電力強勁：過千張都仲有電，真係一粒電都夠用。

6)對焦良好：當然不及D5或D500，但對焦能力絕不失禮，主力打雀都無問題。

7)連拍屈機：用1.2X或1.5X的話，連拍可提升至１秒６格,我用埋直度仲可以1秒7格，打雀都算可以。

8)Crop都仲得：3600萬像crop1.5x，都仲用1600萬像，實行一機兩食。

1)高iso不理想：iso3200尚可接受，iso6400已是極限，比高階APS機還差！（理論上，d810用1.5crop模只是1600萬像，應該比d500既2000萬像或d7200晚2400萬像好！）

由於主力是打雀，曾經擁有過D500，有2000萬像，X1.5有利遠攝，對焦連拍強勁，極佳的高ISO畫質，輕巧的旗艦機身，確實是最佳打雀之選！

但始終打雀不是唯一攝影目的，間中也會影下風景及人像，D500最大的問題是沒有優異的ＡＰＳ鏡頭！而用FF鏡頭則有點浪費(因要Ｘ1.5）！

最近轉了用D810，畫質實在無得輸，對焦速度也不輸蝕，在直度加上dx模式下，可達至１秒７張，照片仍有1600萬像，打雀都算足夠。

所以，Ｄ810可算是一機兩食，FF機，又可當APS機用，而且在晝質與速度之間，也取得一個不錯的平衡，岩晒我尼Ｄ貪心既＂一機＂人仕！

段段續續，來來回回仍然用D810，無他嘅，像數高可聞相，扮下分析大C。當見到佢個超低iso影出嚟嘅相，先感受到D810威力，高iso時接受情度其實見仁見智，6400可以，8000仲得，頂盡10XXX。
近日想轉成套器材，心痕上過Canon show room & Leica store 睇睇。canon機幾好玩，佢D色的確偏紅，影人易紅粉菲菲，但AWB亦易偏黃，雖然新機種WB有白光優先，但另一樣係日常影相時只得APSC機種有内閃，但畫質一般，要好畫質咁就要FF，但FF無内閃，其實一般生活相好易遇上背光情況，如無内閃咁要加外置，但我嫌太重，真係吹脹。
咁我又轉移LEICA。要奶味一定受埋手動，E加入M240抵呀，再加支35/1.4A已經好正，但MF，令我痛苦地收皮，咁轉睇Leica Q，三皮嘢有機+鏡幾吸引，但又無內閃，三皮一部DC…………。
今日瞓醒决定繼續D810生活，
D810+定焦幾正&好用，但自己好衰已覺得重。
希望將來有部係FF又質素高，影人靚，有内閃&輕細，鏡頭可去返以前咁細支，又好過810就好啦。

畫質一流，本人是5D2轉D810的沒有失望！快門靜！電襟用！

價錢貴,晚上對焦一般

整體滿意～

自己有D800，此機確有不同之處，但係只有那麼一點，換了個先進些許的處理蕊片，但是基本功能卻如同上代機一般，成像方面更難用肉眼看岀，好與不好可以自己用舊機與新機對比一下。但如果你用D6xx系列或D7xx沒有升級的朋友完全可以滿足的。

缺點？除了新一代蕊片就沒有多少新技術了，再加多個新的對焦系統就是新機，就把之前所出的d800或e壓低價格，想問一下，出一樣新的產品卻要用戶承受風險，這和我認識的nikon背道而馳。不信的話可以自己對比一下，差不多多同樣價錢的貨品但是要貴一些，商家不過就是傷家嘛，真心不覺的有比舊型號好多少！攝影還是靠技術，總是以為靠器材幫助的朋友可能會喜歡的。

一位好友入手，價格自覺不值，不過在現今商業模式又無大不可，但必須提醒一下，有了高像素，好鏡不可少，有了好鏡技術更不可少。一機一鏡一心能否做到就是靠自己能耐了。像素在現今社會是不少攝影朋友掛在嘴邊的話題，因為可讓自己讓別人覺得是個高手！此機和D800等前輩一樣，雖說像素高，但是攝影者自己能耐不夠，此可以認為是人的能力範圍也。有好器材也要用心拍照，不是的話，就好像你不是美斯又代表巴塞正選上場一樣，輸的一塌糊塗！但真正的美斯他可為你卻不可為之事，分別何在，請自己分別。

像素高, 帶來細緻度
有ISO 64
塞打寧靜
色偏暖, 適合人像
新sensor同一曝光值會比以前光D
顏色濃D, 可能冇低通
高ISO Noise控制強
AWB準
重量適中
景觀器夠大夠光
對焦系統強, 暗位都少迷焦

價錢貴, body索價萬八
一闊三大唔細講: 記憶卡要大要快, 電腦要多位要快, 鏡頭成像要高
電去得快 (同一舊電對比D610用得快好多)
連拍低 (不過我唔打雀唔影運動, 冇問題)
直倒索價三千...
冇wifi (雖然唔算重要, 但好過冇, 估個原因係舊電去得塊, 再加埋wifi唔得掂)

小弟先後擁有過: D5200 -> D600 -> D610 -> D700 -> D810
其實如果唔係做job, 都未必換
未入D810前同時間用D610同D700. 最後放哂兩部入D810.
D810有哂我要既野:
- 色水近番D700, 影人膚色好, 強過D610好多
- 對焦系統同D700差唔多, 強過D610好多
- 重量係兩隻之間, 用大三元都可以配合, 唔會唔平衡, D610要長期用直倒, D700加直倒又超重
- 雜訊控制, 佢都幾強, ISO1600冇問題, 呢樣真係D700做唔到既野
- 我記鍾意佢過靜快門, D700超嘈, 如果影行過堂, 或者其他莊嚴既活動, 呢個真係佢強行. 我係講緊未用Q mode
- 唯一較差係連拍, 不過我真係用唔著

因為自己做開影婚紗, 本身已經有大三元 同基本人像定焦鏡, 所以手上鏡頭都夠解像力去應付36MP. 幫過用5D3既朋友影婚紗, 佢地都話D相細緻好多. 雖然像素大唔一定好事, 尤其一般人都唔會哂大相, 但係有時候做job後制時栽相都重有好大空間的確對工作有大幫助. 雖然好似D700只有12MP係好夠用, 但係以今時今日各大廠對像素既競賽上角力, 就算依家係高位入亦唔係短期內out.

而Expeed4擺明就向Canon果邊發展, 越來越暖色, Nikon係人像上面算係一個好大改變. 所以我先放棄D610, 佢實在太青色.

當然. 好多平D既鏡頭已經捱唔住呢個像素, 想用天涯鏡既真係唔好用D810.

對於D750, 因為本身已經用緊24MP既D610, D610升D750, 真係冇咩大進步, 除非我未用全片副, 唔係我可能會揀D750. 不過D750 對焦都冇D810咁強, 同埋好多制都冇左, 唔係太合格. 如果係新人想上全片副, 我會建議: 慳錢就D750, 影宴會/婚紗/做影樓就D810, 打雀又錢多就D4S