優點:
機身夠輕，又好揸手，任意反芒，高低角度及自拍都很方便。
21-1365mm,，廣角及長焦一鏡打盡。
顏色超準，返屋企睇相，與現場感覺一樣。
連拍快，好玩，對焦幾快，長焦距時對焦亦算快，閃燈回電也很快。
拍影片靚，唔使四千蚊，當攝錄機用也不錯，防震也不錯。
缺點:
感光元件太小，相片有油畫感，iso去盡只能用到800，超過1600影像會散晒。
拍攝短片不要用640x480或以下，否則影片會矇矇的不夠清晰。
變焦冇得用手動。
評價:
本身有單鏡機，貪一體機夠輕及一鏡打盡廣角及長焦，輕裝旅行時最好。
用了SX1-is幾年，正光時相片合格，但背光及影人時，相片嚇壞人，canon近日出了這部機，更廣角更長焦，立即入貨，玩了幾天，整體表現不錯，相片質素較SX1改善了不少。
除了一班拍友組團去影相要帶單鏡機外，去旅行都係只帶這部機算了。
