1. 輕便易用功能齊全的全片幅機
2. 超實用的五軸防震 （使用各大廠手動鏡玩家之福音）
3. 100% EVF
4. 對焦速度快 （相對於舊版 A7或其他無反作比較)
5. 功能鍵多及很方便的前後轉盤
6. 場景模式及濾鏡模式齊全
7. 非常合適新手使用
8. 電子屈光鏡已經可先進到叫屈機鏡，配戴眼鏡人仕的福音機
9. 開機速度理想
10. 實用的多角度顯示屏幕
11. 金屬機身，用料認真。
12. 連拍速度理想 （以RAW作紀錄）
13. 超方便實用的NFC操控功能 （只供ANDROID系統使用）
14. 手感良好，握位舒服又穩陣

1. MIT（心理因素）
2. 5軸其實都要睇鏡頭而定 （手動鏡玩家不要抱太大期望或被誤以為是全支援）
3. 實時EVF雖然無DELAY，但色溫，光度及影像都過份美化與現實拍攝環境有別
4. 對焦速度雖有改善，但仍不能與其他廠商的高階或同廠單反作比教
5. 功能鍵雖然多，但用慣其他大廠的單反機的話，要重新適應，因機身左後方是一粒制都無⋯⋯
6. 相片都是偏暗的，一般情況下，任何環境都要 ＋0.3 至 0.7 ev
7. 白平衝不準，強烈建議用家於室內或低光拍攝時自已手動調WB
8. 雖然無反機無反光板，但拍攝時快門震動仍是很大
9. 因感光元件設計有防震的關係，手持相機或搖動時，會感覺到相機內部的搖動，好似好唔穩陣 （個人心理感覺）
10. 電池續航力很低，出外旅遊或出外全日拍攝很不方便，兩粒電為基本要求
11. 跟機差電只有個USB ADAPTOR，差座都無一個，要另行購買
12. EVF有眼球AF功能，但不支援 E－MOUNT鏡，只支援A－MOUNT鏡，還要用回原裝LA－EA4，有點雞助
13. NFC好用但對蘋果用家一無事處，原裝APPS於IPHONE使用時只限WI-FI過相
14. 原廠FE鏡頭選擇不多，又要輕便，又要有質數的話，一來無咩好選擇，二來又貴

其實SONY近年的確很積極改良及發展無反相機一環，作為一位用家的角度去看，無錯，重量就是一切，我不是一位醉心於純攝影或對藝術有要求的用家，攝影對我來說是要把一切我認為覺得美好的，值得留影的去紀錄下來，輕便是首要的因素，如果你是一位以相機作為工作用途或職業所需的話，我絕對認為C／N仍是會可靠很多，(不代表呢部A7M2唔可以呀) 但如果是追求把攝影作為紀錄生活點滴的一部份的用家，輕便絕對能帶動你對拍攝的興趣及動力，以及如果希望拍攝再不是令你成為一種負擔的話，此機絕對值得入手，SONY無反全片幅機，真的可ko很多對手的，展望將來，數碼單反亦可能因此而被淘汰。

A7M2 全片幅的相片質素已經給予人們信心，此點不庸置議，功能上的強大及科技上帶來的震撼感覺，(此機的外星科技真的可給予你很多驚喜的)，好像電子屏幕的屈光器調節，以前用三菱鏡的單反，就算點調教，戴眼鏡的用家絕對不可以教到除去眼鏡觀看VF裡的影像，但部A7M2竟然可令一位近視達700度, 散光達200 的人，輕易地除下眼鏡目測使用，雖然5軸有限制，但點都強大可靠過其他的系統，唯一令人卻步的是SONY鏡群支援上，此點的確是會令好多玩家難以取捨，原裝SONY鏡一來少，二來又貴，好多支FE蔡司認證都名過於實，性價比不值，期待蔡司黎緊支援AF果兩支Batis定焦25 f2.0 ／ 85 f1.8，價錢同質素應該合理過及有保證過現在的 MIJ，MIT 嘅蔡認證鏡，坦白講，玩得無反就係為左革命性嘅路向吸引一班新用家，響鏡頭方面，無理由買個原裝MOUNT去玩返A 鏡，遺背輕便先決，要同EOS－M3 一樣要配接環玩返原廠大機鏡的話，那就真的無意思了(當然手動老鏡除外)，真心希望SONY研發更多輕量高質的E－MOUNT鏡給用家，有無蔡牌唔重要，最緊要係能迎合各類玩家所喜愛的焦段之鏡頭。

小弟暫時用緊兩支 FE定焦 55F1.8Z 同埋支 28F20 響部 A7M2 度, 感覺非常良好。
小弟由第一部數碼單反Nikon D90到D700,再轉會到Canon 5D3再轉玩無反，接觸到A7M2後，的確是進入了另外一個世界一樣，用過才可以感受到，極力推薦此機！

機身實淨，磨沙機身唔駛點清潔
入門單反既size有全片幅同唔錯影像質素
機身好多功能都有獨立按鍵
用落順手 wifi 過相方便快捷
影靜態影像同135單鏡反光相機分別唔大
佢既操控接近傳統單鏡反光相機，所以比x-t1容易上手
配原廠閃光燈簡單易用，價錢合理
色彩同雜訊控制都另我滿意，要相同質素既全片幅相機體積同重量都要大好多，係我考慮重點之一

直倒電池夾好似好化學咁，用兩個塑膠扣扣住舊電
裝卸多幾次唔知會唔會爛

部相機用落非常好，我係連埋閃燈直倒16-35，同時間買埋富士x-t1 16-55 閃燈直倒一齊買，因為唔想係街換鏡所以有咁樣既配搭，淨講機身我覺得a7 2做得非常好，每樣想要既功能都有，又容易上手似一部縮水板既5D，影靜態嘢同人像都可以應付自如，唯獨支16-35鏡頭變形強差人意，用呢個價錢有點另人失望 不過呢個主題係機身評論，所以純機身去講係滿意 不過好機都要有好鏡配合先得，希望24-70會另我滿意
經常週圍去，行下山又或者一年去一次旅行都機不離身用既相機就越用越細由專業單鏡相機到DC，覺得輕巧越覺得啱自己，又唔係咁想係街換鏡頭，有諗過買Rx1r，全片幅又夠細，但係覺得價錢唔太合理最後揀左呢部比多小小就有更加好質素，結果用用下又再中毒連24-70都買埋，兩支鏡體積都唔算太大去旅行就最好。應該唔會玩返單鏡機，對業餘用家既我絕對夠用

之前各師兄已講晒，我非常認同。

之前各師兄已講晒，我非常認同。

之前一直想買相機，只是價錢或功能不合。
直到早幾天經過百記，見價錢上貼住照價再減，一問之下，竟然KIT SET減2千，仲有信用卡優惠，總算到了合適價格，二話不說入手了。

這幾天都在探索中，但有一個問題，之前我帶了公司的相機(RX-100)回家，在相同光源下只是iso 800，但A72竟然要1600以上，可能要再試下其他seting。

其他感受留待日後發表。

5軸防震,尤奇在手持夜拍/微距,拍片都好好用
手柄深了,手持感好過A7系列,如用重鏡/長鏡建議加直倒
對焦快了,網上有視頻比較A7與A7MK2 對焦速度
反MON不會被VF 遮擋
快門制不用屈後
標準1秒5張 不用像A7 般要SET 速度先決連拍達到每秒 5 張
自訂鍵多
nfc 係偉大發明, 勁好用
手機app 近乎無delay
可外接XLR設備, 有幾多人肯比三千幾買哩舊野

機身較厚
電量用得很快
拍片制不好按
副廠產品缺少e.g. 鏡頭/ 閃燈等

好老實SONY 個銷售是機平比你, 鏡都攞你命。先係a7 & a7mk2 差4千, 然後有自家G鏡同ZEISS，幾乎局你用ZEISS,好用而有af既焦段都出在ZEISS e.g.16-35,24-70 ,G 鏡得28-70,21(28+外接)。我就連28-70kit set 買, 對得住個價。日常生活旅行夠用。重有16+wide/fisheye 備用, 當相機設定在aps-c mode , 整體像素仍有1000萬像, 所以我覺得都合理。用得平抵用, 就要捨棄快。推介幾枝我用既緊鏡比a7mk2機主wide:samyang 14mm ,標頭 Nikon 50mm f1.8 , 微距:tamron 90mm 272e,加埋枝kit 都夠應付一般用家
將來副廠肯出鏡又是另一片景像

輕，平，又可以玩返舊鏡，同個電子水平好好，防震勁，對蕉快！

無，如果一定要搵係粒電快左d

我原本係canon fans,試完呢部之後完全覺得兩個世界，再加上用返老鏡真係成個世界晤同左，如果心大心細的朋友，你去試下先，個防震同重量會係你理想的選擇，你試下用canon mark 2,3個d影一日....

1. 有更佳的拍攝效能，對焦快而準，因為有五軸防震，適合細光圈、低光拍攝，配合OSS鏡頭效果尤其明顯(試過用佢配落我支70-200小白G鏡，真係掂！)；
2. 拍片升級至A7S水平的XAVC，並有"一定"的高ISO抗噪能力；
3. 總括而言是集A7、A7R、A7S各優點於一身的次級之選，雖然不能集大成，但每項功能都有一定兼顧(未知好事定壞事)；
4. 整體手感唔錯，一拎起部機，每個手指位都好適應，但同時亦有弊端，詳見缺點4；
5. Sony個景觀器同個Mon一向係賣點之一，呢代依然靚sharp，個Mon仲薄咗好多添，但亦有弊端，詳見缺點5。

1. 相對較笨重；
2. 好食電；
3. 個反MON冇以前咁就手，拍片粒攝錄制依然細粒得滯好難搵。
4. 手感好了，但操作差了，以前插卡槽是直向，右手持機一放低就開蓋攞到張SD卡，但家陣因為橫向，右手掌心一定會頂住，要轉手先拎到張卡！另外，光圈鈕擺咗係快門鍵前邊，可能想拍攝時更方便，但就會成日無端端會郁到個制，因為佢係凸出嚟，好難"hi"唔到！尤其你要Zoom或手動對焦，就更容易郁到！煩！
5. 景觀器同Mon係好靚sharp，但千祈唔好信！尤其拍片！高ISO下睇落去微粒噪點唔係好勁，但一放返落電腦，嘩！我接受唔到囉，所以拍片最好加個監控Mon吧。

一直用開A7R，但因為拍片為主又心大心細想入A7S，直至A7II出現，都係揀咗A7II，理由都係因為佢個五軸防震！其實睇得出SONY好想將A7嘅對焦快、A7R嘅高解像、A7S嘅超高清拍攝共治一爐，但世上又點會咁完美？冇錯個對焦比A7係快咗，影相亦緊追A7R，拍片亦好似A7S咁有XAVC。之但係，低光拍片一定冇A7S咁好，個防震只係方便影相可以快門慢啲都影得清，而高質影相其實係追唔到A7R水平的。思前想後，A7S拍片依然領先，因為佢可以低光之下亦可以高快門捕捉到動態，但講真又有幾何咁低光拍片？係都會打少少燈啦，而且防手震對hand held拍片又真係好有幫助喎！況且，A7S都出咗一段日子，好有可能會出A7SII喎 :P
最後，還是投降買了A7II... ...

5軸防震, 話4.5級, 手定的話, 絕對唔止
輕, 但新握手平衡很好, 好揸手.
NFC正, 每次影完相都即係過去手機即睇
性價比高, 我係訂機, 計埋送的, 好抵
ISO 去到6400都可用, 正
用料足, 好專業
EVF正到似OVF, 初用時醒唔起, 以為係OVF, 哈.....
Live View好快, 完全冇lag, 色同光都準
可反Mon,高低炒而家方便好多
LA-EA4配A mount鏡, 對焦反應勁快
追焦算快
可DL App用, 好玩, 實用
有USB機身充電, 可用尿袋, 旅行方便
TTL非常準
Kit lens性價比高, 抵用

用LA-EA室內同夜影用唔到自動對焦(冇對焦輔助燈)
食電, 最多影半日, 因有EVF又有Live View，實食電, 但合理可接受, 因電容本身唔大, 預咗
用trigger會好煩, 如要用TTL現時好似未有support的trigger(加adaptor除外). 但如唔使TTL, 買個通用型又好方便.
hot shoe位太多針腳, 要小心, 不然有機會弄壞

第一日出就攞貨, 去咗4次外影. 好滿意. 用開A850, 就覺得係天淵之別. 個防震勁到唔信, 真係可以手持夜影(要手動對焦). 買埋個超細有GN40的日產閃燈, 真係無敵, 仲一按就有HSS, 無敵. TTL又好準, 補光不著跡, 正到無倫.
以前用A850唔願成日影相, 而家因為機身輕一半, 有五軸防震又唔需要加直倒, 出動頻率高幾倍. A7M2真係Sony誠意之作.

1. 五軸防震，堅有用，用到 500mm 反射手持都仍然清晰。
2. NEX5 機身之後冇哂信心。而家反應，畫質，按鍵位都好，信心返哂來.。
3. 握把位置加厚，手感好，用起上黎舒適自然。
4. 機身塗料改良，不易留有指紋或污跡。
5. 金屬接環，好 Fit。
6. Kit Lens 抵用！
7. NFC 過相到手機，方便 Whatsapp!

1. 唔係講笑，半日一粒電。因為開著機，LCD 同 EVF 好食電。
2. 個EVF 上的 Sensor 好敏感，少少麈都關上 LCD，好煩！
3. ARW Raw 連自 PM 都冇得改野。要用 Phase One 既 Capture One。
4. Raw 同 JPG 分別唔大。唔知有幾 Raw。
5. 有 d Apps，唔明點解要俾錢？

用左十日，出左兩次外影，影左幾百張相。
Kit Lens 抵用不在話下。用舊 Canon FD 鏡都正。500mm Reflect 居然可以冇腳下能用。
真係一部好用易用的全片幅相機。防震勁好用！老鏡殺手！
等住個 L 架出！

1.)一定係五軸防震，我諗買佢既人一定係為左呢樣野。而個防震效能堅有用，55mm手持快門低至1/3都仍然清晰
2.)機身反應及對焦速度比起a7的確有明顯進步，冇左果種lag下lag 下或者成日都好似要load咁既感覺，用起上黎爽快多了
3.)握把位置加厚，shutter制改回前方，手感好好多，用起上黎舒適自然，手持長時間也不會令手指及手腕過度疲勞而酸軟痛
4.)機身物料改良，不易留有指紋或污跡，也沒有那麼易花
5.)或許小弟不才，暫未有發現a7的飛碟光

1.)耗電量較a7快，始終有防震，電量去得快屬意料之內，二粒電為基本配置
2.)可自訂功能鍵係多左，之但係可自訂功能只係多左只有ael/fel/防震等相關設定，並不是全部功能都可用自定鍵。。。呢個係個人問題，其他師兄未必同意

暫時用了二日多，影了過千張相，發現佢進步的地方為a7用戶所不滿或覺得不足的地方，令使用上更方便舒適。很多師兄都說因加入防震而令體積巨大了及重了而說它怎樣不好，不如真的拿上手試用一下才下定論吧！沒錯，它的確比a7大一點又重多一點，但使用時其實唔多覺，而接上鏡頭時的平衡感好好，一般的70-200 4光圈的都可以，沒有頭重尾輕，可整天手持亦不用加直倒。。當然若接上那些米加粒子砲的話則另當別論。。。另外，其實師兄們有否想過，一部全片幅相機，有防震，不俗什至可以講話好好的機身性能的相機只係600g不到，小弟實在諗唔到點解叫重，要知道c/n的最輕量全片幅也比它重，仲要冇防震。。。若真係接受唔到，那就用回c/n家的吧！至於體積，小弟自覺很合適。。可有想過如a7m2有一般dc仔的size時，會好用嗎？希望各師兄客觀一些及理性一些去看待此機，勿以品牌去斷定一件產品的好壞。
用過a7才轉用a7m2的人才會知道m2的價值

楼上Ching講矖唔，我非常認同。
主要解放手上所有老鏡。

電子EVF慢,無跟機燈,機身重！
加24/70 F4 無優勢.

手感比較重，用開5D3，這重量其實不算甚麽，以后上山下海相信輕便不少了，
Sony 真的另我改觀.