Fujifilm X-H1

評測報告

實拍照片

-極度堅固
-防震強勁
-防水防塵
-手感不俗

-持航力弱
-體積略大
-異常沉重
-屏幕略遜

本身一直使用Olympus，習慣了強勁的機身防震，手持一、兩秒絕無問題。因此初入富士X-T2時搭配35MM 1.4等定焦時不太適應，照片經常糊掉而不知。X-H1一出，令人著實有點期待。可是由於價值高昂，加上改變不大，Sensor更是跟Ｘ-T2如出一轍，令人毫無升級意欲。現在連手柄減價過半，卻正是入手的好時機。
先說機身，明顯加闊了手把，比較接近單反，手持比較舒服。而且堅固程度比X-T2強得多，我在旅行時不小心從人高的位置掉下相機，居然只是破了屏幕貼，連一條刮痕也沒留下，令人震驚。整個旅行從大雪到風沙，跌跌碰碰的，X-H1卻如新的一樣，對比下X-T2卻早已傷痕累累，可見用料確是有一點分別。
此外，真心覺得機身防震徹底解放了富士的鏡頭群。以前就算有1.4光圈也比有防震的Kit鏡，在5級防震的加持下，現在所有沒有防震的定焦鏡全部都能大放異彩。好像16-55這些徒有WR但沒有防震，焦段僅比18-55闊2mm的鏡頭，以前完全沒有想過花多幾倍價錢升級，現在卻變得非買不可。
X-H1最大的致命傷是持航力不足，一顆電池大概只能拍過200來張左右。我不會每個地方連續拍幾十張，拍完也會關機。可是半天下來，電力已少了一半，感覺比X-T2要耗電許多。
另外，+-EV掣取消了也令人有點無所適從，要按鍵再轉輪盤終究不太方便。還有屏幕感覺上比XT-2差，成像跟屏幕上看的有些出入，還是我不懂得調校？

頂級機操控
富士色彩
鏡群尚算充足

只要你接受到佢係aps-c機， 什麼而不成問題
無反用電大食

一半價錢已購買到十個月前出的機！
小弟已有全篇幅也玩過m43， aps-c， 三大廠加olympus，
未玩過富士機，
見減價再加一支35 1.4R，
Xt3雖然係新sensor，
但見xh1平過佢， 純粹試玩下， 咪買嚟試下囉 !
佢整體操控和相片質素唔錯
雖然佢直到套裝送多兩粒電，
影相玩一兩日絕對冇問題，
如果你想拍片與多三粒電！
我都係主要影相問題不大！
而家依個價錢以價論貨，絕對抵玩！

高iso可用
Xtran3中 輸出最優異的一副Body
ibis 有料到 fuji apsc中只此一家
ibis 不只解放旗下所有定焦。更加加持了所有舊鏡
p.s.富士肉體加上nikkor non ai 、ai、ais一眾菲林年代手動鏡。比起富士任何一支XF鏡出到來都更有菲林味道
按鈕、轉盤位置專業， 經自行調配之後比專頁單反更加快捷
超輕快門， 可減低近快門時的震動

對焦相比旗艦單反還是差少少
必需加裝電池手柄才是完全體，這是最大的敗筆， 相信很多 改投T3懷抱的亦是因為這個原因

此機對一般攝影工作已經勝任有餘
如: 人像攝影、新聞攝影、 風景或野外攝影， 均能應付
機身防震非常有用， 對於小弟這種本來雙手已經比較穩定的人來說， 拍片已經完全不需要外加避震器

小弟本來想給你部相機四星半， 可惜沒有這個選項

而此機欠缺那半顆星的原因是， 在稍為沒有那麼光的環境底下， 對焦會失準， 在夠光的情況下就沒有這個問題

很多人會將這部H1和T3作比較， 純以攝影作比較 h1贏的是有機身防震和專業的外觀設計， 例如機頂顯示器， 有機身防身沒有機身防震最大的分別是 , 當使用沒有防身的鏡頭時，可以用較低的iso , 即時可以得到雜訊比較少的相片， 這一點對畫面有要求的用家或是商業用家來說很緊要

因為小弟比較好奇， 所以h1和t3都入手了
但如果兩部只能選一部的話，我會選擇H1
H1只是輸少少對焦速度 , 但其他功能和操控都比T3全面

1) 5級防震，我最多1/2秒手持影到，1/5秒影10張10張都OK 我用55mm影 (16-55 2.8)
2) 肩屏實用，資訊清晰
3) Touch Screen - Touch AF可用，用EVF 可Touch Screen選對焦點，亦設有Joystick可用
4) 一貫富士作風 - 自動白平衡同顏色優秀
5) 自定義按鈕完善(终於) - 前後輪已可設定光圈、ISO、曝光補償、快門；富士經常比人話對焦慢，一大半係佢電子性能真的比人差，另外就係佢嘅操作模式令佢更慢。XT2已有改善，X H1更好!!
6) EVF好清晰，但一定要用效能提升
7) 快門很輕 - 間接令防震更有效，習慣了後感覺良好

1) 握位大左吾等如舒適左 - 主要係握位不夠長，再長多5-10mm較好，雖然我尾指放到，但太迫，手持耐D時感覺比XT 2加手抦差
2) 重 - 機身太厚，減3-5mm較好，重量減至600g以下會好D
3) 屏幕不能自拍，我寧願用X T100隻反Mon，而家呢類Mon只適合專業攝影師用，你估專業攝影師多定業餘用相機的人多？Canon明白這點，所以佢Market Share最多!!
4) 電量如倒水一樣 - 你吾用效能提升會好D，但都吾係好好多。如你吾用效能提升，你会見到個Mon 好lag，但不影響拍攝，這是富士獨有的慳電模式，真攞命!! 用效能提升對焦會快D，E V F會順D，不用加电池手把已可用，好多人覺得無分别，但我试過係有的...(富士對焦吾係快，快多D D就D D，唯有買多幾舊電)我真不明白點解吾做新電？部機咁大部大把位啦！! Sony A9 同 Olympus Em1 Mark II 都換了新電加大了電量!!

以前有用過XT1、XT2 接近一半以上嘅富士鏡頭有用過 最愛56 1.2同 16-55 2.8 因等錢用全賣了，16 - 55最大嘅問題係無防震同埋重；X H1可解放支鏡，但兩樣加埋嘅重量已等同全幅無反機加24-70 F4 或 24-105 F4 以前得SONY 而家有Canon Nikon 仲有將來的Panasonic 而且連比佢輕嘅X T3都出埋，除了機身防震，其他功能都比X H1好；
所以近期有大量XH 1 放售，我就係咁買左部2手返唻...點解我要買? 因為我窮...而且我愛機身防震(富士吸光比其他牌子强，機鏡都無防震，暗些少影死物都會喪用高ISO)、富士色彩同自動白平衡。另外，APSC之中無論鏡頭同影像質素富士都係No.1 唯一機身對手係Nikon D500 所以D人咁鍾意將佢同全幅比較(但鏡頭重量富士都係No. 1)。如X T3有機身防震，我绝對會選X T3!! 加埋手抦都輕過XH1 重點係手感可能比佢好!!
另外我都有摸過以上嘅全幅無反機，Sony A7 III 同 Nikon Z7 手感很差，比X H1更差；Canon R 手感一流，連隻手比我大嘅朋友都话正(富士請參考下)，可惜影人面色偏紅，操作太依賴屏幕吾係我柸茶。況且要買全幅不如買返富士中幅，現在機價已見曙光，鏡頭價同全幅一樣過萬一支，等佢3至5年，價位回落就係入手之時，定焦用中幅，變焦用APSC，都咪話吾爽!!
現時操作上我覺得X H1比較適合我，雖然佢生不逢時，一出同XT2相差吾遠，又比XT3趕上...總括唻講，佢共實係一部好機，希望富士放多D firmware upgrade比部XH1，吾好比佢剩係做到8個月嘅旗艦機啦!!

1.外型及手感一流
2.有副屏，方便看setting
3.防震超強，真係足5級
4.快門超輕，加埋超強防震，1/10完全無問題，間中１秒都得
5.有touch mon，拍片對焦過渡順暢
6.超靚evf

1.快門太輕，好似靜音快門，沒有xpro2或xt2等爽快感覺。（建議好似單反咁，可以選擇靜音快門還好!）
2.無180度反芒，與其做打直90度反芒，點解唔做個向左180度反芒
3.畫質、對焦速度、連拍...無進步過！
4.evf放大後，沒有想像中清晰
5.貴，差不多買到部A73

本身是xpro2用家，對xh1真箇有少少失望！雖然知道都是同一粒cmos，但始終是最新旗艦，以為畫質、對焦速度會有少少進步，點知真係分別不大！（抑或要讚富士對舊機實在太好，俾我部xpro2可以更新到有xh1既質素）

13k買aps旗艦機算唔算好貴?！其實唔算，只是A73太超值！但問題是sony個系統一向是機身平，鏡頭又大又貴！相反，作為xpro2用家，仍然選擇xh1既原因，是因為富士鏡頭個系統實在平靚正！買sony三支大三元既價錢，差不多可以買齊富士大部份常用既鏡頭，例如10-24，16.4，35.4，56.2，16-55，50-140，100-400...

用13K入埋XH1，係因為機身手感和防震功能，可以用盡富士整個平靚正的鏡頭群組！

不過APS始終是APS，同FF有一定分別！

性能均衡
Jpg直出畫質無問題
高ISO表現真係好用
外觀簡直一流
好揸手
機身重量合理
雙SD卡安全
防震掂
日夜對焦準確
自動白平衡掂
光學觀景器可職場睇畫面變化
方便調較快門,iso,轉場景,等等掣

電量壽命就唔掂
可惜無咗個EV掣

用數碼相機12年, 最滿意係依部機, 最主要啲相係唔使執，裝埋支定焦鏡又唔算重！輕鬆去旅行