Nikon Z6

評測報告

實拍照片

因為我有用菲林F3家裡有很多Ai Lens ，
以往用D800 Df D3s D500 有加DK-17M ，都覺得好難對中焦，可能有師兄話……中焦觀景器有提示，但其實用落係唔理想由期用1.2/1.4光圈（無近視老花）。
現在換左Z6一天都光曬，有峰值對焦，可以選擇顏色及 靈敏度。比用裂像對焦/黃點對焦還好用……

电量很好。幾百張不是問題！

對焦速度係一個考驗……因為早前用D500 買落AFP Len ,如果用上AFP 鏡(1855/70300/1020)我感覺到其對焦速度係同D500 一樣。剛剛也試過Z85S 及85 1.8G 係兩個世界，Z85S 只係用0.幾秒就對到焦，我覺得只是慢D5+200/2少少。只要用啱鏡頭Z system其實可以對焦好快。

可以食左好多Mount ,仲唔到 nikon 威返次…終於做到。可以玩老鏡！

機身比同級單輕及細部。

有可以用USB叉电，旅行唔洗帶多個叉機。

仍然用返nikon 以往menu,立即上手。
有兩個function 掣在右手位置，好好用……自訂的，我就set 一個係自定menu 一個係放大……方便我用AI 鏡。

機價平，201909買入full set mount 連kit鏡18000，送32gb card + card reader + 电池。如果淨機13000。萬八蚊一套連機連鏡仲有個轉接Fmount…仲想點！

Iso 強勁，夜晚10000～12800+支50G 1.4常用，無得輸！

可以用返舊有閃燈……不用煩要。

有眼球人面對焦，雖然對sony用家不是新野，但好好用好準。

可以用返舊AFS AFP鏡有自動對焦，對一些新手/舊nikon 用家多好多鏡頭選擇。

出來既色水幾好，沒有D800的淡色，也不是D3S D200的那麼濃，直出已經好好看。

連接手機比過往的D500做得好左，沒有像D500般成日斷線又認唔到！現在可以過Raw 檔！

好揸手，相機好揸手係好重要的…如果像Df 無左個握手位其實揸得耐會好累。同右手食指可做一個支撐點握住部機！

XQD 可能有師兄會覺得係缺點，但其實這又不是鏡頭，不需要換……買兩至三張就算貴少少都係一次性，因為唔洗換。更可況現在出機有張32GB及Reader 送其實都夠用，唔夠咪買多一張64，除非你做job 。

期望有更多Z mount新鏡，因為現在真係比較少。法蘭距可以做出比F mount 好很多的鏡頭。

很少副廠轉接環選擇…及副廠移軸環！

未有副廠鏡頭，就算有…畫質都可能遠遠不及原廠，不過起碼有得選擇！

用左十二年nikon 由 D80 開始…又有用 F3,F100,ef,Df,d800, d3s,D500,d200, J2, V1，z6 加支 2470/4去旅行出外真係好用…用無反都係 貪佢夠輕夠細仲要畫質好，攝影係興趣…太重真係會唔想拎出街用！
就算換支2.8都唔係太重，日後可考慮！

Nikon.Z 起步係比人遲，但就因爲咁…佢唔會有 唧牙膏既做法，如果仲用唧牙膏既做法就會不成氣侯…會被淘汰！
所以覺得係直得投資在這個系统！

由Z7 出售計起…至現在已一年，用家都沒有什麼系統上的問題，所以先買入Z6，
z system 只是剛剛開始…睇得出係精心設計，日後有很大發展空間！

配支2470 f4 又輕又細 隨身掃街好輕鬆
f4 已經好夠用 2.8太大支 失去左便攜性 而且本身就用開Nikon 要用到2.8 我會帶返2.8 e+750
最開心嘅係 終於有機身防振 幾支中長定焦 如85 105 135 加轉接環 使用變得輕鬆好多 唔使就安全快門去推高iso
始終係新型號 畫質 感覺比同級750(同為2400萬像)細緻少少

唔....暫時未覺有

快樂使用中
其實好多所謂缺點 係睇你點用點選擇
電池續航 z6用evf 當然係比單反(光學 唔使電)食電 兩樣唔同層面嘅野 冇得比
鏡群不足 2470 35 50 85 基本上一般人都已經夠用 若用到200-500或超遠定焦 用得咁大支鏡 我諗都唔會care用返單反body 無反嘅輕量已經冇意義 我自己用支300 4e 除左新買z6時 上過落z兩次 再用時已經直接啪返落750度用(笑)
少寫用後感 講住咁多先
單反 無反 係兩樣野 唔好放上天秤比較

1 - ISO 12800輕鬆用,後期除Noise亦保留好多細節(相機Setting要較關閉-低)
2 - Mon夠大夠靚,EVF表現好好,基乎無延遲,極細緻
3 - 操控感非常好,反Mon、觸控menu及對焦點、機身按鈕集中右邊、自訂按鍵夠多, 其實Nikon機身操作一直都唔會令人失望
4 - 握把位夠深,放鬆拎都唔會跌
5 - 防塵防水滴級別同D850同級 (下面會再講)
6 - 對焦算快 , 但比唔上D850 及 D5
7 - 電量不錯 , 當然無得同單反比 , 但最多試過影922張 , 最少影5百幾 , 官方謙虛左好多
8 - 有Picture Control 玩 , 可以上網自己set profile風格檔再擺入相機(其他牌子未玩過唔知有無,當住Nikon 優點先)
9 - 新處理器同Sensor 畫質非常好,影風景好有立體感 (如用Ultra-wide 感覺更強烈)
10 - 拍片質素優異、4k無crop、10bit、後製空間極大 (呢方面會優勝於a73)
11 - 講拍片一定要講IBIS , 手持24mm基本上你慢慢行已經無問題 (IBIS感覺作用好過a73)

1 - 低光對焦唔算可靠, -3EV 唔多夠用 , 暗位會拉風箱
2 - XQD , 單卡唔係問題 , XQD本身比SD 可靠好多 , 問題係支援比較煩 , 又要另外插Card reader, 買多張又貴
3 - 3大廠同級別最貴 ( 但個人覺得值呢個價 )
4 - Z系鏡群未完整 , 要有耐性

6年前買第一部Nikon 單反 D7100 , 一切都唔錯 , 係有次出意外機身連鏡都爛晒 , 所以換機 , 但驚訝係快門同內置功能完全正常 , 真係好實淨

換機時遇上無反興起,同為APSC 所以轉會Fujifilm , 操控唔差 , 好有影相感覺 , 鏡頭質素好 , 發色吸引 , 如果非工作需要影小品生活相 , 首選會係富士。

等到Nikon終於生性出第一部FF無反機,反覆思索下重回Nikon 旗下
一上手所有感覺不變,操作依舊,握持感十足,紮實,你會覺得係一部陪到你去任何地方創作嘅相機 (個人認為Canon同Nikon係呢方面做得最好)

呢個夏天,香港發生咩事大家都明白,Z6 亦陪我走過大大小小場景,不論雨水定其他水,Z6 食完都無扭計,呢方面真係要大讚weather sealing 做得好好
當然我都錫機, 返去會抹乾淨吹乾放防潮箱 , 長用長有

最後呢篇心得係俾舊Nikon用戶 或者 1516唔知a73定Z6好嘅師兄姐睇
因為Nikon單反無反都用過 , 我會覺得Z系列係一個時代革新 , 於質素同攜帶性之間搵到出路 , 保持舊有優點 , 捨去以往缺點 , Nikon明白呢個係不能置身洪流以外嘅決定。

雖然Z系仍有不足 , 但作為Nikon 第一部FF無反 , 已經俾左好多信心用家 , 機身防震令舊有老鏡得以重生 , 55mm巨大接口同16mm極短法蘭距 , 令廠商造鏡 或 轉接環時有更大彈性 , 可見Nikon野心同展望

買機其實唔係睇優點有幾多 , 而係睇缺點自己接唔接受到 , 如果上述所講對您唔係問題 , 或者會適應到 , 咁就可以放心買 , 論質素同操作 , 唔會後悔。

1.手感好, 起初諗住sony 同佢之間咁簡, 一來本身nikon dx用家, 用開有感情
拎上手抯真係好有親切感
2. ISO 高, 比相像中好, 估唔到衣家已上到幾萬iso 都可用, 實情上大多12500 留下已經又清又靚, 肉眼睇見較暗既環境, 拍出黎景然可以又光又清, 當然越暗則noise越粗粒, 但12500樓下 iso 真係可好OK, 若配上大光圈定蕉, 閃光燈我諗百份百不需要了, 全部手持攪掂
3. 配上Z靚, 對蕉快, 靜, 輕, 本身Z境個質素都好高, 但另有支sigma 35 f/1.4, 家陣sigma art 系列好高質, 但缺點就是重
4. Touch mon snap shot, 用傳統窗口構圖又得, 用個mon 即睇即影又得, 但用mon 就篤一篤想snap 既位就自動對蕉, 呢點比視窗加joystick 杆上下左右來得快同方便好多
5 , 機身防震, 呢樣正, 配上定蕉鏡又穩定又大光圈, 手持已經可影各式各樣環境, 若配上本身有幾級防震既鏡就更加無得頂

1. 開機至snap shot 好似比DSLR 慢左少少
2. Shutter 聲DLSR d500/d7xxx 系例果D 爽好多, 咁算唔算缺點, 但換個角度, 想要靚時候又無反先做到silent 拍攝
3. 電量比DLSR 低左截, 一定要買多舊士啤電, 或電袋
4. 得XQD Slot, 呢樣最失敗, 明局用家買多張xqd card

整體好好, 希望快出部dx 格式既無反, 入手埋拍sport, wild 題材好似好過FF 機, 因dx 機既鏡群較輕, 同 x 1.5 倍, 拎支150-600 * 1.5 x 1.3 dx , 你話再加支2x tele, 可以zoom 到幾近呢...
再加上無反應該呢一代開始已基本咁跟埋機身防震, 呢樣十分有用, 配合新一代Processor, 可提供高ISO 處理, 普通出街影跟本唔需要諗帶埋腳架了

優點唔多講, 因為之前咁多個POST巳講哂.

我唔拍片, 只係用Z6來同太太私影, 及影一D EVENT. 最大問題係唔知幾時個VIEWFINDER會FREEZE.(輕機). ON/OFF制開關4次, 按快門制冇反應, 重開後機頂LED會有ERR出現.

這個情況依半年耐出現咗兩次, 第一次係Z35 1.8S. AFC DYNAMIC H+, 第二次係Z24-70 2.8S, AFS, 單點 H+. 第二次果時係幫一個機構影EVENT, 要交相. 因為唔知幾時會輕機, 所以出JOB的攝影師一定要帶後備機.

1. 觀景器好__正，所以放第一點，好舒服，比富士仲要好睇，好似睇緊真野咁。
2.高ISO正，6400輕鬆用。
3.1Nikon既Live View終於對到焦!!!!!
3.2Nikon拍片終於對到焦!!!!!
3.3焦速度ok，好自然，冇D500同850咁快，但都吾差得佢地幾多，比750同810快。
3.4追焦都吾差，一般情況用都吾會點甩，就算甩左都會好自然咁對番焦，冇呼吸效應。
4. 操作同手感同Nikon單反差吾多，我上一部係850，轉過去啲制基本一樣，應該係同D5,D500,D850同一代既擺位，用上手吾洗熟習期，但如果由上一代升可能要少少時間(D750,D4s,D610,D810)。
5. 防震吾錯，1/10都有六七成ok(本人手震黨，平時用開1/60安全快門)
6. Wifi過相終於用得到，以前用500同850經常用吾到。
7. 白平衡準，Nikon正常發揮。
8. 成部機用番Z鏡都好好揸。
9. 旅行一機一鏡搞掂。
10. 吾知算吾算...出左接環可以用Sony E mount鏡，相信遲啲可以接更多廠既鏡頭。
11. 法蘭距短，有機變成最強萬能插。
12. 電都算夠用，冇850咁勁(去旅行三日可以吾差電)，但都算夠用，話曬都電子野，平均每日都用吾曬啲電，但都有每日差電。整體冇spec講得咁差，試過影model，七百張raw左右先冇電。

1. 如果有得用細區域嘅眼部對焦更好，而加眼部對焦要用全區域先用到，有時佢會對吾到焦，認吾到人，但用細區域黎對焦又冇左眼部對焦，呢方面用得冇咁爽。
2. 用左兩個幾月，Fn1,2格黎啲蒙皮已經花花地，物料有待改善。
3. 開機時間有啲耐，同富士果啲機仔(XE3)差吾多。
4. XQD好貴，用番SD單卡都比佢好。
5. 鏡頭群少同偏貴，支35都成六千幾蚊...質素係好好，但好貴囉，Canon支35又細支又輕又有少少微距先好似三千幾，贏成半條街。
6. 接環吾支持D鏡，按理黎講Nikon整番個有摩打既接環應該吾難的。
7. Z mount鏡出得有啲慢吧...而加先得五支。

小弟由Nikon既D3200，轉做OM既EM5，再番Nikon用D500同DF，跟手上埋850，突然覺得太重轉左富士，到而加番番黎Nikon用Z6，早排用朋友部850，真心覺得好重。850作為同價位既機(機身同Z6套裝差吾多價)，基本上係好過Z6的，但佢真係好重，而且拍片都預左要手動。富士係好輕，鏡頭亦都保值，但好可惜既係暗位對焦，iso等表現真係吾掂，我有一次係工作上要影下舞台劇咁，iso3200已經吾掂，當時已經用緊最高級既XT3同50140，仲要好多時都對吾到焦，之後就決定番Nikon既懷抱了。轉左Z6之後，成部野輕左，像素係冇咁高，但吾係影商業野絕對夠用，好啱業餘玩家用，係750升級既好選擇，鏡頭係少啲，但常用焦距都算有，支35好好玩，而且係我寫呢篇野既呢一刻啱先出左E mount既接環，可以用到sony鏡，有吾少平價既輕便鏡頭可以用(sony 28f2,sigma 70f2.8, samyang45f1.8)，全部都只係三千左右，作為日常鏡的確吾錯。
ps.吾轉sony係因為機身手感同埋menu既反人類設計 XD

作為Nikon既第一代無反，冇同期既A7iii咁勁係人之常情，但一啲都吾失禮，要有既佢都有係度，對焦正常，有臉部追焦，高iso用得又高DR。正常既平民玩家絕對夠用。法蘭距既減少同口徑既增加，睇得出Nikon係仲有後著既，比佢出多幾代應該同Sony有得鬥下。