配支2470 f4 又輕又細 隨身掃街好輕鬆
f4 已經好夠用 2.8太大支 失去左便攜性 而且本身就用開Nikon 要用到2.8 我會帶返2.8 e+750
最開心嘅係 終於有機身防振 幾支中長定焦 如85 105 135 加轉接環 使用變得輕鬆好多 唔使就安全快門去推高iso
始終係新型號 畫質 感覺比同級750(同為2400萬像)細緻少少

唔....暫時未覺有

快樂使用中
其實好多所謂缺點 係睇你點用點選擇
電池續航 z6用evf 當然係比單反(光學 唔使電)食電 兩樣唔同層面嘅野 冇得比
鏡群不足 2470 35 50 85 基本上一般人都已經夠用 若用到200-500或超遠定焦 用得咁大支鏡 我諗都唔會care用返單反body 無反嘅輕量已經冇意義 我自己用支300 4e 除左新買z6時 上過落z兩次 再用時已經直接啪返落750度用(笑)
少寫用後感 講住咁多先
單反 無反 係兩樣野 唔好放上天秤比較

1 - ISO 12800輕鬆用,後期除Noise亦保留好多細節(相機Setting要較關閉-低)
2 - Mon夠大夠靚,EVF表現好好,基乎無延遲,極細緻
3 - 操控感非常好,反Mon、觸控menu及對焦點、機身按鈕集中右邊、自訂按鍵夠多, 其實Nikon機身操作一直都唔會令人失望
4 - 握把位夠深,放鬆拎都唔會跌
5 - 防塵防水滴級別同D850同級 (下面會再講)
6 - 對焦算快 , 但比唔上D850 及 D5
7 - 電量不錯 , 當然無得同單反比 , 但最多試過影922張 , 最少影5百幾 , 官方謙虛左好多
8 - 有Picture Control 玩 , 可以上網自己set profile風格檔再擺入相機(其他牌子未玩過唔知有無,當住Nikon 優點先)
9 - 新處理器同Sensor 畫質非常好,影風景好有立體感 (如用Ultra-wide 感覺更強烈)
10 - 拍片質素優異、4k無crop、10bit、後製空間極大 (呢方面會優勝於a73)
11 - 講拍片一定要講IBIS , 手持24mm基本上你慢慢行已經無問題 (IBIS感覺作用好過a73)

1 - 低光對焦唔算可靠, -3EV 唔多夠用 , 暗位會拉風箱
2 - XQD , 單卡唔係問題 , XQD本身比SD 可靠好多 , 問題係支援比較煩 , 又要另外插Card reader, 買多張又貴
3 - 3大廠同級別最貴 ( 但個人覺得值呢個價 )
4 - Z系鏡群未完整 , 要有耐性

6年前買第一部Nikon 單反 D7100 , 一切都唔錯 , 係有次出意外機身連鏡都爛晒 , 所以換機 , 但驚訝係快門同內置功能完全正常 , 真係好實淨

換機時遇上無反興起,同為APSC 所以轉會Fujifilm , 操控唔差 , 好有影相感覺 , 鏡頭質素好 , 發色吸引 , 如果非工作需要影小品生活相 , 首選會係富士。

等到Nikon終於生性出第一部FF無反機,反覆思索下重回Nikon 旗下
一上手所有感覺不變,操作依舊,握持感十足,紮實,你會覺得係一部陪到你去任何地方創作嘅相機 (個人認為Canon同Nikon係呢方面做得最好)

呢個夏天,香港發生咩事大家都明白,Z6 亦陪我走過大大小小場景,不論雨水定其他水,Z6 食完都無扭計,呢方面真係要大讚weather sealing 做得好好
當然我都錫機, 返去會抹乾淨吹乾放防潮箱 , 長用長有

最後呢篇心得係俾舊Nikon用戶 或者 1516唔知a73定Z6好嘅師兄姐睇
因為Nikon單反無反都用過 , 我會覺得Z系列係一個時代革新 , 於質素同攜帶性之間搵到出路 , 保持舊有優點 , 捨去以往缺點 , Nikon明白呢個係不能置身洪流以外嘅決定。

雖然Z系仍有不足 , 但作為Nikon 第一部FF無反 , 已經俾左好多信心用家 , 機身防震令舊有老鏡得以重生 , 55mm巨大接口同16mm極短法蘭距 , 令廠商造鏡 或 轉接環時有更大彈性 , 可見Nikon野心同展望

買機其實唔係睇優點有幾多 , 而係睇缺點自己接唔接受到 , 如果上述所講對您唔係問題 , 或者會適應到 , 咁就可以放心買 , 論質素同操作 , 唔會後悔。

1.手感好, 起初諗住sony 同佢之間咁簡, 一來本身nikon dx用家, 用開有感情
拎上手抯真係好有親切感
2. ISO 高, 比相像中好, 估唔到衣家已上到幾萬iso 都可用, 實情上大多12500 留下已經又清又靚, 肉眼睇見較暗既環境, 拍出黎景然可以又光又清, 當然越暗則noise越粗粒, 但12500樓下 iso 真係可好OK, 若配上大光圈定蕉, 閃光燈我諗百份百不需要了, 全部手持攪掂
3. 配上Z靚, 對蕉快, 靜, 輕, 本身Z境個質素都好高, 但另有支sigma 35 f/1.4, 家陣sigma art 系列好高質, 但缺點就是重
4. Touch mon snap shot, 用傳統窗口構圖又得, 用個mon 即睇即影又得, 但用mon 就篤一篤想snap 既位就自動對蕉, 呢點比視窗加joystick 杆上下左右來得快同方便好多
5 , 機身防震, 呢樣正, 配上定蕉鏡又穩定又大光圈, 手持已經可影各式各樣環境, 若配上本身有幾級防震既鏡就更加無得頂

1. 開機至snap shot 好似比DSLR 慢左少少
2. Shutter 聲DLSR d500/d7xxx 系例果D 爽好多, 咁算唔算缺點, 但換個角度, 想要靚時候又無反先做到silent 拍攝
3. 電量比DLSR 低左截, 一定要買多舊士啤電, 或電袋
4. 得XQD Slot, 呢樣最失敗, 明局用家買多張xqd card

整體好好, 希望快出部dx 格式既無反, 入手埋拍sport, wild 題材好似好過FF 機, 因dx 機既鏡群較輕, 同 x 1.5 倍, 拎支150-600 * 1.5 x 1.3 dx , 你話再加支2x tele, 可以zoom 到幾近呢...
再加上無反應該呢一代開始已基本咁跟埋機身防震, 呢樣十分有用, 配合新一代Processor, 可提供高ISO 處理, 普通出街影跟本唔需要諗帶埋腳架了

優點唔多講, 因為之前咁多個POST巳講哂.

我唔拍片, 只係用Z6來同太太私影, 及影一D EVENT. 最大問題係唔知幾時個VIEWFINDER會FREEZE.(輕機). ON/OFF制開關4次, 按快門制冇反應, 重開後機頂LED會有ERR出現.

這個情況依半年耐出現咗兩次, 第一次係Z35 1.8S. AFC DYNAMIC H+, 第二次係Z24-70 2.8S, AFS, 單點 H+. 第二次果時係幫一個機構影EVENT, 要交相. 因為唔知幾時會輕機, 所以出JOB的攝影師一定要帶後備機.

1. 觀景器好__正，所以放第一點，好舒服，比富士仲要好睇，好似睇緊真野咁。
2.高ISO正，6400輕鬆用。
3.1Nikon既Live View終於對到焦!!!!!
3.2Nikon拍片終於對到焦!!!!!
3.3焦速度ok，好自然，冇D500同850咁快，但都吾差得佢地幾多，比750同810快。
3.4追焦都吾差，一般情況用都吾會點甩，就算甩左都會好自然咁對番焦，冇呼吸效應。
4. 操作同手感同Nikon單反差吾多，我上一部係850，轉過去啲制基本一樣，應該係同D5,D500,D850同一代既擺位，用上手吾洗熟習期，但如果由上一代升可能要少少時間(D750,D4s,D610,D810)。
5. 防震吾錯，1/10都有六七成ok(本人手震黨，平時用開1/60安全快門)
6. Wifi過相終於用得到，以前用500同850經常用吾到。
7. 白平衡準，Nikon正常發揮。
8. 成部機用番Z鏡都好好揸。
9. 旅行一機一鏡搞掂。
10. 吾知算吾算...出左接環可以用Sony E mount鏡，相信遲啲可以接更多廠既鏡頭。
11. 法蘭距短，有機變成最強萬能插。
12. 電都算夠用，冇850咁勁(去旅行三日可以吾差電)，但都算夠用，話曬都電子野，平均每日都用吾曬啲電，但都有每日差電。整體冇spec講得咁差，試過影model，七百張raw左右先冇電。

1. 如果有得用細區域嘅眼部對焦更好，而加眼部對焦要用全區域先用到，有時佢會對吾到焦，認吾到人，但用細區域黎對焦又冇左眼部對焦，呢方面用得冇咁爽。
2. 用左兩個幾月，Fn1,2格黎啲蒙皮已經花花地，物料有待改善。
3. 開機時間有啲耐，同富士果啲機仔(XE3)差吾多。
4. XQD好貴，用番SD單卡都比佢好。
5. 鏡頭群少同偏貴，支35都成六千幾蚊...質素係好好，但好貴囉，Canon支35又細支又輕又有少少微距先好似三千幾，贏成半條街。
6. 接環吾支持D鏡，按理黎講Nikon整番個有摩打既接環應該吾難的。
7. Z mount鏡出得有啲慢吧...而加先得五支。

小弟由Nikon既D3200，轉做OM既EM5，再番Nikon用D500同DF，跟手上埋850，突然覺得太重轉左富士，到而加番番黎Nikon用Z6，早排用朋友部850，真心覺得好重。850作為同價位既機(機身同Z6套裝差吾多價)，基本上係好過Z6的，但佢真係好重，而且拍片都預左要手動。富士係好輕，鏡頭亦都保值，但好可惜既係暗位對焦，iso等表現真係吾掂，我有一次係工作上要影下舞台劇咁，iso3200已經吾掂，當時已經用緊最高級既XT3同50140，仲要好多時都對吾到焦，之後就決定番Nikon既懷抱了。轉左Z6之後，成部野輕左，像素係冇咁高，但吾係影商業野絕對夠用，好啱業餘玩家用，係750升級既好選擇，鏡頭係少啲，但常用焦距都算有，支35好好玩，而且係我寫呢篇野既呢一刻啱先出左E mount既接環，可以用到sony鏡，有吾少平價既輕便鏡頭可以用(sony 28f2,sigma 70f2.8, samyang45f1.8)，全部都只係三千左右，作為日常鏡的確吾錯。
ps.吾轉sony係因為機身手感同埋menu既反人類設計 XD

作為Nikon既第一代無反，冇同期既A7iii咁勁係人之常情，但一啲都吾失禮，要有既佢都有係度，對焦正常，有臉部追焦，高iso用得又高DR。正常既平民玩家絕對夠用。法蘭距既減少同口徑既增加，睇得出Nikon係仲有後著既，比佢出多幾代應該同Sony有得鬥下。

比傳統單反相比 對焦範圍更闊
毋需擔心走焦問題
EYE AF快而準
算係叫慳電 一粒電可以影1000張以上

追焦比Z7差
待機起動時間比單反長 有機會錯過重要畫面
14bit raw 只有9fps
CMOS後製空間只比D750好小小 有點失望
機身設計較古怪
蒙皮物料不耐用
單卡槽
直幅手柄一直無回音

對焦如果識set嘅話 其實佢嘅咬焦能力唔會比D810差好多
不過Z6 Z7 始終都係死兩樣嘢: 價錢 單卡槽

1-高iso可隨便用
2-高速連拍一秒12張raw
3-機身輕巧紮實、made in Japan
4-機身有好強防手震，可用舊鏡更勝一籌
5-也有峰值對焦， 手動老鏡更勝一籌
6-新Z接環入光更多冇得輸
7-對焦快狠準

1-張咭貴
2-我本身用開D5，Z6影完回電係慢單返小小
3-電量麻麻，一電量大约500、600張，同D5叉好遠
4-鏡頭未算齊要慢慢等
5-原創nikon轉接環樣衰

我本身用的Nikon D5 。近日5月份Z6減價價錢真係好吸引， 入手一部玩下。Z6 iso 控制得非常之好，可勝D5。 這個價錢，高速連拍同D5有得揮， 係拍攝完回電始終慢D5多少。 但係明白的始終係無反， 可以換來輕巧裝備。 如果大家想要一部高iso高速連拍嘅相機可以推薦這一部Z6給大家

埸景選擇玩味十足
單點時對焦更快更準
AWB非常準
介面一貫NIKON作風，用開Nikon糸統易上手。

單點對焦連拍50張有2~4張追唔到(無反嚟講巳經好好)。
無強制外閃(閃唔閃想係我話事而唔係機話事，但估要熄咗閃燈setting先可強閃)。
人面膚色當有DD唔夠光時，如返D800e,D7100有時出現死灰情況。

Z糸列果然輕量化又keep到質數，不似另兩家本末倒置(機輕鏡重)，咁買無反把鬼。
but…Z系列亦有D嘢無咗…
Z6經過一次嘩鬼旅行測試後，望落D相就算放大亦清晰，聞相都得。其實一部新機滿唔滿意佔咗一定程度係你以前用開乜機，Z6畫質比到我係有D750 feel。
如用開D8 xx系列如入Z系列，Z7會啱D。
D相睇嚟睇去好似有D唔同咗，我E幾日朋友同我傾開終於唸到，係無咗Nikon味，我睇似近A7+sonyzeiss鏡，唔通係cmos有關
用家一員的我希望nikon唔好為咗EVF,VF大咗而取消內閃燈，對於影開家庭相一眾真係好唔方便，我真係為咗內閃令我對D850卻步，同埋最終都係放埋Z6，需從投D810中

1) KIT鏡質高 (中間到邊位都SHARP)
2) 機+鏡的SIZE及重量平均 (比A7III好)
3) Lens Roadmap 啱自己 (小三元, 高質1.8)
4) 手柄SIZE及蒙皮手感非常好 (A7iii較小最不好渣, EOS-R更深一點但沒手感)
5) 外觀睇相唔靚仔, 但實物好低調耐看, 扎實穩重 (A7iii 及EOS-R 感覺好膠不夠扎實)
6) IBIS. 好緊要, 任何鏡都有不同程度防震. (EOS-R繼續擠牙膏)
7) JPG 直出色水己經好靚, 好有立體同層次感, 特別是風景照. 比以前用的APSC /M43機出色很多.
8) AUTO WB 接近現進氣氛, 不會過黃過白,
9) 拍片無CROP. 影相或影片中途切換唔會影響構圖. (EOS-R繼續擠牙膏)
10) XQD 過相快速. 比SD硬淨, 我覺得係優點 (行送CARD READER 同32GB, 夠晒我1日EVENT)
11) Viewfinder 夠大. Screen 細緻 (明顯比A7iii好, 跟EOS-R差不多, 但EOS-R試2部間中都有LAG)
12) weather sealing : 不夠彊自己試. 但網上REVIEW NIKON 的weather sealing 係好惦

1) 人瞼 : 5月中才有眼控. WIDE 模式才有人瞼對焦, 而且人臉移動快點時. 個框係跟得塊面唔夠貼
2) 對焦 : WIDE模式的的框格太大, 感覺唔肯定係對緊邊度. A7iii 的泡泡對焦精準度完勝
3) P MODE :可能因為IBIS強勁. 室內稍稍唔夠光用P MODE會調到快門好慢都唔加ISO. 如低過1/20
剛買無為意, 背景好定但影人快拍便容易有鬼影,
4) 單咭槽: 我每次都會過相, TOUCH WOOD用咁多咭都未出事, 對我來說不是大問題.
5) 價錢: 比A7iii及EOR-R高.

未試機前偏好.
A7iii > EOS-R/RP > Z6

試機後偏好
Z6 >= A7iii > EOS-R/RP

同場試玩過3個brand,
A7iii 對焦完勝 (明顯比Z6 及EOS-R好)
EOS-R 人像發色較佳 (但A7iii及Z6都追得好貼)
但除了以上, 本人一拎上手試後就喜愛了Z6

所以睇千萬個review, 不如落場試實機

第一部單反用CANON APS-C.
跟住無反興起轉SONY APS-C.
未用過NIKON.
如果是品牌情意結都係CANON同SONY.
但今次看得出NIKON真係一間專業相機廠,
唔係電子廠,牙膏廠
今次敗Z6 心服口服.

一出用到而家，優點好多：

1.好輕，淨機身真係好輕
2.手感扎實,無膠膠地既感覺
3.防震勁（比起Sony A7III 完全係兩個級數）
4.EVF 真係好清，同埋無Delay(郁左郁右唔會有扯住去既感覺）
5.Mon 靚同色準，基本上影完過落iphone 度，d 色係一樣，唔洗好似A7 III 估估下
6.用iphone 過相好快，不過壓縮到好細，所以如果你想原圖，建議用Basic ,3MB 一張度，1秒1張
7.防水勁，試過淋住雨影都無問題，不過最好用熱靴蓋擋住接點位
8.口徑大，就算係用4光圈既鏡頭，個散景會比之前用單反再Blur d
9.好揸手，個手把夠深，不過如果想再好d, 加個皮套連底座，就可以連手指尾都抓實
10.細節位做得好，d 制好實用，而且可以自定
11.自動白平衡好準，仲要有幾個選擇，睇你想保留氣氛定要白淨d, 另外自定白平衡有6個，轉換超方便。
12.選單清楚簡單，就算岩岩上手都唔會難用
13.XQD 卡 (雖然好鬼貴，但係好鬼快，15GB既相，2分鐘內過完搞掂）
14.拍片畫質極好，就算係1080,佢比起A7iii 都係再清d
而且外錄仲有10bit 色，岩哂後期用，防震更加令拍片如虎添翼，拍屋企人同小朋友一流
15.影相/拍片 轉換快，一隻手指搞掂
16. F4光圈鏡頭細又輕，定焦鏡高質，價錢合理
17. 色水變左似Canon, 靚左好多

當然亦都有缺點：

1.單卡槽（好多人都嘈呢樣野，不過睇過好多外國既討論，通常係因為用左D800 黑色粒電，令到部機讀入有時會出問題，但我一出用到而家感覺都好可靠）

2.AFC 追焦能力爭dd, 佢其實已經好快，如果唔係影高速，變化大既野，一般都應付自如，始終呢部係第一代Nikon 無反

3.手把位d 皮易爛，聽聞係用環保皮，所以容易磨爛，尤其個凹位，指界會抓爛

4.無個快速鍵 lock 實個Setting, 以前用單反，一個制就可以lock 到，但佢要入選單搞，唔方便

5.格線有個小問題，d 格線係白色，當畫面係白色或淺色或強光下就好難對d 格線，以前用5d mark IV, 半按一下，佢會變紅色一下，俾你睇清楚再變番白色，但呢部半按時都係白色

其他暫時未諗到，但優點實在太多

其實我本身係Canon 用家，用左10年單反，
由Canon 30D 用起
曾經轉過去Nikon ,D200,D300,
結果體驗好差，顏色青，影人唔掂，用左一年頂唔順轉番Canon,最近一部係5D MARK IV
除左重，其實所有功能都唔錯，
但係近年無反越來越勁，
最迫使我轉無反係因為個對焦，
單反就算旗艦級，都對唔到邊位，
無反係差不多全覆蓋，你可以揀定對焦點再影，變相你係諗定個構圖就直接禁制，直覺好多

另一樣就係重量，實在差太多，拎出街無負擔，一個袋可以裝哂一機4鏡無難度

於是我就開始諗定買邊部無反好，
最初Nikon 發佈Z6, 我係一 d 都唔感興趣
點解，因為價錢偏貴，單卡槽，電量官方話300張相，種種都令我卻步，差唔多既規格，A7III 平$3000, 仲要雙卡，都9 成買硬A7III

直到買之前幾日，有個朋友買左Nikon Z6 ，俾我試玩，完全改觀
可以睇番上面我講果d 優點，
其實佢粒電 最少都影到700張，我係勁preview d 相，長開防震，唔知點解Nikon 咁保守寫300張
外國有人影左1500張先無電
另一樣野就係防震，勁痴線，最慢1/5 快門都hold 到，影死物或影景一流，
仲有d 色水靚左好多，影人已經無以前果種蠟黃，青青地既感覺
個mon 同 evf , 十分出色，個mon 個靈敏度好好，你篤邊度，佢都好準反應出黎，顏色精準，
用過A7III一陣, 最大問題係MON 唔準，曝光好難睇，
你以為無爆光，返到屋企爆哂，你以為準色，原來A7iii 個mon 偏色，激死，你如果做野，俾個客睇，佢會覺得個mon 係咪有問題😂
同埋A7 III FING 左 FING 右， 係會少少扯住去，DELAY 感覺，呢樣係令我由原本想買A7III 變左買Nikon z6 既原因
呢部機一出用到而家，好鐘意，唔係完美，
但已經好好，你會想日日帶佢出街
暫時分享係咁多先😁