總而言之,呢部機不論係新手或資深人都一樣合用。
新人黎講呢部已經好高級數,但如果諗住當佢傻瓜機咁用,唔好好睇清楚說明書,其實係浪費左佢,唔建議just for fun既朋友購買,一來價錢貴好多二來用唔著都係浪費。非專業用家亦係不錯既選擇,佢既功能已經足夠應付日常生活以及一般設計工作拍攝需要,價錢與性能亦平衡得宜,絕對係上選。即使係職業用家,亦知道有唔少人選購呢部,喜歡佢可以用到AF鏡,又唔似得旗艦專業機例如d2x、d3果d咁重,果d淨機都成1400g,真係唔係人人有心機拎出街影相,重量係重要因素。
講完左d80 for用者類別後,都想講埋佢既性能。事實上話就話比d200比就略有不足,但其實都比上不足比下有餘,畢竟d200多出黎果3千銀價差唔係流既,如果唔係人地食咩野?d80已經有唔少d200既功能,真係好夠用。1020萬像,哂A4紙咁大都仲得,但大家哂相通常咪又係4R,甚至相都唔哂出黎慳錢電腦睇實實際際。如果一直未有dslr但just for fun既,呢部固然上選,夠用有突,但budget有限既唔去佢一樣ok,d40x果d一樣好夠用,我一樣知道有資深攝影人咪又係用d40x影煙花,邊個話入門機影唔到同埋冇靚相。