優點:
機身幾輕.(計埋支原廠50-150 + 電磁)
3/4 系統嘅好處,焦距轉換率 x2,即兩倍,焦距300mm會變成600mm打雀大炮
有2-4級機身is防震,手動鏡一樣有is防震.
其他優點仍然發掘中 ^_^
缺點:
雖然個Live View 操作上有D怪,拍照時畫面會有延遲和黑畫面兩秒,但都總算有Live View.
iso 800 可以接受, iso1600就得嘆笑啦 (不過有is防震,唔夠光時唔駛用咁高iso)
冇原廠電磁直倒手柄
其他缺點仍然發掘中 ^_^
評價:
回想兩個幾月前,當其時由於上一部半專機再不能夠滿足倒我,開始心郁郁想買一部單反機,身邊嘅朋友大多都係C或N牌嘅擁(等),佢地個個異口同聲地話,影人或影景都好,必定選C或N,同埋可以互相借架生用.當我向佢地問有關O牌嘅問題時,個個就勁踩話O牌嘅單反好多缺點,Noise勁,鏡頭貴,唔似其他品牌咁多副廠產品支援,有一個甚至乎話唔入流.但係最奇怪嘅係佢地從未有人試用過O牌,身邊都沒有朋友買或用過,唔通O牌真係咁唔掂?不過最後我都係自己從互聯網尋找O牌嘅資料,周圍睇其他講O牌嘅討論區及網頁.
直至到今天,已經用咗E510差不多三個月,最後嘅結論係,冇後悔,冇買錯,十分之合我嘅心水,希望各位朋友對O牌放低偏見,發掘佢嘅優點.
如果好似我咁睇餸食飯咁玩單反機嘅話,一皮嘢內,平平地,買部Kit set,即係Body + 原廠 14-42 鏡頭,再另外買原廠 50-150 & 70-300 鏡頭, 其實已經差不多覆蓋晒近攝和遠攝嘅焦距.
以上資料希望幚到各位作為參考啦,多謝觀賞.