Panasonic Lumix DMC-LX3

實拍照片

$3.6k HSBC Card 有交易抵玩!
2.0 大光圈 , 24mm wide好
LCD too yellow，3.5" 好
外型OK la, 機身重咗D
iA 簡單易用
Video 畫質一流

對焦摱
鏡頭蓋影響snap shot 麻煩
配件貴
joy stick 難用
set 光圈快門麻煩

Wide Angle 勁
HD video very nice.
Auto White Balance Problem .... 好弱.偏黄.
May be 將 AWB set to Manual .... but very 麻煩
但iso is very 正 @ even 400-800...

抵玩 ! $4k 有交易! 發佈時個個估會唔會過六千
2.0 大光圈
24mm wide
LCD 十分好，3.5" 名不虛傳
外型討好
機身做工扎實
手感好好，機身夠重
一貫Panasonic 特式，簡單易用，user friendly
FN 制可review last photo，更可直接delete，讚 (我的TZ 就無此功能喇)

老問題，鏡頭蓋影響snap shot 機動性
配件配套嚴重不足，舉例說最簡單的手繩已經無
Optional 配件極貴，$1090 一個皮套... 我都唔知講咩好
無轉輪 ，P/ A / S / M mode 好唔方便
q menu joy stick 有點難用，由其係按下我次次都要按數次先入到menu
對焦唔算快

作為小弟的第三個review (FX520 及 TZ15 後)，是次已經係第三篇，巧合係三部都係Panasonic，希望各位唔好以為我係打手，事實係，我最喜愛既相機依然係Sony 單鏡A350 ，可惜DSLR 實在係無比深淵，除非閣下好有錢，又或者無其他要洗錢既興趣，例如飲酒打機等，DSLR 實在係一個門檻極高既玩意，因此小弟已經賣左部A350 投入DC 仔既世界

講番LX3，小弟的TZ15 正直當打時期，短短一個月拍左一千多張相，諗番當日FX520，因為Touch screen 高不成低不就，所以又係用好短時間就賣左，當LX3 發佈時其實已經知道係會買佢，再經HKEPC 一班師兄放毒，就落左broadway $3980 入手左

作為一個唔識影相既人，LX3 係比到初學者一種"好好的補習先生"的感覺，首先係構圖方面，可輕易用4:3 3:2 16:9 ，click 一click 已經轉到，相當好玩，影出黎既相更不下於DSLR，image color 好靚，唔係聞相既人我相信10 個有 9 個收貨 (包括一班會用到ISO800 既人)，咁唔喜歡LX3或者唔喜歡Pana 既人會話咩 ？無錯，就係 2.5x zoom 同鏡頭蓋

先談 2.5x zoom 首先想問各位，zoom 係用黎做咩，如果各位要用 10x zoom，不妨買長zoom DC，市場上有好多長zoom prosumer dc (eg Sony H50) 供選購，各位亦唔好太執著Zoom 得幾遠，比你有 FX520 既 5x Zoom，或普遍既 3x Zoom，各位一樣會話唔夠的，Zoom 只係for 構圖方便D (個人認為) ，而唔係一部機既賣點

鏡頭蓋方面小弟亦覺得係某方便既敗筆，舉例我見到架好靚既車，想影低，我要係袋拎個相機袋，再拎部機出黎，開機諗住影，點知未開鏡頭蓋，莫論話set 快門，架車可能已經唔知去左邊了，所以我覺得LX4 ，pana 係有必要改下呢一方面既機動性不足

太多感想未能盡錄 ： 我無LX 1 / LX2 ，LX3 比我既感覺好好，有專業機既虛榮，實用性強，畫質一流，好好玩 。唔好既地方係配件極貴。其實都係果句，鐘意既會買，唔鐘意就唔會買，唔好太介意zoom 到幾多，ricoh grd 無得zoom ，但人家台灣有GRD group，看人家影出黎既相? 呢粒葡萄，各位吃唔吃，酸唔酸，都阻止唔到我對 LX3 既好感，同驚喜。

謝謝各位抽空閱讀。

我唔講優點嘞，齋講感受啦!

我唔講缺點嘞，齋講感受啦!

從未用過Lumix嘅相機，因為已經好滿意Fuji F30嘅相片質素，咁當然仍有不足之處啦!要挑骨頭嘅就係佢嘅鏡頭唔夠wide同埋M mode冇得全校光圈同快門囉! 好嘞，講番點解又會買LX3呢？咪就係同大部份人嘅原因一樣--24mm 同 2.0 光圈囉！咁計下數，我已經滿意F30係ISO800嘅表現，而如果LX3在同樣設定下只可以ISO200相比(有啲師兄覺得LX3嘅相片質素應該更好，依家就作一個比較保守啲嘅估計啦)，但係有防震補兩級(好似唔覺有提及補幾多級，但係斷估兩級都有掛)，再加上光圈可以大一級，咁相片質素應該唔會比F30差(影動態物件別論)，但係就多咗個真正16:9嘅wide angle囉。

睇到有啲人唔滿意LX3 tele唔夠，係我嚟講就唔係太大問題，因為超過9成我用F30影嘅相都係用最wide嚟影，貪佢個2.8光圈。如果一zoom嘅話光圈就會被收細好多而變得難影咗。
依家LX3係60mm焦距時仍然keep到2.8光圈都應該已經好夠用lu，不過都要遲啲試下先知。

好嘞，講咁多嘢，其實都係想買嘢嘅時候俾啲冠冕堂皇嘅藉口自己(或者你隔離嗰件，唔係想佢明，但係佢聽到你up咁多嘢都應該煩到佢俾你買)嘅啫!

講番部LX3，由於只係用咗幾日，所以仍未完全掌握到部機嘅操作（呢部嘢其實都有好多功能俾你玩，同埋如果你對DC影出嚟嘅相都有啲要求嘅話，呢部嘢係需要同可以調校某些設定嚟切合自己嘅口味），不過相信好多師兄都虎視眈眈住呢部機，如果你又好似我咁用緊Fuji F系，希望我嘅初試感覺會對你有幫助。

相比F30，這部機最最最唔方便嘅就係要除相機蓋至影到相，重要係要兩隻手至影到。對於平時唔咩袋出街，只放部F30落牛仔褲袋就出街，見嘢就單手拎部機出嚟charp完就放番落褲袋嘅我就真係要啲時間去適應改變嘅拍攝模式。期待LX3會出好似GX200外置三瓣好似benz標誌嘅鏡頭冚就好嘞。亦因為咁，我相信F30係唔會完全被打入冷宮。

我第一日試影就係一間西餐廳睇奧運閉幕式，環境都頗暗。最初用自動白平衡影覺得色準仍係Lumix嘅死結，相片嚴重偏黃。率之要用手動白平衡先可以免強解決。而由於唔夠光嘅關係，在拍攝微距時亦成日走焦，正好用嚟訓練自己嘅EQ!而一啲用閃光燈影嘅相光度就十足，但係幅相嘅物件(其實係人嚟嘅)就變得好「梗淨」，同埋顏色亦因為偏紅而變得「假」。以上只不過係小弟好片面嘅用後感，有待於唔同嘅環境下測試。不過總括嚟講，以3千幾元（用減乜減物嘅優惠）嘅行機嚟講都算物有所值嘞!

講住咁多先，如果遲啲再有其它體驗就再同師兄分享。

部機既功能我唔再講啦，因為大家都可以係網上找到，反而想講下部機既功能帶黎咩野好處同方便啦
1. 第一個要講既一定係 24mm + F2大光圈，影出黎既風景強而有力，1 cm 既對焦加強左景深既效果
2. ISO 400 完全超出我既預期地好，而 ISO 800 亦都可以達到可以一用既要求(不過本人甚少用到 ISO 800 或以上，所以對我問題不大)，相比之下 LX3 既 ISO 800 已比 LX2 既 400 做得還要好， Pan 記機係室內較暗既環境影一張平滑既相已經唔係天方夜譚，個人覺得 ISO 既表現甚至乎可以比美入門單反機了
3. Q Menu 實在超方便，按一下，已經將平時常用既功能係一個畫面完全 show 既出黎，包括 ISO、對焦模式，測光等
4. 高速模式，可以快達一秒八張，雖然只係三百萬像素，但已經係一個實用既功能

1. 如果 LX 系列過去 sell 既係一個 16:9 既 CCD，今次 LX3 既出現絕對係對 LX 系 fans 一個好大既遺憾，因為今次無再加入 16:9 既 CCD，變相換黎 16:9 既 format 只得九百萬像，雖然講緊可能只係相既 size 既問題，但對於 LX 系始終係一種……
2. 手握位今次做得唔湯唔水，可能部機重左，希望你地拎得舒服 d，所以出現今次既情況，不過我諗 Pan 記始終想保留部機有 DC 既味道，所以係呢 part 唔想做得太似半專機既手握位做得太大，不過個人始終覺得 LX2 個手握位做得美觀又實用，可惜始終要係外表分別 LX2 同 LX3，變左個手握位做到唔湯唔水，個食指位總係覺得唔係好舒服
3. 配件太貴啦，例如加個 18mm 鏡頭要成千八蚊，性價比唔高，如果係一千樓下，個價會吸引d

本身用緊 LX2，相信好多人都會有個疑問，值唔值得升級？！我自己就覺得，見到 LX3 既 24mm + F2 大光圈，就已經係一個升級既好好理由，再加上 ISO 既改進，感覺上拎呢部出制好過拎住部入門單反機，除左手感 LX3 俾唔到你之外，我覺得質素同功能反而係入門單反未必俾到你

不過見到好多人見到 LX3 既焦距只係去到 60mm，會唔會短得滯？！

其實每部機都有佢既定位既，我諗 Pan 記係 LX3 想 sell 既，唔係講緊遠距離，唔係講緊超彈性既變焦，sell 緊既係一班可以喜歡影風景既愛好者(本人屬於此群)，sell 緊既係俾你見到超廣角影出黎既風景個種震憾，你拎部機上山頂影一張就知道唔係部部 DC 都可以俾到你呢種感覺

就算係影生活照，同屋企人/朋友影相，佢地企既位置一般都唔會超過你五-八米，呢個 60mm 既變焦其實都足以令你有個彈性可以就位，千祈唔好同我講部機諗住用黎打雀，部機既定位唔係呢個

外型: 雖則各花入各眼, 但真係幾「原汁原味」的相機 design, 滿足左我地呢d「無支鏡點叫
相機呀!」的人。今次有背帶,機放心口。

Spec: F2.0 - 好突破, 因為個景深「毒」左好多.
24mm - 少變型, 無論16:9, 4:3, 3:2 都有, 抵讚!
iso - 一直以來, LX2 好, FX 系列都好, Pan 記同R記成日有個尷尬位, 室內拍攝時唔想用
flash, 但開 iso 200 唔夠, 400相片不堪入目。今次呢, 係有進步架。iso 400 noise 似F
記的800。OK 啦!! 至於iso 400以下, 好滿意好滿意, 超prosumer 趕緊DSLR!!
閃光燈 - 機仔黎講幾有力, 夠火
微距 - AF 幾準ge, 加埋F2.0, 拍微距樂趣大增!!
學影相一流 , P/A/S/M 齊晒, 但又有d有趣 scene, 針孔同多重曝光似玩LOMO, 噴沙令
pic 好有texture。加埋IA 呢個auto mode, 雖然高手無乜用, 但對我地呢d學緊影相的小
薯仔, 有呢d野玩下有趣味好多。

介面: 算易上手
支joystick 好方便。

價錢: 我買 $4050 @ Broadway, with 4G card, battery, 腳架, 做埋免息分期。永成$3950, 中
原鐳射$3999, 兇宅$4090~4190有渣打信用卡回增。

握手位太細larrr~~
得2.5倍zoom....umm...差dd喎, 但"一擔砂糖一擔si", 佢地生意人, 俾一d,又少番d, 如果唔係點出LX4?
我怕joystick 易壞
要倒數計時, 每張相都要較一次, 唔方便,
save 相慢,
10秒快門拍完等番足10秒。

這是我第一部我滿意的Pan記機,
一向不喜歡Panasonic 在高iso 的表現太差,
「iso 一百以下好人地少少, iso 二百以上差人地好遠」,
(「人地」泛指其它三大品牌, Canon, Nikon 同 Fuji。)
好似拎住「Leica」個logo 食左好多轉水,
由Fx01 到近期 Fx 38, Fx520, 在相片處理方面無大進步。
甚致像素由6.0提升到12.0, 所有細機CCD 居然停在1/2.33 。

今次算等到一部誠意之作。
我有f100fd, 可做少少對比,

1. P/S/A/M 全手動, 全auto 幾靚都好,有時影相就係enjoy 果個「搞lee搞路」的過程,唔係ge我上yahoo 搵幅維港夜景照ok lar..實靚架!!

2. F2.0 令相片內的變化多好多

3. LX3 iso 400 ~ F100fd iso 800 (大概係咁)

我今次無後悔架~
晏少少放相, 小弟係初哥,
又唔識執靚d相,
但係中意影影影影,
俾大家睇到 LX3 最差可以係點都好吖!! ^^

all time 24mm for all aspect ratios.
quick RAW saving! dust GX200 away!!!! (only 2 secs)

1. Completely useless silkpix software for RAW conversion. Quality even worse than direct jpeg output from camera. (both details/noise/CA control are sucks...)
Hope to have Adobe ACR or Lightroom update asap!

2. no direct ISO change botton...
3. really need 85mm or more...why not provide a tele-converter lens?
4. noise control not much improvement as advertised compare to LX2
5.limited RAW headroom... i wonder it's even less than a 12bit format

Nice camera. everything as expected.