Nissan Serena

空間足夠, 而且使用彈性大
馬力足夠之餘也算省油

未有正式 Hybrid 系統, 否則應該可以更省油
安全氣袋不足

在眾多大七人車中, 日產 Serena 的售價可優最便宜, 而配置上也不差. 最喜歡它的車廂空間較大之餘, 座位的設定彈性也十分足夠. 我使用的是 2.0 版本, 基本上大部分時間都不用擔心不夠力水問題, 操控方面也十分就手, 不過也會羨慕其他廠商會加進真正的 Hybrid 系統以作省油之用. 現時平均每升油可跑約 10km, 不算不過不失, 但之前租用過的 Hybrid 細車卻往往能做出超過 20km / l 的水平, 相信大七如果加入 Hybrid 統的話, 15km / l 應該也能做到. 另外, 安全氣袋方面只得前排也是不足之處.

- 座位編排靈活, 可以選意轉換7座、8座格局
- 當年屬於環保車優惠車種，行 10 km/L 算係相當慳油 (50% 高速)
- 行左 3 萬幾公里，暫時都係正常換油，無特別維修事項，亦無特別雜聲
- 147 匹馬力算係剛好夠用，載滿人上花園道都有心有力
- 玻璃窗比同類車款大，加上有玻璃天幕，景觀開揚又易睇位
- 避震舒適寧靜，無乜胎嘈
- 後座有獨立冷氣調較掣，乘客可以自己調較冷氣
- 中排後排都有兩個小型餐桌及杯架
- 最後排座墊都算厚同舒適

- 車身較高，有少部分停車場入唔到，但都無 Alphard 咁嚴重，太古城都入到既
- 車內 12V 供電位唔夠多
- 保養期內代理要求每4個月做一次檢查保養，較一般車半年一次頻密
- CVT 波箱無加減波，但係就有 sport mode，有時會按個 sport mode 掣當 engine brake 拖波用
- 設有斜坡開車防後溜功能，但就無防溜前

本身有部跑得下既 sedan，但就要搵多部 MPV 作為應付家庭需要的腳車。在我看來，部部高身 MPV 都係差唔多樣，另外相信都唔會有人期待用呢類 MPV 黎飛，所以就主力由功能同舒適性去考慮入手邊一部。

其他牌子 MPV 有D會提供7座、8座型號，但揀左就無得返轉頭。7座中排係舒適D，後排出入又舒服D，但我屋企比較多人，加上工作需要有時要載人開工，計返數有時可能會突左一個。好在 Serena 中排有個靈活既設計，中間個位可以摺埋推上前排變成手枕，中排中間就會變左條通道出黎，後座出入就方便好多，平時係7人車，有需要就變成8人車，都算係好好用既設計。

Serena 既高度同長度都係令人滿意既，頭位同腳位係夠闊夠用既，大人坐最後排都好舒服。當然呢類中型 MPV 唔會好似 Alphard 咁闊身，中、後排坐3個大人就會迫少少，中間溝一個小朋友就剛剛好喇。

作為一部實用型既家庭車，其實都唔容易搵到缺點。C26 呢代慳油、夠力、實用、靈活，我覺得就已經足夠。最重要係，渣左3年3萬公里，都未出現任何問題。反而唔少人都話某大日本廠既車好似唔會壞咁，但我以前渣過T牌子、H牌子甚至L牌子，2萬幾公里都已經有D小問題如頭燈入水、電摺鏡摺唔到、車窗摩打故障，真係世事無絕對。