大家有冇試過去影樓影相呢？不論係全家福，二人世界，又或者係靜係影小朋友（甚至寵物）。相信現今世代，尤其係有小朋友嘅家庭都應該幫襯過。你又有冇想過其實自己屋企都可以變成影樓呢？
自家影樓的好處：
- 自己地方，唔使預約，無時間限制，唔怕陌生（因爲有啲小朋友會唔集慣)。
- 任何時候都可以影，不論外面陽光普照或者狂風大雨都無有怕。
- 鍾意擺乜pose都得，唔使驚比人笑。
- 自拍又得，同一大班朋友有得。
- 冇最低消費，冇softcopy上限。
- 練習燈光運用。
- 創意無限，隨你自由發揮。因爲有啲朋友唔鍾意比攝影師指指點點...等等等等。
講到唔好處當然有啦，不過一定無好處咁多。
講到器材，其實平有平玩，貴有貴玩。
最基本需要如下：
- 相機（單反，無反，甚至Point and Shoot都得），當然單反或者無反最好，因爲反應快啲同埋可以控制閃光燈。
- 閃光燈，一盞起，多一兩盞更好(可以做多啲燈影效果），但要注意要可以做到同步飛燈（紅外綫或radio trigger）。
以下項目不一定需要，但有就更好：
- 背景布，背景架（無就可以搵幅牆）。
- 燈架（如需要用飛燈），無就可以用三腳架代替。
- 柔光罩，反光板。
- 道具（如波波，公仔，小玩具）。
- 特別衣飾（例如消防員，牛仔/女，卡通人物)。
萬事俱備，就靠你...攝影師...發揮你嘅無限創意啦！！！
下面分享一啲自家影樓嘅出品：
