剛剛成為FEVER達人, 多謝DCFever 比呢個機會我發表文章。
第一篇文章, 就發表一下2005年小弟第一次穫得每月之選的作品 殤 分享, 並講下點影啦~
我認為, 一輯好照片除左好睇, 最重要係能夠帶出一種訊息比睇相嘅人, 所以當我地做攝影創作時,帶有情感去感受當地環境氣氛係好重要,當你投入到一種氣氛時, 你就會好容易創作出同樣具有呢種氣氛的作品。
講返輯 相係喺跑馬地墳場拍攝的, 當曰我去到果度, 我感受到沒有一絲恐怖氣氛, 但換來的是一種悲傷的感覺, 原因係d 石像的表情, 令人感覺到在世的人多麽悲痛地為死去的人製作這些石像, 所以我就想以這種氣氛為提材去泡製呢輯相。
我認為對比度, 同粗糙感可以突顯到照片張力, 所以我以最高對比度和高iso 去拍攝的
而我會每張相影之前, 我都會細心留意石像的表情, 和附近的物件, 睇下有無d野可以做櫬托。
攝影初期好容易犯既錯,就係乜都要影哂, 影得清, 其實照片最重要係你想點樣帶出你既重點, 就好似呢張咁, 我相信天使誠心地拜耶穌的腳, 會比拍哂全個耶穌像更為吸引和帶出重點。
除左留意背景櫬托之外, 其實運用不同焦距, 去誇張和突出主題, 係好有用, 最重要係成輯相有不同焦距衝擊下, 睇相既人無咁悶喎, 所以小弟向來不太認同只用一支鏡的拍攝手法。
拍到最後, 我直頭感覺到和石像之間有交流, 拍到唔開心, 執相時直頭個人都down down 地添。
回顧一下當年葉青霖對小弟作品的評價:
我常常強調成功的攝影作品必須充滿感覺，包括攝影師，被攝者和觀賞者的感覺。攝影師在拍攝時注入的感情越多，作品的感染就越大。這個道理不論拍攝任何題材也可適用。
這套作品雖然是拍攝死物的石像，但作者卻巧妙地捕捉了每尊石像的表情，加上出色的構圖、曝光和後期製作，令每張照片都賦予栩栩如生的生命力。
多年前我在巴黎參觀羅浮宮博物館時，也曾用過類似的手法來拍攝展覽的石像和銅像，過程中更能深入感受到藝術家雕刻的功力，和他們想透過雕像來表達的感情。
下次各位看到任何雕像時，不妨仔細觀察，對你拍攝人像也會有很大的幫助。
http://www.dcfever.com/news/readnews.php?id=1067
PS: 當年的獎品是256mb !!! card 我最後係無去領獎的, 唔知仲有無得囉返呢xdd
我的攝影教學blog: http://www.hkzooo.com
感謝給我一個like : http://www.facebook.com/hkzoo
