意大利其中一個我響往已久的地方, 就係天空之城 Bagnoregio
聽講話而家好似有d 意大利豪華遊都有去, 但我今次係自己渣車去, 靠google map 慢慢搵的, 可惜天氣極差, 我渣左三小時車去, 沿途一直落大雨。
去到當地, 一片迷霧, 好彩, 雨開始細, 可以比我頂硬上, 看著天空之城, 我可以做的就只有等, 等迷霧散開, 希望有奇蹟
這樣的迷霧, 配合這個天空之城, 又別有一番風味~
天空之城的四周, 都是依山而建的古屋
其實望遠d, 呢度係比山重重包圍, 在迷霧下更覺層次
由於天氣惡劣, 呢度近乎完全無遊客, 正合吾意
等左半個鐘, 開始變清了, 藍天白雲是沒可能的, 但最少可以毛毛細雨下向前進啦
其實迷霧只是被大雨打散, 惡劣天氣持續, 唯有頂硬上啦
登城就好像登雲一樣, 入到城內霧也是很大的
在天空之城的玄關度避雨先, 城內環境好像別有洞天
玄關內除左我和我太太外, 還有這位貓大哥, 佢好似都係避雨中喎~唔好睇佢咁嘅表情, 其實相當親切的。
進入天空之城, 近乎無人, 不但無遊客, 而且店舖都關了, 只看到一家教堂, 天氣再差都好, 教堂之門都為我們而開的
相當簡樸的教堂, 流露住一點點中世紀的感覺。
教堂是簡樸的, 但神像是新的
離開教堂, 又見到貓大哥, 大家搵到佢嗎, 佢有保護色呢~ 我地一見到貓大哥, 追上前, 佢竟然閃, 我地跟住去…
又發現多兩隻, 呢兩隻係香港稱得上名種貓吧 以下落黎, 不多講了,睇貓貓相吧, 我係呢個位置, 越來越多貓~ 最後…..
最後, 我地係呢個地方玩左個幾鐘, 貓貓完全係唔怕人的~ 我太太做了貓大王
好懷念這個天空之貓城, 太難去了, 以後都未必有機會再去探佢地了~ 所以打呢篇文出黎, 幫佢地宣傳下, 如果各位有興趣去玩下, 記得帶貓糧呀
註: 以上攝影由e-m10 及5支定焦鏡拍攝的 分別是12 17 25 45 75mm 而氣氛方便, 主要low key + 不同色溫 和 art filter(柔焦/柔光) 配合環境制作的。
原文: http://www.hkzooo.com/天空之城-civita-dl-bagnoregio/
我的攝影教學blog: http://www.hkzooo.com
感謝給我一個like : http://www.facebook.com/hkzoo
