雖然只係去左三曰兩夜, 但行程實在太豐富, 耶路撒冷古城,新城, 耶穌釘十字架, 停屍, 和墓地, 還有苦路, 哭牆, 三教聖地,最後晚餐地方, 阿伯拉罕祭神之地, 穆罕默德昇天地, 聖母昇天地方,伯利恒城, 耶穌出生地, 最古老城市耶利哥城, 死海, 阿拉法墓, 地中海, 羅馬古海港凱撒利亞, 特拉維夫等等…..
雖然只係旅行相, 但今次旅程令我對耶穌加深認識, 成個旅程比較沉重, 因為耶穌開始傳道的三年裡, 面對著出賣, 背叛, 痛苦, 死亡 但哀莫大於心死, 耶穌對著耶路撒冷城的哭泣, 我感受到了。 所以我整輯 照片都用上比較低光去拍攝, 配合我沉重的心情。
如果直飛以色列, 香港得一班機係以色列航空, 到以色列時間係上午03:00 其實最好就直接去耶路撒冷探耶穌, 因為晨咁早無乜人, 呢張相係耶路撒冷新城區街景。
新城區滿街都是藝術品, 好似呢件咁, 又幾似我地個毛主席。
係以色列要小心安排曰子, 佢地星期五六唔做野架
一條馬路之隔, 右邊就係新城區, 左邊就係古城區, 古城區坐塔就係大衛塔, 即係記念大衛王的塔, 對猶太人黎講都幾重要的。
古城區內非常之有氣氛
古城區內既路, 用既石, 已經用左千幾年, 果兩條車軋係比馬車行的, 而家都無lu
入到古城行無幾遠, 就搵到呢所聖墓大教堂, 係今次以色列之旅最重要既地方, 由釘十字架到耶穌之墓都係哂裡面
睇黎猶太人應該都幾鐘意貓, 呢度d 貓周圍走, 又唔怕人, 仲幾肥美添
係聖墓大教堂裡面, 第一個景點, 就係耶穌被釘十字架既地方, 當然, 當年只係爛地一塊, 經過人類2000年來既搞作, 而家非常豪華 但在洞入面係可以摸到一個石洞, 耶穌個十字架就係插係呢度架喇
呢個就係耶穌之墓, 我地細個睇聖經, 耶穌明明係葬係個山洞度, 點解而家咁靚 ? 又係果句啦, 經歷左2000年, 幾多億人去拜耶穌呀, 乜洞都無啦, 所以係耶穌個聖棺就放左係裡面… 不過我無機會入去了… 可惜
而呢個係聖墓既後面, 你會發現聖墓係有兩個人口, 無錯, 兩個都係入口, 要係入口都出返黎, 兩個係唔互通的, 前門係比好多大教派共用, 包括 東正教, 天主教, 阿美尼亞國教等等, 而後門就比埃及和埃塞俄比亞國教用…. 係咪好奇怪呢? 其實聖墓大教堂係分比好多個教會用, 當中當然係無新教(基督教)啦
呢塊石, 放在係釘十字架和聖墓之間, 相傳耶穌死後, 就係放係呢度潔淨的
呢幅畫說明左聖墓大教堂三個重要的聖物
由於教派眾多, 所以教堂裡面有好多唔同大小的分堂
向來建造教堂的都是藝術家, 他們很會用光, 攝影師們係教堂不難攝取靚光
有一個說法話阿當就係葬係呢度喎… 但無証據的
最後比大家睇 多張聖墓正面啦, 係呀右邊既人係排隊入去聖棺前禱告
到離開時, 已經天光了, 大家記得我是三點落機嗎? 已經係上午7點了~
係時候食個早點, 好硬, 幾難啃的包~
由於影左太多相, 拍大家load 得耐, 所以今次以色列之旅會分幾輯出相
由於唔想洗版,所以po 埋其它2篇條link 出黎
以色列巴勒斯坦神聖戰地之旅 (中) 苦路 哭牆 主泣 聖殿山
以色列巴勒斯坦神聖戰地之旅 (下) 伯利恒,死海
我的攝影教學blog: http://www.hkzooo.com
感謝給我一個like : http://www.facebook.com/hkzoo
