其實初學攝影, 乜都影得一餐, 其中打蝶都算係攝影必經階段!
影蝴蝶天時地利最緊要, 香港最多蝴蝶係春天時間, 而新界區好多地方都有蝴蝶, 但唔算好集中, 其中最有名的分別為 鳳園, 松仔園, 沙羅灣等等~
知道邊度多蝶, 知道幾時多蝶, 天時地利而齊, 就要講器材, 我們需要的是快速對焦的長焦距鏡頭, 大約100mm – 500mm 都幾好 最好支鏡有埋Marco 功能添~
而防手震黎講, 我覺得可有可無喎~ 因為基本上影蝴蝶我會建議用快快門細光圈
詳細少少就以上的器材要求解釋一下啦
- 長焦距: 因為蝴蝶同你點都會保持一定距離, 同佢太近蝴蝶會比你嚇走的
- 微距鏡: 其實微距與普通鏡最大分別, 唔係話最近對焦距離近d, 而係放大比率高d, 呢個比率越高, 你就越能影得隻蝶大d
- 快快門: 除非有特別構圖, 初學者最好都係用快快門喇, 唔係話驚你手震, 而係驚隻蝴蝶展翅太快 所以最好1/100 ~ 1/1000 之間
- 細光圈: 的確如果可以用大光圈, d 散景係好靚 既, 但係如果光圈太大, 又太近, 焦距仲太長添~ 那景深就會太淺, 咁就無野睇架喇~ 我用全片機起碼f5.6啦
- iso 定閃燈? 既然又要快快門, 又要細光圈, 即係一定唔夠光啦, 咁用高iso 好定補閃好呢? 我覺得如果可以, 最好還是用高iso 吧, 無咁生硬~
好~ 開始講入正題, 點先影到一張靚 既蝴蝶相, 有以下幾個要點
- 打蝶要打個頭, 唔好尾清頭唔清
- 打蝶 要打側, 即係最好係佢側而影埋去
- 打蝶 要水平, 與蝴成一直線, 或者從下打上, 唔好由上打下, 點個好重要, 因為關係度蝴蝶的背景與光線~ 我見好多人見離地半米左右有蝶 就高高在上地打, 那就兩樣錯, 一來背景不就變左地面~ 而來咁樣的角度隻蝴蝶好難就你喎…. 咁自己坐低d 咪可以同蝶 成水平, 咪容易打佢全相~ 從下打上都正架, 因為可以利用光線~ 拍出神蝶效果
- 留意背景, 要配合, d 蝴蝶有時停係石頭上面, 影出黎都唔靚
- 要有耐性, 有時有d 位置d 蝴蝶走左, 你係度等一等, 好快又會返黎~ 由其是蜻蜓, 佢地好鐘意飛來飛去都係果個位的
- 影多d 不停影, 年年都去影~ 一定有進步的。
就咁嗡無意思, 前陣子去影左幾張, 同大家分享下, 順便講講點影吧
(呢張野係失敗的, 一來重點唔夠sharp 因為快門唔夠快啊, 而來其實蝴蝶打開哂唔係咁靚)
(呢張就幾好, 人影相好怕背光, 蝴蝶就唔怕, 而且仲好靚好通透添, 而呢張相其中一個特別的地方, 就是蝴蝶的影子)
(同一隻蝴, 換個唔同角度, 有時蝴蝶相無乜必要一定要影到隻蝴蝶好大, 有時有多少少背景櫬下都幾好的)
(影蝴蝶要留意蝶身與背景兩隻色, 對比大唔大, 櫬唔櫬)
(呢張相其實有少少低炒上去的, 長焦距而背景又好遠時, 你會知道有靚散景了, 係呢個時候你左左試又試, 試到有最靚既散景~ 光圈也唔駛太細的)
(順便一提啦, 呢張係一張曝光有點不足的相, 好多時用PAS MODE 都會影成咁)
(同一張相, 曝光足夠真係差好遠架)
(當太陽照到正真係好鬼sharp 的)
(蝴蝶係好鐘意一雙一對的~ 成雙打, 開心好多~ 飛緊既蝶, 快門要勁快啊~ 所以我呢張好似iso1600黎補足)
(比你影哂成隻咁又點, 其實個型態唔靚, 張相就係唔靚 )
(我記得我岩岩學影蝴蝶成日想影飛緊既蝶…. 其實呢d 野, 唔好成日試了, 認真學習利用光線好過啦)
(都話左打側影先靚 架啦, 正面就算比你打中個頭, 都唔係靚啦)
(我最唔鐘意呢d 石上蝴蝶, 唔櫬)
(同樣地, 呢d 灘開哂比你影既蝴蝶都係唔多靚, 飛蛾咩….)
好喇, 係咁多, 今次專登乜野失敗作都po 哂出黎, 想帶出一個訊息, 影蝴蝶要影得多, 乜都試, 自己去選擇靚既相~ 咁就係人都可以變逹人架啦~
我的攝影教學blog: http://www.hkzooo.com
感謝給我一個like : http://www.facebook.com/hkzoo
